أنا ادمنت بك حتى العذاريب عاشقها

Part 3

قعدوا يسولفون ينتظرون رد ندى او "نواف" قعدت ترف والتفت على صوت جوال ميان
ترف : ردت ردت هاتي أشوف
عطت ميان الجوال وقعدت ترف تقرا الصوره اللي ارسلتها ندى اللي كانت كلام نواف ابتسمت ترف بمعنى ان هالرساله بتفرح ميان عطت ميان الجوال وقرت كان مكتوب
رد نواف على ندى اللي كانت كاتبه ' تبي جواب تحبها ولا "
رد نواف " اييييي " و " لعد اشوف وجهك يا ندى "
كان احراج نواف كبييييير ولا الود وده يقولها " احبببك "ويعبر عن حبه من قبلاته !! م كان حبه ل ميان حب عادي ! حبه ل ميان كان حب طفوله !!
كانت ميان منحرجه ومبسوطه وودها لو تصرخ من مشاعر الحب اللي هيا فيها كانت تناظرها ترف كذا "🤨" صفقت ترف على يدها
ترف : هيييه وين رحتي انتي
ميان : اف خليني افكر
تجاهلتها ترف وقعدت على جوالها لاكن انتبهت ل اضافه ردت ترف "مين ؟"
كتب "مدري شفتك وضفتك "
فتحت ترف ولا ردت وقامت تسولف مع ميان فتحت جوالها شافت رساله من نفس الشخص "تراك حلوه "
ضحكت ترف وكتبت "ههههههه وماشاءالله فين شايفني "
ناظرتها ميان : شفيك تضحكين
ترف بضحكه : معليك ولا شي واحد يضحك
ميان : مين
ترف بضحكه : تقدرين تقولين ستوكر
ضحكت ميان من قلبها وناظرت ترف الجوال وكان كاتب "مو مهم " فتحتها ولا ردت ترف وقعدت تكمل سوالف والبنات قعدوا يرقصون وميان طايره من الفرحه
ترف : يلا ميان تركي برا
ميان : تمام يلا تعالي اوصلك
مشت ميان مع ترف للباب مسكت ترف الباب تبي تطلع بس انفتح وكان احمد ناظرها احمد وكان يتأملها م عطته اي اهتمام ترف وطلعت ودعتها ميان ناظرت ميان احمد وهو يناظر ب ترف
ميان : اشبو العاشق الولهان
احمد : ابد ماني عاشق
ميان : اي زين ترا البنت مو معطيتك اهتمام لا تحط امل
احمد بضحكه : نشوف ياميان

نقدم الاحداث ل اربع سنين
اتصلت ميان على ترف اللي للحين علاقتهم جميله
ميان : كيفك توته
ترف : بخير انتي كيفك
ميان : تمام ، اسمعي اليوم بنطلع مع ندى
ترف بضحكه : ومين حيوصلنا
ميان : اخ نووووني ، المهم هيا قالت جيبي صحبتك عادي وبنطلع المول واحمد ونواف بيوصلونا
ترف : تمام بجهز
جهزوا البنات واخذوا ميان واحمد وراحوا ل بيت ترف كان احمد يطالعها ولا شال عينه منها ترف وهيّا تركب السياره طلع تركي نزل نواف واحمد
تركي : ياهلاا كيفكم ياعيال
نواف : والله بخير انت كيفك
قعدوا العيال يسلمون على بعض
ترف ناظرت البنات : ذولي أشبهم اول مرا يشوفون بعض خليهم
ضحكوا البنات وركبوا احمد ونواف
احمد ونواف قدام واللي يسوق نواف والبنات ورا
احمد : اقول ابو فهد شغلنا اغنيه
ابتسمت ميان من قال ابو فهد
شغل نواف اغنيه وقعد يغني معاها
صحيح النظره م تكفي من الالم م تشفي
ولاكن عذرنا الحاظر نراعي الوقت والخاطر
ومادام النظر مسموح أشوفك كل يوم واروح
ناظر ميان من المرايه لان ميان كانت بالنص شاف ابتسامتها وشاف غمازتها التفت ترف على صوت جوالها وكان الستوكر
ردت ترف "م تمل انت ؟ لك اربع سنين وللحين تلاحقني ابلكك وتجيني من حساب ثاني لهدرجه مهووس "
رد "اي والله اني مهووس "
ترف " يع "
كانت ترف دايم تعامله بقساوه رغم انها بدت تتعلق فيه صدت ترف وناظرت ميان اللي كانت متضايقه اشرت عليها بمعنى "اشبك ؟ " اشرت ميان "بعدين اقولك "
احمد كان يناظر ترف من المرايه لانو هيا وراه ابتسم من شافها تسال اخته ..