الــمالــك🖤🔥.

البـــــآࢪت الثــــلاثيـــــטּ🖤.

تفاا؏ــــــل ؏ـالبــآࢪت❤.

لـِ الڪـــاتبــــه: البحــــآࢪيــــه🔥🦅.

فـِ حـوش زيڪو/.

ناصـر: وافقت؟
مالـوما: أي
ناصـر: تيي ڪيفف صاار؟
زيڪو: علي حسب ماقالتلي حـور ان عمامها هم اللي جبروها عليه.
ناصـر: ڪلام فارغ.
زيڪو: لا مش ڪلام فارغ عمامها واعرين وبيفتڪوا منها وخاصة عمها فتحي.
مالـوما: ماتوقعتش
زيڪو: لا توقع يـَ بااتي خلاص عاد توا هضاا وين بتنساها وافقت علي خوك وبتقعد مراته.
مالـوما: ڪيف بننساها💔؟
زيڪو: مش حتقدر تنساها لاڪن حاول تباعد عنها علي قد ماتقدر وخلاص.
ناصـر: تي بتولي مرات خوه يعني بيتلاقى معاها ديما.
زيڪو: عندك حل؟؟
ناصـر: لا
زيڪو: معناها سد فمك.

فـِ حـوش باسـم /.

صالح: خير ياعمتي
رنده: الحمدلله عالسلامه يـَ أصلووحه.
صالح: الله ايسلمك ڪيف حالڪم؟
رنده: الحمدلله
صالح: قالولي اهدوله خطبوها؟
رنده: اه والله
صالح: باهي ماشاءالله ربي ايڪمل عليهم وماتخافيش عليها راهو ملهم راجل أڪويس.
رنده: مالـــك مش ملهم.
صالح: ڪيف صاار؟
رنده: خطبها مالـــك ولدهم الڪبير
صالح:(مصدوم): اه نا غالط معناها.... هديـل وين؟
رنده: فـِ الڪوجينه.
صالح: خلاص نا نمشي انسلم عليها وانبارڪلها (خش عليها) :هووي؟
هديـل: الحمدلله عالسلامه صحصح
صالح: الله ايسلمك.
هديـل: شنجووك؟
صالح: تمام والله... شن فيه؟
هديـل: سمعت؟
صالح: اه سمعت وجيت بنفهم منك شن الشرموله اللي صايره؟
هديـل: هضاا اللي صار
صالح: احڪيلي.
هديـل: شن بنحڪيليك ياصاالح حتناا لعند تواا مش مصدقه اللي صاار.
صالح: ڪيف مالـــك فهميني؟؟؟
هديـل: نا ماڪنتش عالمه بشي قالتلي أمي جايين ايشوفوني ويتطمنوا علياا بس نيين جتني اسماء وقالتلي جايين يخطبوا فيك لولدهم ناا فالأول نحسابه مالـوما لاڪن بعدين عرفت ان مالـــك.
صالح: شن هالمعيله هذي وانتي عليش وافقتي ياحنه؟
هديـل: اناا؟
صالح: لالا ناا تي ڪنڪم انڪلبتوا انتمم؟؟ من جدك اتوافقي علي واحد عمره اربعين سنه يـَ هديل امطرشقه انتي ولا بعقلك؟؟
هديـل: من اللي أربعين😳😳.
صالح: هاابااا حتى عمره مانك عارفتيه يـَ اصمڪه؟؟.
هديـل: أصلاً ڪان ما وافقتش عمامي بيقتلوني يـَ صالح وانت عارف مانبوش نضحڪو علي بعضنا.
صالح: ياغيبة باتي بسس.
هديـل: عمي فتحي جا لأمي ثاني يوم بعد طلبوني.
صالح: فتحي هضاا عطه مايقشعه شن قاللها؟.

⚡فـــــلاش بـــــــاك⚡.

هديـل:(ناضت علي صوت عمها فتحي ورنده فـِ الصاله وڪان نقاشهم بصوت عالي فتحت الباب وقعدت تسمع فيهم شن يحڪو).

رنده: والله نا بنتي مانجبرها اتوافق هذي حياتها وحرة فيها.
فتحي: البنت اتوافق يعني اتوافق
رنده: وناا قتلك بنتي مانجبرهاش يـَ فتحي.
فتحي: نا هوو عمهاا ووصي عليها بعد مات بوها ونا اموافق عليه هي شن دخلهاا اتوافق ولا؟
رنده: توا اذڪرت انك عمهاا؟؟ مش قبل ڪنت متبري منهاا وقلت لـِ باسم البنت هذي هااربه وماتلزمناش؟؟ ولا توا تغير ڪلامك؟
فتحي: ڪلمه وحدة يـَ رنده هديـل بتوافق علي مالـــك يعني بتوافق وڪان رفضااته اتشوف شن بيصير فيها.
رنده: شن بتدير يعني؟؟
فتحي: ناخذها منك وانخليها فـِ حـوشي وانبطلها من القرايه وحنجوزها لأول واحد ايدق بابي ويطلبها.
رنده: الڪلام هضاا ايصير لما مايقعدش عندها أم وخوال يـَ فتحي.
فتحي: البنت بنت خوي ونا حر اندير فيها اللي بنديره... وبعدين أي خوال تدوي عليهم؟؟ محمود اللي امسافر؟؟ ولا امبارك اللي حتى هو اموافق؟؟ ڪلا الباقي من زماان غاسلين ايديهم.
رنده: مالڪش علاقه بـِ هديـل امها عايشه انت امغير اشقى ببناتك بس بنتي ناا ماعليك فيها.
فتحي: نا نبهتك وانتي حرة يـَ رنده هي السلام عليڪم(طلع).
رنده: خزي هاليهودي هض.