أنا ادمنت بك حتى العذاريب عاشقها

Part 4

وصلوا المول والبنات نزلوا صدت ميان عن نواف وكان ضايق مو عارف ليه صاده منه مسكت ترف يد ميان
ترف : اشبك قولي
ميان : م شفتي الخاتم اللي بيده يعني ؟ دايم يلبسه ينرفز يع
دمعت ميان
ترف : وي وي لا تصحييين م يستاهل
ميان : اللي ينرفز تدرين ايش ؟ كانو دبله
ترف بضحكه : يمكن يثبت انه هو لك بس
ضحكت ميان وضربت كتف ترف بخفه
ترف : خلاص معليك هدي هدي ترا ندى جايه
مشت معاهم ندى وقاموا يسولفون
ترف بضحكه : ذكرتوني ، تخيلوا عندي ستوكر له اربع سنين م مل
ندى : ممكن يحبك
ترف : مدري عنه بس تبغوا الصراحه ؟ بديت أتعلق فيه
صرخوا البنات "منجدك " التفت ندى على جوالها من جاتها رساله
ندى : بنات نواف يبغاني بكلمو واجيكم
راحت ندى ل نواف نطق نواف وهو يناظر بميان : شفيها ميان
ندى : زعلانه
نواف التفت لها : من ايش
ندى : اسال نفسك بس اضن انه منك
نواف اشر على نفسه : أنا
ندى : ايه المهم بروح لهم
نواف : تمام برسلك رساله ارسليها لها
ندى : تمام
فتحت ندى جوالها وشافت رساله نواف وحولتها على ميان
ندى التفت على ميان : ميان شوفي جوالك
هزت راسها ميان وقرت المكتوب
ندى بغمزه : ترا هالرساله من نونك
ضحكت ترف من خجله ميان
كانت مكتوبه بالرساله
" من زعلّك طاحت من الليل قمرا
وخلا الطريق من المواعيد والناس "
ابتسمت ميان كان نواف قاعد مع احمد ويسولف ومروا من جنبهم البنات وشاف غمازه ميان وابتسامتها تنهد بحب
عند ترف اللي كانت مشغوله بجوالها وكان احمد يناظر فيها ومو منتبه التفت ل جواله من جاته رساله من ترف " ياليت اعرف مين انت " أحمد "قريب ياحبيبتي"
ترف " لا تقول حبيبتي لو سمحت ضحك احمد "ابشري" ابتسمت ترف وقعدوا البنات يتسوقون من ميكب وقعدوا ب احدى الكوفيهات
ترف : اقسم بالله راسي صدع وحموت من الدوخه
ميان : م اكلتي شي ؟ اكيد اعرفك بطلبلك كرواسون لانو فيك هبوط
ترف : انتي زي ماما بس هبوط
ندى : طيب اكلي وبتروح الدوخه
وقفت ميان : احد يبغى شي ندو ايش تبغي
ندى : ابغى V60 ودونات قلبي
ترف : أنا ابغى ماتشا
ميان : ودونات
ضحكت ترف : تمام
راحت ميان تطلب وهيّا تنتظر طلبها كانو نواف واحمد يمشون وقعدوا بالكوفي اللي قعدوا فيه لاكن م انتبهوا للبنات بس نواف سمع صوت بنت تصارخ "ايش دخلك " يعرف هالصوت زيييين
التفت وكان احدى اللي يطلبون يتغزل فيها انتبهت ميان له وحاولت م تسمع له لاكن كان يعيد كلامه لقت عليه ميان "ايش دخلك مالك دخل ايش تبغى بحساباتي " رد الولد "ابيك" وقف نواف وانتبهوا البنات لميان وكانوا بيقومون لاكن شافوا نواف ضرب الولد على خده صارخت ميان " نواف خله نوااااف "
وقفوا البنات وحاول احمد يوقف ميان عن الولد " ذي خطيبتي تبي حساباتها ليه " حاولت ميان تبعد نواف وكذالك احمد لاكن كان معصب أوقفه صوت صراخ ميان " خلاااااااص " وقف نواف وسحب ميان بعيد عن الكوفي ميان بعصبيه : ايش افهم من حركتك ذي ؟؟؟
ميان كانت تبين انها عصبت لاكن من داخلها كانت مبسوطه ..

