الــمالــك🖤🔥.

البــــآࢪت الســـادس والعڜـࢪيــــــטּ🖤.

لـِ الڪـاتبــــه: البحـــآࢪيــــــه🔥🦅.

فـِ المستشفىٰ /.

هديـل:(قمعزت اتراجي فيه بس طول عليها... صبت من الڪرسي وقعد تتفرج علي الصور اللي عالساس).
#&$:(فتح الباب وخش): عطلت عليك؟
هديـل:(التفتت وشافاته): أنت شن جابك هناا؟؟
مالـــك:(سڪر الباب واقفله)
هديـل: هييي انت نحڪي معااك؟
مالـــك:(سلح جاڪته علقها وقمعز عالڪرسي): قمعزي
هديـل: الدڪتور وين؟
مالـــك: مافيش دڪتور .
هديـل: خلاص مافيش دڪتور معناها افتحلي الباب.
مالـــك: حنفتحلـك البـاب خيرك مستعجله؟
هديـل: افتح الباب تواا بنطلع.
مالـــك: مش قبل ماتجاوبيني على ڪم سؤال.
هديـل: نا مش مضطره انجاوبك على ولا سؤال.
مالـــك: مش حنجبرك بس الباب مش حينفتح وحنقعد اني وياك اهني عادي مانيش خاسر شي.
هديـل: هووووفف هديـل اهدييي..... باهي شن اسألتك؟
مالـــك: قمعزي.
هديـل:(قمعزت): هياا بسرعه بنطلع.
مالـــك: خيرك خايفه؟
هديـل:(ساڪته واتبحت فالباب).
مالـــك: هديـل باسـم الـ*****...... عمرك19سنه..... من إجدابيـا...... أمك رنده علي الـ*****...... تسڪني فـِ شارع الـ*****...... ڪنتي عند صاحبـتك عهـد *****... وروحتي منها فـِ الليل وانخطفتي بعد ربع ساعه من طلعتك منها..... أمك ممرضه..... وبوك ڪان شيخ قبيله الـ*****...... عندك ثلاث خوال محمود وامبارك و مفتاح..... عندك خمس عمام فتحي وحمزه وعلي وعيسى وسالم..... فيه عداوة بين بوك وخالـك أمبارك سببها قطعه أرض..... عندك أربع صحبات عهـد وسمـر ورينـاد وأحلام.....ڪنتي تقري فـِ مدرسة الـ****** فـِ الصف الثالث ثانوي.
هديـل:(مصدومه): من وين عرفت؟
مالـــك: مش ضروري تعرفي.
هديـل: باهي شن تبي توا؟
مالـــك: تنسي ڪل شي واي شي شفتيه ماتفتحيش فمك وتحڪيه لأي حد هادا اللي نبيه منك بس.
هديـل: زي شنو؟
مالـــك: اني قلت ڪل شي وخاصه اللي شفتيه فـِ المخازن.
هديـل: وڪان حڪيت شن بيصير؟؟ بتقتلني زي شريف؟؟ 
مالـــك: لأ انتي مش حيصيرلك شي بس عيلتك هي اللي حتتضرر بسببك..... ماتحاوليش تلعبي معااي عشان عيلتك وسلامتها وحطي فـِ بالك أن اني ڪيف ماقدرت انجيب عليك معلومات نقدر نأذي عيلتك وبإشاره وحده مني بس حنخليـهم يلحقوا خليـل.... اي وماتحاوليش انك اتبلغي او اديري اي لقطه عبيطه لأني شخص يده  زي الحديد فالدوله ومش حتستفيدي شي.
هديـل:(صبت من مڪانها): انت شڪله الڪف اللي عطيته لك قبل ڪم سنه أثر علي عقلك صح؟
مالـــك:(ناض مسڪها من رقبتها ولصقها عالساس): ماتحطيش فـِ بالك ان الڪف انسيته يـَ سنيورا؟؟ لأ.... حنخليك تندمي عليه أصبري عليااا بسس ڪل شي فوقته حلـو.
هديـل: تيي حوول يـَ ڪلبب خنقتنييي.
مالـــك: تعرفييي ياريت نقدر نقتلك ونتخلص منك.
هديـل: ماالكك مش قاااادره نتنفسسس.
مالـــك:(طلقها): جربي بس تختبري صبري وديني نقتلك.
هديـل:(طاحت عالوطا وبدت اتڪح).
مالـــك: وحاجه تانيه... ابعدي علي ملهم خوي خيرلك حرڪات الخامرات هادي اللي اديري فيهم ايخلوا فياا انزيد نقرف منك.
هديـل: مافيش شي بيني وبين خوك.
مالـــك:(يضحك بصوت عالي): اي عارف.
هديـل:(ناضت ومشت للباب): بتفتح الباب ولا انعيط انلم عليك المستشفى ڪلهااا؟؟
مالـــك: شن بتقوليلهم؟؟ بيعتدي علياااا؟؟
هديـل: اه والله انديرهااا افتح البااب احسنلك.
مالـــك:(قرب منها): اني بنعتدي عليك؟؟(يضحك): اتخيلي اني نعتدي عليك؟؟.
هديـل: افتحححح الباااااب.
مالـــك: ماننڪرش انك حلـوة بس صدقيني انتي مش نوعي المفضل عشان انفڪر انمسك ولا انقرب منك اتطمني.
هديـل:(بدا الصداع يزيد وحست راسها ثقيل): افتح الباب بنطلع.
مالـــك: خوي ملهم ابعدي عليه.... تسمعيي فيااااا؟؟ ومعاش تتلصقي عليه فوتيه(فتح الباب وطلع).
هديـل:(طاحت عالوطا): اخخخ ياربيي راسييي💔.
الدڪتور فرج:(خش للمڪتب وشاف هديـل امقمعزه عالوطا): هديـل؟؟ خيرك؟
هديـل: حقيير .(حاولت اتصبي بس ماقدرتش تتوازن)
الدڪتور فرج:(مسڪها): انتي اڪويسه؟؟.
هديـل: اه ڪويسه حوول بس.
الدڪتور فرج: تقدري تمشي بروحك؟
هديـل: اه نقدر (مشت للقسم).