أنا ادمنت بك حتى العذاريب عاشقها

Part 8

فرحت ترف من وصلت البيت سلمت على ميان ونزلت البيت وهي تركض طلعت ل غرفتها تنام وتتذكر الموقف وهي مستحيه من نفسها ونامت..

عند ميان
عند ميان اللي وصلت البيت وكانت تفكر بالمواااقف اللي صارت بينها وبين نواف وقررت انها توافق شافت جوالها وقررت ترسل ل امها
"السلام عليكم ماما ، أنا استخرت على نواف وأحس اني مرتاحه "
ارسلت الرساله وهي مبتسمه ومرتاحه نامت وهي تفكر بنواف ..

بعد مرور يومين
عند ترف اللي كانوا قاعدين هيا واهلها باحدى الكوفيهات وترف معاها الايباد حقها تنتظر قبولها للجامعه قررت تخفف توترها وتطلع تطلب لها كوكيز وقفت ترف
تركي : اقعدي أنا اروح لو تبين
ترف : لا لا بس بروح اجيب كوكيز ومنها اخفف توتري
ابو تركي : لا معليك يابنتي ان شاءالله تنقبلين وتفرحين
رفعت يدها ترف تدعي ، مشت ترف وقفت عند الدرج لاكن لمحت شخص تعرفه وصارلها فتره تتهرب منه حمدت ربها ان م شافها وقررت تمشي بسرعه اما هو ؟ اللي لف ولمحها وعرفها علطول رغم انها منزله راسها لاكن م قدر يشيل عينه من عليها ابتسم وهو يشوفها رغم انها تتصدد عنه ...
طلبت ترف وهي متوتره بسبه وصارت تدعي عليه بينها وبين نفسها "حسبي الله ليه يحرجني " اخذت طلبها ترف وراحت ل اهلها قعدت معاهم وكانت تنتظر قبولها وصلت لها اتصال من ميان
ميان : ها توته شفتي
ترف : لا ياميان متوتره مرا
ميان : والله حتى انا....
صارخت ميان بعلو صوتها وهي تشوف القبول بتخصص أحلامها وكذالك وقفه ترف اللي م قدرت صرخت وحطت يدها على فمها وقف تركي يحضنها وهو يضحك
ترف : انقبلنا ياميان بتخصص أحلامنا انقبلنا
ميان : اييي تررررف ماني مصدددقققه
بعد كلام بين ترف وميان قفلوا البنات وهما مبسوطين
تنهدت ميان وهي تشوف كل أحلامها تحققت ومن أهمها "قبولها بتخصص احلامها ، خطبتها من نواف"
ابتسمت وهي تسمع امها تناديها نزلت ووصلت للصاله راحت تبوس راس ابوها وامها وكان موجود احمد ورشا ونجمه قعدت بالنص بين ابوها وامها ورفعت ايبادها توريهم
ميان : أبشركم أنا انقبلت بتخصص طب
رشا : عاااشت ميييمي
التفتوا على احمد اللي دخل للبيت قعد وجنبه نجمه وهو مستغرب من فرحتهم لف على نجمه : وش السالفه
نجمه : خاله ميمي انقبلت بالجامعه
احمد : ماشاءالله عاشت آخر العنقود
كملوا فرحتهم واتصلت ام راشد على راشد تبشره
راشد والجوال سبيكر : مبروك ياميان عقبال الزواج
ضحك احمد على وجهها والتمر نشب بحلقه جاته ميان وهي ماسكه المويا وتضربه على ظهره بقوه : تستاهل مين قالك تضحك علي
راشد : إلا يمه ابوي عندك
ام راشد : ايه يسمعك
راشد : أبشركم أنا بنقل "بينقل بنفس مدينه اهله"
ام راشد بفرحه : ياربي لك الحمد
كملوا سوالفهم وهم مبسوطين ميان تذكرت رسالتها لامها وان للحين م قالوا شي قررت تسال امها
ميان : ماما شفتي رسالتي
رشا وهي تاكل : ماما غيرت رقمها
استغربت ميان وطلعت فوق ل غرفتها ووقفت قدام مرايتها : راح اطول بالرد وأعلمه اني ثقيله
سكتت للِهوه تتذكر مواقفهم ومسكت قلبها وتناظر نفسها وابتسمت