ناظرها نواف بحب رغم كل اللي صار نسى كل حاجه من شاف عيونها وعصبيتها
نواف بابتسامه : حتى وانتي معصبه حلوه
صدت ابتسمت ابتسامه خفيفه تحاول م تبين ابتسامتها مسك فكها وناظرت فيه ومسكت يده
ميان : نواف ليه تسوي ذي الحركه ؟
نواف : والله ياميان م قدرت اشوفه كذا وقدامي بعد ! حتى لو كانت اختي م بسكت ياميان ومعليش اسف
ميان ابتسمت : خلاص سامحتك بس اسمع ذي آخر مرا اكلمك فيها م حكلمك إلا بعد م نتزوج
مشت ميان تتركه وهو مغرم فيها يحبها يحبها بس بعد حركتها ذي ؟ عشقها !!
ركضت ميان للبنات ومسكتها ترف من شعرها : صارلك شي ؟
ميان بابتسامه : لا بس كلمني المهم وين احمد
ندى : مدري راح يدور على نواف
ميان : خلاص خلونا نمشي
مشوا البنات للسياره وارسلت ندى ل نواف انه يجي

بعد يوم
عند اهل ميان العصر
ميان وامها وأبوها بالصاله قاعدين يسولفون
ابو راشد : عاد ماشاءالله عيال صالح طيبين
ام راشد : اي والله حتى بنتهم طيبه
ابتسمت ميان من طاريه وقفت ميان
ام راشد : لا تنسين ياميان ترا اختك رشا وأخوك راشد جايين
ميان : رشا الحين ليه قاعده معاه
ابو راشد : حاولنا فيها ياميون لاكن هي بتقعد عشان بنتها
ميان بعصبيه : طيب تصدق يبه ان بنتها دايم تقول لي عن ابوها
ابو راشد : الله يعين
طلعت ل غرفتها تحاول توقف عصبيتها لاكن تذكرت كلام ابوها وصارت تركض وحطت يدها على وجهها واحمد نازل من الدرج شاف ميان وقف : شفيها ذي
مشى

عند اهل ترف
قاعده ترف وحاطه سماعتها وتغني مع خالد
‎وشلـون مـا اغليـك
‎وأنت الـذي علمتنـي حبــك
‎يا هـاجـسي ... عشقـي عيـونـك
‎إسـأل ... وتلقـى الجـواب
‎فـي ناظـرة عيـونــي
‎تصـويـر لآجمـل عــذاب
‎حبـك يـا مفتـونــي
همست ل نفسها : والله الاغنيه فايبز مخيم وبر دام شتاء
التفت على ابوها وامها وكان تركي وفهد فيه
ترف بحماس : بابا شرايك نطلع مخيم بعد يومين او بكرا ومعانا اهل ميان
ابو تركي : خلاص ابشري بكلم ابو ميان شوي
طلعت ترف فوق تكلم ميان فيس تايم .. ردت ميان
ترف : ايوا اهلا اشبك كاشخه
وقفت ميان ترسم ايلاينر
ميان : رشا وراشد بيجون
ترف : رشا كيفها الحين
ميان : بخير عاد تصدقي من زمان عن ...
ترف بضحكه : نوني ههههه ، ايش قالك امس
تنهدت ميان بحب وصارت تقول ل ترف كل حاجه صارت بينهم التفت ميان على احمد اللي فتح الباب
سمع صوت ضحكه ترف وابتسم
قفلت ل ترف من شافت احمد تنهدت وراحت ترسل للستوكر " هي انت م ودك تعترف مين انت ؟"
الستوكر "ليه مو حابه وجودي " ترف "ايوا طبعا اجل مبسوطه ؟" الستوكر " ياليت والله المهم والله حاولت اقولك مين أنا لاكن م قدرت وانا اسف إذا ازعجتك طول ذي السنين وانا بسافر وهالمره م بودعك لان لو ودعتك بيكون آخر وداع وانا م ودي "
شافت الرساله ترف وماتكذب انها تضايقت لاكن حاولت تنسى طلعت ترف المطبخ وهيا متضايقه راحت حطت كرز "الفاكهه المفضله لها " دخل فهد عليها ويشوفها تاكل وتهوجس مسح الكرز اللي على خدها
فهد : بزر انتي المهم تطلعين معاي نشرب شاهي
نقزت ترف : هيا هيا مشينا
ضحك فهد وراحت ميان تلبس عبايتها وحطت طرحتها ومشت مع فهد وهما طالعين
فهد : تركي تجي
تركي : لا والله بنام
هز راسه فهد وطلعوا ترف وفهد وقعدوا يشغلون اغاني

‎ولكن عذرنا الحاضر.
‎نراعي الوقت والحاضر
‎وما دام النظر مسموح.
‎أشوف كل يوم وأروح
‎عسى النظره ترد الروح
‎توصيني على الكتمان.
‎وتبغى حبنا ما يبان وتنساني
‎تقول لى ودنا صافي.
‎وتحسب حبنا خافي
‎ترى راعي الهوى مفضوح.
صارخوا فهد وترف من نطقوا "مفضوووح"
وقف فهد من وصلوا عشان يطلبو شاهي اخذ الشاهي فهد وعطاه ترف
فهد التفت لها : ها كيف
فتحت عيونها ترف : يييم
كملوا يسولفون شغلت اغنيه ترف توصف فيها الستوكر
وسافر من غير وداع فات في قلبي جراحه
ذبت في ليل السهر والعيون ما ارتاحوا
تجمعت الدموع بعيون ترف التفت فهد لها وانصدم وقصر صوت الاغنيه ..