#روايه_الامل🤍
حلقه 80
انا:نضت علي العصر طلعت كل حاجه عشان تفك الثلج متاعها و طلعت العصائر فضيتهم في شيش القزاز و حطيتهم في المربوعه و حطيت سفره فاكهه كبيره و حطيت مشروبات غازيه و ميه و بعدها جت الشركه يلي نضمت الطاوله لي مؤمن طلعت حطيت عليها التباسي و رتبتها و رتبت سفره الصبايا حي علينا نسيت نحط سفره التمر و الحليب وحطيتها لي رجاله و الصبايا تمر ملبس و تمر عادي و حليب عادي و روزاطه 🤍ومشيت وعيت البنات وصلن وبدن يلبسن لبست اڤارول ابيض و كعب بيج و دارتلي نورس ميك اب و لبست طاقم و لبست الدبله متاعي
نورس:لا متلبسيش الذهب الالبسي الالماس احلي و افخم
انا:اوك وغيرت ولبستها و نزلت
مؤمن:خشيت اووو شن الحلاوه هذي
انا:ضحكت يلي يسمعك يحسابني كنت نفجع فيك بشكلي 😂
مؤمن:في كل الاوقات حلوه وقعدت الباب يدق و يخبط اكيد الجماعه وطلعت
انا:(كنت جايبه وحدات يغسلن المواعين لان ماعنديش جهد 😥😂)
سامي:كلنا رافعين التلفونات ونصورو
مؤمن:فتحلهم البواب الباب
امير:اهو بونا يلي متكفل بينا اليوم بو الايتام😂😂
مؤمن:حاصل فيكم حتي بعد تجوزت😂
صقر:خشت ساره وخشيت مع شباب
مهيمن:صورت الطاوله مائده الرحمان 😂
مؤمن:ضحكت تعالو خشو حتي هلها اكيد علي وصول و رن الباب كاين راجل اختها واختها خشو تفضلو و خشو و بعدها رن هلها خشو وبعدها راجل اختها الاخر اذن المغرب توضينا و صلينا و طلعنا للجنان لقينا السفره واتيه
شباب:اشتنووو
مؤمن:كنكم😳
مهيمن:عيب تجي بلا صوره
سامي:ولعنا كلنا تلفوناتنا و صورنا الطاوله وخذينا صوره مع بعضنا وقعدنا نفطرو
انا:قعمزنا نفطرو و بعدها مشينا قعمزنا في الصاله و كنت موتيه الشاهي بالوز و حطن البنات يلي جبتهم وجن عطنا و البنات يصورن 🤍 و بعدها مشو الشباب للتراويح
ماما:تسلم ايدكم كل شي يهبل
جميله:ماشاء الله والله كل شي خيال اكيد هناء امس ماسكه خرائطها مش معاكم😂
هناء:لا والله خشيت اسراء خششتني من شعري للمطبخ كان هذا لقيت خرائطي و ادواتي و الواني كلهم معزوقات
انا:ريتي هل ذره يلي بتصنعيها
هناء:ماتهينيش تخصصي و تخصص راجلك احسن 😒
انا:نينيني
هناء:هيا وين القهوه راسي. يبرم
نورس:خشيت طيبتها انا واسراء و طلعنا صورتها وبعدها وزعنا ويدق الباب
أنت تقرأ
روايه_الامل
General Fiction#روايه_الامل روايه تحكي عن اثنين خوت قلوبهم علي بعضهم مهما صار مستعدين يقتلو عشان بعضهم الاخوه رغم ان يبينو ان فرحانين لكن لي كل حد جرح في قلبه يلي هو فقدان الام والاب منذ الصغر 🔥 حتحكي عن قصه حب مليئه بالتضخيه و الشغف و حتحكي عن عرم قصص بخصوص...
