الــمالــك🖤🔥.

البـــــــآࢪت الثــــــــامــــــטּ عشــــــࢪ🖤.

لـِ الڪاتـبــــــه: البحـــــــآࢪيــــــه🔥🦅.

عنــد الشبــاب/.

(امقمعــــزين برا عالعشـب ايدخنـوا ويهـدرزوا)

مالـوما: زيڪو؟؟
زيڪو: هنعمم.
مالـوما: توا علاش لما حڪيتلك علي غاليـه قلتلي ماتخسرهاش وماتعاودش الغلط اللي درته؟.
زيڪو: الاجابه سااهله وبسيطه يـَ مالـوما عشان ماديرش ڪيفي واتطير من بين ايديك زي مطراي الأسود.
ناصـر: قصدك انت ڪنت اتحب وحده زماان؟؟
زيڪو: اييييه مامغير حبيتها بس تي اغويت فيهاا ناا غير الله غالب هضاا هوو قسمي.
مالـوما:شن صار باش فارقتها؟
زيڪو: زي مايقولوا العرب اللوله القسم قسم اسمه فيه يقسم اوقات واوقات يقسمك.
ناصـر: باهي احڪيلنا يـَ زيڪو.
زيڪو: ماتقلب علي مواجعي يـَ ناصـر خليها ساڪته.
مالـوما: غير هياا بس احڪي نسمعوو فيـك.
ناصـر: هيااا زيڪو تربح
زيڪو( رقـد عالعشـب وقعد ايبحت فـِ السما): هضاا يـَ سيدي زمـان اياام ڪنا فـِ البريقـه وڪنت واحد عاطل لانشتغل لاشي امغير ماد وجهـي فـِ الحوش ونطلع مع الجماعه بس... خلاص فيه يوم شفتلڪم وحده فـِ الجامعه ونا ماشي لواحد من اصحابي ننقانها عجبتني وخشت فـِ خاطري يـَ شبااب... قعـدت انفڪر فيها وڪل يوم نمشي لـِ الجامعه عأساس ماشي لـِ صاحبي ونا ڪذاب ماشي بيش انحقها.
ناصـر: اههه يـَ مشاڪسس😂😂😂.
زيڪو: خلاص قعدت اقريب شهـر ونا نمشي لعـند ماڪلمت صاحبي وقلتلـه عليها وخبرته بڪل حاجـه وعدا جابلي رقمها بعد يومين بس.
مالـوما: وڪيف جابهولك؟
زيڪو: ساعتها اخته تقرا معاها فـِ نفس التخصص يعني صاحبتها غير من بعيد... فالأول ننقاني مابيت انرن يـَ شباب خفت تسحابني من هالسناڪيح اللي بيرتبطوا بيش ايغيروا جوهم وخلاص.... قعدت اسبوع مارنيتش عليها وبعدها تشجعت ورنيت ردت غير ماتڪلمتش بعد سمعت صوتي صڪرت في وجهي وحطتني حظر😂.
مالـوما: ياعليك تزليط😂😂😂😂.
ناصـر: وووه😂😂😂.
زيڪو: بعدها معش رنيت قعدت نمشي لـِ الجامعه انشوف فيها من بعيد وخلاص... نيين بعدها ڪلمت صاحبي وقتله نبي حل معاش قعدت نرقد يرااا ونا نفڪر وهاابا ڪان جت الجمعه ايش ايريد ايحزهاا انڪملها عرايك مع باتي ومحمد.... خلاص ڪلم اخته ڪلمتها وحڪت علياا قدامها جو دعايات اثنين بربع😂😂.
ناصـر: بااهي وبعدها؟؟ ڪمللل.
