طرق بابي لينتقم

البارت السادس والعشرون

السلام عليكم ورحمة الله وبركاته 💛

كيف الحال يارفاق أرجو من الله أن تكونوا بخير وصحة دائمًا 💛

بدايةً صلِ على من قال أمتي أمتي 💛

ولاتنسوا إخواننا المستضعفين في دعائكم نصرهم الله وفرق شمل عدوهم💛

( قراءة ممتعة )

"""""""""""""""""""""""""""""""""""""""""""

نظر ليل إلى مصدر الصوت فوجدت راكان مستنداً على الباب يتطلع إليه بإستغراب لحالته تلك
نظر إليه ليل ببرود ثم أردف بهدوء : أنت جيت أمتي
علم الأخر أنه يريد الهروب من الإجابة ولكن ليس تلك المرة فأردف بهدوء : من شوية ثم أكمل بتصميم : مين دي اللى أنت ناويلها علي نيتك دى
لم يعيره الأخر إهتمام ونظر لأمامه فى صمت تطلع له راكان بغموض مردفاً: حاسس إنك هتعمل حاجة تأثر عليك ياليل بلاش ياصاحبي تاخد خطوة فى حاجة أنت مش متأكد منها علشان ماتُعكش على دماغك فى الأخر

نظر له الأخر بحدة فأردف راكان بهدوء : ماتبصيليش كدا أنت لما الغضب بيملاك مابتشوفش قدامك أحيانا الموضوع بيفلت من إيدك جامد وللأسف أنت اللى هتعاني بعد كدا

أردف ليل بثقة : أنت عارف إني عمري ماغلطت فى حاجة عملتها ياراكان قاطعه الأخر مردفاً: بس المرادي هتغلط ياصاحبي بلاش

نظر له ليل بترقب مردفاً: واضح إن أيهم موصلك أخر الأخبار
أجابه الأخر ببساطة : لو مش خايف عليك ماكنش كلمني ثم أكمل بهدوء لمحاولة إستمالته نارين اللى حصل مكتوبلها وماحدش فينا يقدر يتدخل مش معني إن حصل سوء تفاهم بينها وبين مراتك قبل كدا يبقي تعاقبها عليه أنا عارف إنك محملها ذنب موت نارين لأنها كانت سبب من أسباب طردها من القصر صدقني الموضوع مش مستاهل اللى أنت بتعمله ده اعتبرها فرصة وربنا عوضك بيها حاول تعيش حياتك وتتأقلم هى مالهاش ذنب فى اللى حصل دا قضاء وقدر ياصاحبي
نظر له ليل للحظات ثم أردف بهدوء : هحاول

ثم نهض متجهاً للداخل تطلع له بعدم إرتياح مردفاً: اتمني يابن العامري

______________________________________

(في مطار مدريد باراخاس الدولي)

خرجت كلا من تولين ونيجار من المطار بعد رحلة دامت لخمس ساعات ودقائق معدودة
فتحت تولين ذراعيها مردفة بسعادة مقلدة محمد هنيدي  : مرحبااا
قلبت نيجار عينيها بملل مردفة : يابنتي مرحبا ايه هو إحنا فى الخليج أومال لو ماكنتيش بتتكلمي أسباني هتفضحينا أكتر من كدا إيه مش فاهمة أنا
نظرت إليها الأخري بتذمر مردفة : دايما كابسة فرحتي وضحكتي كدا روحي منك لله يجعلك اللى ينكد عليكي ياقادر ياكريم
أشارت نيجار إلى الرجل الذي كان يحمل لافته تحمل اسمهما مردفة : مننا كلنا لله ياحبيبتي اتجري قدامى خلينا نخلص أنا هموت وأنام