أغلال الجحيم

بارت37

﷽
توفانا الزعيم
بقلمي رواية: اغلال الجحيم

"‏وورَديِت مِن الهَضم باب أهلي ماعَرفة"

لطفاً لاتنسون التصويت والتعليق بين الفقرات

♡ليا♡

_خايف احجي الج واضيعج.
بقيت مغمضه عيوني تعبانه ومتأكده من عنده مراح يحجيلي بس صدمني من
جر نفس قوي وحجه بصوت مخنوك

_اني قتلتهم.

دفعته وكمت من حضنه جسمي يرجف مثل السعفه ودمعتي واكفه بطرف عيوني
ليا: حـ حباب لاتشاقه هيج شقه كلبي والله كلبي لاتشاقه الله عليك.

تقدم يمي يريد ياخذني بحضنه واني رافضه
محمد: كافي بروح ابوج كافي.
_مو انتَ مو انتَ مستحيل تسوي هيج ماتكسرني.

حطيت ايدي على إذني وكاعده بالزاويه ابجي
محمد: خلص كافي كافي لاتبجين اي اي
مو اني.

حطيت ايدي على كلبي يدك بسرعه واختنكت
بقيت حاطه ايدي على كلبي ومرجعه راسي على الحايط
_مو انتَ ليش تجذب ماتسوي هيج انتَ.
_اي اي اجذب عليج مو انه.

شعره نزل وتخربط وضعه صدره يصعد وينزل كد مايتنفس بسرعه
وضعه كله تخربط مايعرف وين يروح وين يجي

طلع من الغرفه واني ركضت قفلت الباب واضرب بوجهي واعض ايدي
ضعيفه ضعفت مجرد ما عرفته واني مأمتاكده هوه لو لا بس اشك بي ومن الجهه الثانيه ما اكدر على اذيته

لفتره واني كاعده وايدي على كلبي صافنه بالفراغ
اذا هوه صدك ما راح اسامحه بيدي اقتله وانهي حياته بدون لا ارمش واباوع ورايه

محمد: ليا هـ هاج علاجج.
يحجي بصوت مخنوك وغصه كوه تطلع من عنده الكلمه، مسحت دموعي بقوه وفتحت اله الباب اخذت من ايده العلاج شربته ورجعت اتمدد على الجربايه

ليا: لاتروح تعال اريد انام بحضنك.
ندار الي وهز راسه بدون لاينطق بحرف واحد رفع البطانيه وتمدد بصفي يخلي راسي على صدره حضنته ومخليه ايدي على كلبه يدك بسرعه جنونيه

_شبي كلبك؟
_مابي شي.
_ينبض كل هل قوه ومابي شي.
_عادي هاي لن توترت.
_من شنو توترت؟

رفعت راسي عن صدره اخلي وجهي مقابيل وجهه
_جاوب سؤالي.
عيونه صارت تتنقل بين ملامحي يحفظ تفاصيلي وكان هذه اخر يوم راح يشوفني بي
رفع راسه ولزم راسي من وره يطبع قبله على شفايفي بخفه ويبتعد يحجي بصوت خافت
_خفت عليج من لزمتي كلبج وتوترت.

هزيت راسي بـ اي ورجعت انام على صدره وهوه ينزل راسه يدفنه بركبتي يستنشق انفاسه
بقينه على هل حال لحد ما غفينه ودموعنه بطرف عيونه...