صحبتي جنتي ❤️

البارت السابع

*االحلقه السابعه*

يارا طلعت تبص شويه من الشباك بتاع اوضتها (والكل نام ماعدا هي )
لقت حاجه غريبه لقت شخص لابس لبس غريب وكمان داخل الشقه بتاعت هبه من الشبااك
يارا اتفزعت ومكنتش عارفه تعمل ايه ...... جريت علي اوضه اخوها

يارا : احمد يا احمد .... قوم يا احمد

(احمد ده اخو يارا الكبير اكبرمنها بسنتين طيب جدا وبيحب عيلته اوي وبالذات اخته وكمان بيحب هبه بس مقالش لحد عقبال اما يشتغل ويكون
نفسه ويتقدملها )

احمد : ايـــــــــــه ايه يا يارا في حد يصحي حد كده
يارا : يا احمد الحق مش وقته شكل في حرامي دخل شقه هبه اللي في العماره اللي قدامنا من الشباك
احمد : ايـــــــــــه طب وسعي كده اروح اقول لبابا

وبعد ما احمد راح وقال لباباه لبسو ونزلو بسرعه اوي ويارا قاعده بتبص من الشباك قلقانه جدا

احمد وباباه قاعدين بيخبطوا جامد علي باب شقه هبه لغايط اما بابا هبه قام مخضوض وبيفتح الباب

بابا هبه : احم احم ..... ايه في حاجه يا حاج ابو احمد
بابا احمد : اه فيه شخص دخل من شباك الشقه هنا وشكلوا حرامي
بابا هبه : ايـــــــــــه حرامي

ودخل قعد يدور في الشقه واحمد وباباه دخلو يدوروا معاه

وفي الوقت ده كان الحرامي دخل اوضه هبه بيدور علي اي حاجه ياخدها ومن كتر حركته في الاوضه هبه قامت علي صوت حاجه وقعت علي الارض بسببه وكانت لسه هتصوت لقته وقعها علي الارض وخلا ضهره للباب وكتم بوقها وحط سكينه علي رقبتها وهددها

واحمد وهو بيدور سمع صوت صويت مكتوم قعد يخبط علي الاوضه جامد عشان كانت مقفوله من جوه محدش فتح راح كسر الباب ولقا الحرامي ( زي ما وصفنا فوق ) راح احمد جري ومسك الحرامي وقعد يضرب فيه لحد اما ساب هبه وهبه جريت وقعدت تعيط في ركن في الاوضه وهي بتبص مش عارفه حتي تطلع صوتها والحرامي كان بيدافع عن نفسه كتير ويضرب احمد بس احمد كان بيضربه بقوته واحساسه كمان لحد اما بابا هبه وبابا يارا جم واخدوا الحرامي من ايد احمد
احمد راح لهبه
احمد : هبه انتي كويسه ..... عملك حاجه
هبه ..... مش عارفه ترد كل اللي عملته انها هزت راسها بلأ
وراح مغمي عليها احمد نده علي مامت هبه ونزل جاب يارا وخلاها مع هبه وراح مع باباه وبابا هبه للقسم عشان يعملو محضر للحرامي

واثناء الوقت ده كلو كان الصبح طلع ومحدش عرف اللي حصل لهبه ده من صحابها الا يارا طبعا

كانت يارا قاعده جمب هبه قلقانه جدا علي صحبتها اللي صحيت بعد ما جالها حالت اغماء وقاعده مصدوم وكل فتره تصوت وتقول : سيبني ابعد عني

كانت حياء في اوضتها بعد ما صلت وفطرت قعدت تقيس في الهدوم الجديده ومنظر الحجاب الكان عاجبها اوي

وريتال كانت قاعده مع مامتها وباباها عشان بيودعو بابا ريتال عشان هو مسافر

وكندا كانت صحيت وصلت الصبح بسرعه وفطرت وقعدت علي الفيس حصل حاجه غريبه جدا ان في ولد بعتلها ادد علي الفيس والطبيعي وزي كل مره هي مش بتقبله بس المرادي الشيطان وسوس لها وقال لها : عادي يعني ده مش هيعضك كلميه بس بحدود مفيهاش حاجه
المهم ان كندا سمعت كلام الشيطان وقبلت الادد
الولد : هاي .... شكرا علي قبول الادد
كندا : هاي ... العفو
الولد : طب ايه رايك نتعرف .. انا اسلام مصري لكني عايش في هولندا بسبب شغل ماما وبابا وفي 3 ثانوي
كندا : انا كندا من مصر وداخله 1 ثانوي

وقعدوا يتكلمو ويهزرو ويضحكو كتييير ونسيب كندا بقا وشيطانها اللي بيوسوس ليها ده والولد ده كمان ونروح لمكان تاني

في اوضه ريتال ( بعد 3 ساعات من سفر باباها ) ريتال قاعده علي السرير وزعلانه وبتعبط عشان بابها اللي هيسافر وكمان ممكن يسافر مده طويله اوي وهو اول مره يعملها
مره واحده سمعت صوت صويت بره اوضتها وكان صويت مامتها راحت لمامتها وسالتها
ريتال : ايه يا ماما مالك يا حبيبتي في ايه !!!!!!!!
مامت ريتال : ...............
ريتال اول ما سمعت كده اتخضت جدا واتصدمت
يا تري ايه اللي هيحصل مع يارا وهيه والبنات هيعرفوا بالموضوع ولا ايه
وكندا ضميرها هيصحي ولا لا
وريتال ايه هو الخبر اللي خلاها تتصدم كده
كل ده هنعرفه في الحقه الجايه

انتظرونا في حلقه جديده من روايه :
صحبتي جنتي
------------