روايه_الامل

حلقه78

حلقه 78

انا:هدرزه مع ساره و روحت خشيت غرفتي حطيت مخده علي بطني ونزلت عليها تيشرت وابتسمت يصير مني و قعدت واقفه ونبحت في روحي في مرايه حسيت بشعور خصوص بحركه البيبي مبدري مع ساره ابتسمت🤍

مؤمن:خشيت الدار لقيتها تبحت في روحها وتضحك وكانها حامل صح 🤍ربي مايحرمنا يارب لا من ضحكتك ولا من خلفه يا ضي عيوني🤍

انا:ابتسمت امين يارب

مؤمن:رميت روحي علي سرير تعرفي صقر قريب كسرته اليوم

انا:حولت المخده و قعمزت جنبه صاحبك هذا ان شاءالله ربي يردله عقله مرا حامل تبي حنان تبي تدلع تبي فتره راحه وتبي من يخدمها تبي زوجها يكون سند لها مش حد حمار كيف صقر تبكي بكاء منه لو انا مكانها كنت كسسسرتهه علي بعضه ما خليت فيه عظمه صاحه

مؤمن:وسعي بالك عنيفه🙂😂

انا؛وجعتني ساره

مؤمن:ساره يلي كاسر ايدها ماعندهش مكان تمشيله بوها ميت و الحوش واخذته امها وامها متبيهش لان تجوزت وعاشت حياتها ساره ماعرفتش امها الا بعد فرحها راه ساره حياتها كانت عباره عن صقر بعد جت امها قلبت الموازين 😫

انا:وماشاء الله راجلها راجل الهده😥💔

__________________________________

ساره:كنت مقعمزه نتفرج مع قيس علي مسلسل ومعانا صقر ويجي مشهد لي مرا حامل راجلها يعامل فيها بحنيه وبرقه و وقت تحرك البيبي حط ايده علي بطنها و قعد يهدرز معاه ابتسمت وحطيت ايدي علي بطني وبحتت فيها

صقر :لاحظت ابتسامتها وهيا حاطه ايدها علي بطنها ليش يا صقر مش قادر تتجاوز ليششش

ساره:انا نعست تبو شي

صقر:لا

ساره:تبي شي قيس

قيس:سلامتك🤍

ساره ركبت لبست فستان نوم اسود ضيق وكاين راسم بطني وكاين قصير مش طويل درت روج احمر و فردت شعري ودرت عطر اووو يا ساره لكي زمان ما اهتميتي بروحك بس دبشي ضاق انا تبيلي دبش ماشاء الله تقول حامل ب ثلاثة مش واحد😂

صقر:كنت قدام باب نسمع بعدها خشيت

ساره:توترت بعد شفته خش سكتت وقعدت نبربش في تلفوني

صقر:قررت نستفزها قعمزت علي سرير وقعدت نبحت فيها😂

ساره؛(هذا كنه يبحت هكي 😥)

صقر:شحني وين

ساره:مش عارفه

صقر:خاطري مره تعرفي حاجه في هل دنيا

ساره:طفيت الضي وخليت ضي خفيف و رقدت بعدها حسيت بحركه البيبي اوف ياربي و قعمزت وحطيت ايدي علي بطني و ابتسمت مطول ماتبيش ترقد