أنا ادمنت بك حتى العذاريب عاشقها

Part 5

التفت لها ووقف السياره مد يده رفع راسها يتأكد اذا هي تبكي ولا
فهد : وش فيييك
ترف : م فيني شي فهد وديني البيت
فهد : إلا فيك
ترف : م فيني ياخييي بس تذكرت ميان اعزها كثير
كذبت ترف بهالعذر لاكن صدقها فهد لان صداقه ميان وترف قووويه وبرضو صداقه العايله كانت كووويسه
مشى فهد البيت ووصلو

عند اهل ميان
كانت تبخر الصاله ميان وكانت تتخيل انها تبخر بيتها هي ونواف ابتسمت من رن الجرس وراحت تركض تفتح الباب تنهدت بابتسامه من دخلوا راشد واهله كانت تتخيلهم نواف يجي من الدوام سرحت تتخيل لاكن انتبهت انهم ينادونها ضحكت وقامت تسلم عليهم وبدت السوالف وسرحت فتره تكمل خيالاتها مع نواف قلبها وقفت من دق الجرس وكانت رشا وبنتها ضمتها ميان من شافتها راحت رشا ونجمه يسلمون على الاهل رفع راسه من شافها دخلت ومعاها امها تنهد بفرح رغم انه هادي لاكن نجمه كانت غير بالنسبه له ! تشبه له بكل شي من كانو صغار انبسط جمال " عمر جمال بهالسنين 13 ونجمه 12 "
ابتسمت من شافته نجمه وحضنها خالها وكذالك جميله كانت نجمه جميله بمعنى الكلمه ومستحيل احد يشوفها ومايمدح جمالها ، رغم صغر سنها إلا انها عنوان الجمال سلمت عليه من اليد

عند ترف وفهد
استوعبت ترف انها بكت عليه وهي تصده لفت على فهد تناظر وجهه تتطمن صدقها ولا
م صدقها فهد بس رغم كل ذا حس انه مصدق بسبه قوه صحبه ميان وترف بس حاول يسلك للموضوع ورجعوا البيت نزلت ترف وطلعت غرفتها مسكت قلبها وحاولت تهدي نفسها نامت وهيا تبكي ..

عند اهل ميان
كانوا مبسوطين ويسولفون نادت ميان نجمه وراما يطلعون معاها كانوا يمشون ويسولفون م تنكر ميان انها كانت مبسوطه مع بنت اختها وأخوها ، دخلو الغرفه وكانو يتفرجون نجمه وراما وميان على جوالها تكلم ترف اللي نامت التفت ميان على الباب من دخلت رشا ولابسه شال يغطي اكتافها
رشا : ميان عندك روج
عطتها ميان تقدمت رشا تحط الروج وكانت تناظرها ميان تناظر جمالها كيف لوحده جميله هالكثر قاعده مع متعب ! طاح الشال وشهقت بخفه ميان من شافت كتفها ! عصبت ميان لفت عليها رشا صارخت رشا ونطقت "خلااااااااص"
مسكتها من كتفها ميان : انتي ليه صابره علييه ليييييه ؟
طلعوا البنات من شافوا الوضع كذا..

عند نواف
كان قاعد بالصاله يتقهوى مع اهله ويفكر بميان بعد كلامها آخر شي لما قالت "م بكلمك إلا بعد م نتزوج " قرر نواف بعد تفكير دام ل يوم انه يقدم على خطوه واللي هي يخطب حبيبه قلبه ويملكون وبكذا يقدر يكلمها متى م بغى كان يناظر أمه م يعرف كيف بيصارحها نطق بتوتر
نواف : يمه بخطب
إلتفت عليه بصدمه ندى وكذالك ام نواف
ام نواف : توك صغير عمرك 19 وبعدين مين ذي
نواف سكت بتوتر لاكن ردت ندى : ميان
ابتسمت ام نواف مع انها م تعرف ميان زين لاكن تعرف طيبه اهلها وكيف البنت طيبه ومن مدحها من ندى
ام نواف : بس ياولدي توك صغير
تقدم نواف يبوس يدها وأنه بس بيخطبها وأنه خايف تروح منه
ام نواف : كلم ابوك وان شاءالله خير
ابتسمت ندى وصفقت
ندى : يعني فرحتين صقر بيرجع بعد كم يوم ونواف بيخطب
ضحك نواف ومسك فنجاله وقام يهوجس بحبيبه قلبه نزل الفنجال ومسك جواله وحطى يده اللي فيها الخاتم اللي قاهر ميان ولا يدري وحرك يده بخفه
نواف : كيف شكلي
ندى : حلو
نواف : صوريني
ندى : ليه
نواف : كذا صوريني وارسليها لي
غمزت له ندى من فهمت قصده مسكت ندى الجوال وصورته
عند غرفه ميان
ميان بعصبيه : انتي كيف راضيه عن نفسك انو يضربك ؟
سكتت رشا صارخت ميان "كيييف" قعدت رشا بالسرير ومسكت راسها تبكي بحرقه ناظرتها ميان بصمت ونزلت منها دمعه وراحت تحضنها
رشا ببكاء: اليوم اليوم بتطلق منه
ميان بحزن : وبيجيك العوض صدقيني
وقفت بعصبيه رشا : م راح اتزوج كرهني الزواج
ميان بحده : ايوا اخرتها هو بيتزوج وانتي توقفين حياتك ؟
طلعت رشا م عرفت ايش تقول ، رفعت ميان تدعي ل رشا..