زيڪو: خلاص بعدها البنت قالتلها نا ماعمري ڪلمت راجل وهڪي وننقاني مانبي انخون هلي ونحڪي من وراهم.. وهناا يـَ شبااب اڪبرت فـِ عيني واجـد وزدت اغويت فيها اخرى... قعدت نمشي لـِ الجامعـه ومعاش قابلتني قلت خليني نمشي نسأل عليها صاحبي وبعد نشدت طلع باتها متوفي مشيت نجري ڪلمت باتي وطلع يعرفه عزيناهم وبعد يومين رنيـت عليها بس المره هذي ردت عليااا تي ياعليييك فرحهه يـَ شباااب وحقربي قريب خبطت فالسقف... هدرزت معاها وعزيتها وسڪرت قعـد انڪلم فيها ڪل يومين ثلاثه نسأل عليها نيين بعدها تمت اترن علياا حتى هياا وتحڪي معااي ... بعدها قلت يـَ زڪرياا انت ضروري تبدا تخدم علي راسك بيش تبني حـوش علي حالك وتاخذ بنت الناس لعند امتى بتقعـد هڪي معاها؟.
مالـوما: وشن صاار؟
زيڪو: قعـدت نا وياها ثلاث اسنين يـَ شبااب ونحنا نحڪو مع بعضنا وڪل يوم ايزيد غلانا لبعضنا ڪنت مانحمل فيها بصيره وهي ڪانت معااي فـِ ڪل حاجه  ثلاث اسنين ابحالهـن ونا نخدم مع باتي ونخدم عند عرب عندهم محلات وانلم فـِ القرش عالقرش نين حصلت مبلغ وزدت عليهن من باتي وخوي محمد وبنيت حـوش احذا حوش الشياب والسنين هذين ڪلهن وماوالي عالم بغيتنا خاطي صاحبي واخته بس.. لعند ماجا اليوم اللي ڪلمت باتي وامي عليها وقلتهلم نبيها... وافقوا ياسيدي ومشى باتي وعمامي الاثنين ومعاهم خالي وجارنا.
ناصـر: اي وبعدها خطبتها؟؟
زيڪو: لا والله.. قبل مايتڪلم باتي ويطلبها من عمها ناض اولده الڪبير وقال بنت عمي وانريدهاا وخرب علي خلطتي ڪلهاا ناض عمها وقال مافيش نصيب💔.
مالـوما: تدوي جدياات؟
ناصـر: اي وبعدين؟
زيڪو: روح باتي وقعد ايهزب ويعاارك عالموقف اللي انحط فيه قدام الرجالـه... لما حڪالي ناضن علي اجنووني وطلعت من الحووش وماعاد ريت قداامي الا ونا عند صاحبي... بڪيت عنده من جد جدي يـَ شباب  وروحت منه بعد الفجر لـِ الحوش خشيت للدار والقيتها متصله بياا اقريب عشر مڪالمات قفلت تيليفوني ورقدت... ثاني يوم اللي ڪان الثلاث انضني؟؟ رنت علياا فـِ الصبح تبڪي وقعدت اتقولي نا مانريداش وانريدك انت يـَ زڪرياا ونا غصبوني عليه و عمي بيقرا فاتحتي يوم الجمعه ونا مانبيش نقعد غضيبه هلي ونطلع عن شورهم.... بعد اعلمت قلتلها يـَ بنت الناس نشهد بالله ڪنت انريدك ونبيك حلالي لاڪن اللي عليا درته وانشالله ربي ايهنيك معاه ونا مانبي منك شي خطيني بس.
مالـوما: ايييي وبعدين اتزوجت؟؟؟
زيڪو: ياريتها اجوزت يـَ مالـوما... يوم الجمعه فـِ الصبح نضت القيتها رانه علياا اكثر من مره ودازتلي رساله وقبل مانفتحها رن علي صاحبي وقاللي عظم الله اجرك اليوم لقوها متوفيـه... قعـدت شهـر بحالـه فـِ داري لاطلعه لا خشه لا انڪلم في حد ولا نخدم  تي حتى تيليفوني قفلتـه... بعد شهر فتحت تيليفوني وخشيت علي رسالتها اللي ڪتبتها لي قبل ماتوفى القيتها ڪاتبتلي: