روايه_الامل

حلقه88

#روايه_الامل🤍

حلقه 88

مهيمن:ايوا توسي

تسنيم:رايح طايح فيا

مهيمن:والله شن نقولك هذا واقع وضروري نقبل بيه و الحق عادي بديتي مش مظره ليا 🤣

تسنيم:بيش تعرف ان نورس مش ليك

مهيمن:حمدالله اقتنعت قناعه تامه بالشي هذا

تسنيم:وينك نحقش فيك؟

مهيمن:اهو حقيت واشرتلها و ابتسمت تعالي نشرو (ماشي عساس بنشري لبسه للدفع🤣)

تسنيم:شن تبي شكلها حبيبي

مهيمن:علي ذوقك عارفتيني عنديش معاك راي🔥

رامي:سلام عليكم

تسنيم:بحتت طول و كاين رامي ريحته قلبت المحل من اول ماخش وكاين واثق من روحه

مهيمن:رن تلفوني. توا نجي وطلعت درت روحي نكلم

رامي:مشيت جنبها و قعدت نشوف شفت اثنين اي واحد احلى

تسنيم:(نحسابه يسأل فيا)الابيض يجي عليك حلو

رامي:بحتت فيها مع ان كنت نحكي مع روحي بس اوك توا نجرب لو سمحت عطيني الاثنين

تسنيم:مش قلت توا نجرب الابيض

رامي:و برضو حتي الاخضر عجبني

تسنيم:امممم وانا ندور في واحد

رامي:راجلك يلي معاك؟

تسنيم:لالالالا خوي😥

رامي:اهاااا شوفي الاسود حلو

تسنيم:خلاص ناخذ ب رايك

رامي:ابتسمت و غمزتلها و بعدها مشيت دفعت وطلعت و غمزت لي مهيمن و ركبت سيارتي

مهيمن:دفعت يلي اختاراته ومشيت ركبت سياره و روحت الحوش قعمزت وقعدت نبحت في الحوش كيف فاضي حياتي بدونك شيننننه يا مؤمن هذا كله و اسبوع بس😔💔و تنهدت و بحتت جنبي لقيت صورتنا مسكتها طول ما انا عايش ولحدت الفتره هذي وانت ساندني ومعايا في كل كبيره وصغيره وجنبي في كل موضوع و نشوف فيك مرات في ليل نجي من حوشك تبرم عليا وترد لي حوشك مش قادر تقعد بدون ماتفكر فيا تنهدت و تمددت علي الكنبه ورقدت💔

مؤمن:وصلت بنغازي نرن علي مهيمن بنقوله تعالي في حوشي مردش مشيت لي الحوش ادوشت ولبست و مشيت لي حوشنا فتحت الباب وخشيت لقيت سيارته في الجنان خشيت للحوش جوا لقيته في صاله ماسك صورتنا و راقد ابتسمت فقدتني؟ عارفك تعرفش تقعد بدوني لا تعرف لا تاكل لا تشرب تقعد هكي وخلاص حتي انا عليك عمله درتها وسيبتك و فوق هذا مخلي كل شغل علي راسك و مشكيتش واضح تعبان ركبت جبتله غطاء و غطيته و حولتله كويسه كم مره قتلك يامعفن معش نخش بكويشك الصاله😡و طفيت الضي و مشيت برمت علي الحوش شن كميه الخمج هذي ولنقنه ماعندي جهد كلمت شركه تجي بكرا تنضفه قعمزت و قعدت مكسد علي تلفوني