﷽
الكاتبة:زَهراء آل أسد
يجي اليل وخساره تجر خساره
انام وبيدي مشتعله الجكاره .......
***
أمريتا:-طلعت من يم كسار ضايجة ومنترفزة منه اجيت لهنا حتى اخلص منه تالي هم لحگني طلعت بره شفت مدير هل مكان موجود وقفت على جهه فتحت شعري رفعتة لفوگ اكثر طلعت الفلوس من الجُنطة انطيته الحساب كمش ايدي حيل ورادف
-يحلوة تعالي جوه .
عقد حاجبة بأستغراب واردفت
-نعم؟؟؟!.
-جوه محد تعالي .
-ها والله ؟؟!
-اي والله .
-دنچب لك لا اشگ حلگك حيووووان افضحك فضيحة وانعل شيب الخلفوك .
بحركة سريعة خله ايده على فمي كاتم انفاسي وصوتي فجأة طلع كسار وصاح بصوت رج المكان رج
-امريتااااا لك كلببببب وخر عنها .
استغليت انتباهه لكسار ضربته حيل على بطنه برجلي هدني كمش بطنة متألم بحركة سريعة ضربت رجله طاح بالأرض تقدمت اله انطيتة لكمت بوكس قوي على وجه انطيته الثاني شلته من ياخته اجه كسار اخذه مني وطاحله دگ گلت مات بين ايده رحت الكسار واردفت
-كافي كسار عوفة .
كسار ولا كأنوا احچي ويا كامشة ويعيط علي بعلوا صوتة
-لك تتگرب لبنية ما رايده گُربك عجل شگد حيوان انت يول واخو زينب اكسررر ظهرك حيواااان .
ذبه بالأرض منتهي تقربت يمه نزلت المستواة واردفت بصوت عالي و واضح
-مو أمريتا اليدگ بيها وهيَّ مترباية بنص الجثث والضباط والمراكز امحيك وما اخليلك اثر .
انتهيت من كلامي ويا لكمته بوكس على وجهه ونضهت من مكاني أخذت غراضي وطلعت طلع وراي كسار صاح بصوت
-امريتاااااااااا .
وقفت بمكاني وجهت انظاري لمَصدر صوتة واردفت
-Evet?!
نعم؟!
-تعالي اوصلچ يول .
-شُكرًا اني اروح .
-اصعدي أمريتا .
-استغفر الله .
رحت صعدت بسيارتة بالصدر صعد وراي حرك السيارة مشينة مسافة قليلة وبسُرعة ضحك بعلوا صوتة نظرت علي بأستغراب عقدت حاجبي وارفت
-شبيك؟!
كسار بضحك
-هههههه لچ هاي شسويتي بي!؟
-شسويت؟
-لچ شگيتي شگ .
-يستاهل .
-وعلي گلت راح يموت بين اديها لچ شهل بنوة هاي واخو زينب بعمري كله ما مدحگ هيچ بنوات طرگاعة وعرمات .
-لعد شترديني اگُله عاشت ايدك لو اصفگلة لو اروح ويا؟؟!
-سكتي عرام .
-اسكت عني كسار .
-ول يُبا دحج .
-استغفر الله .
-وبعدين انتِ شهل لبس ؟!
-شبي؟!
-عجل على هذا لبسچ مترديهم يتحارشون والله انه أول الناس اتحارش بيچ! .
-ترا تراك سود شبي يعني؟!
-دحگي شلون حصر على جسمچ .
-مو حصر بس انتوا حيوانات كُل تفكيركم يم غريزتكُم لو نلبس حديد هم تباوعولنة بنظرة شهوة وغريزة .
-شهل حچي يول الصمي لا افين حظ حظچ .
-بس لا مچذبة؟
-اي مچذبة .
أنت تقرأ
سباق القلوب
Horrorمن جوف الآلم والفقدان، يتيمةُ الأهلِ، مَكسورة الجِنحي حاولت على الطيران، ليأخذها القَدر إلى مكان لم يكن بالحسبان، رَجُل سليطُ اليد واللسِان ليلتقي ب أُنثى، وتتسابقُ القلوب والدراجات، لتصبِحُ المسأله تحدي وحِرمان، لتلعب الأقدار دورها وتُبعد القلوب وا...
