صحبتي جنتي ❤️

البارت الحادي عشر

الحلقه الحاديه عشر*
وقفنا المره اللي فاتت عند انا البنات كانو رايحين صلاه التراوريح

فلاش بااااك :
حياء : الو يا بت احنا جايين ناخدك اهو .... خلصي بقا
يارا : حاضر ....... هروح البس اهو سلام

جرس الباب رن وقاعد يرن
يارا : حاضر ...... حاضر يا عيال انتو لحقتو تيجي
ياربا فتحت الباب
يارا : إسلام
(ثـــــــــــانيه كده ايوه هو اسلام اللي في دماغكو هو اللي بيكلم كندا واسلام ده هو ابن عم يارا )
بابا يارا جه من وراها : اهلا اهلا يا اسلام ..... اتفضل يا حبيبي .... عقبال اما انادي احمد
يارا دخلت ورا باباها : بابا بابا .... هو ايه اللي جاب إسلام
باباها : مفيش يا حبيبتي .... احنا رايحين لعمك انا وأخوكي .....وهو جه ياخدنا
يارا : طييب يا بابا

يارا لقت الباب بيخبط تاني
يارا : يووووه ... حاضر حاضر ..... اكيد العيال صحابي
بس وهي رايحه لقت إسلام هو اللي فتح
وكانت كندا في وشه بس هي كانت مش واخده بالها كانت بتكلم صحابها بس لما بصت ادامها وهي داخله لقته التقت عينيهم عينين كندا كان كلها اندهاش وعتاب ونرفزه وإسلام توتر وخوف وفشل
كندا في سرها : اسلام ..... ايه اللي جابو هنا ده الله
اسلام في سره : يالهوي ديه كندا
(ايـــــــــــوه هما عارفين بعض من الصور اللي بينزلوها علي الفيس )
يارا قطعت الصمت : يووووه تعالو يا بنات ثانيه اصلي لسه عايزه اعمل حاجه
كلو دخل مع يارا الاوضه
حياء بنرفزه بسيطه : يا يارا مين اللي فتحلنا الباب
يارا : ده اسلام ابن عمي جه ياخد بابا واحمد معاه لعمي
ريتال : طب خلصي بقا عايزين نلحق
وهما قاعدين بيتكلمو كانت كندا في حته تانيه مش معاهم
كندا في نفسها : يعني ايه .... ده اسلام وابن عم يارا ..... ومطلعش مسافر زي ما بيقول .... لا وكمان يارا بتقول انه بتاع بنات...... يارب استغفرك ونزل من عينيها دمعه الكل شافها بسبب انهم كانو بيكلموها
كلو اتجمع حواليها حياء : مالك يا حياء فيكي ايه ....
كندا وبدات تعيط : مفيـــــــــش ...... هحكيلكو بعدين
وهي بتمسح دموعها : يالا عشان نلحق الصلاه

الكل سكت وقلقانين عليها وراحوا الصلاه
والكل صلاه بخشوع رهيب بالذات كندا اضافه الي صوت الشيخ الرائع اللي يدخل القلب علي طول

نروح لمكان بعيد عنهم شويه :
في بيت عم يارا :
الكل بيتكلم مع بعض الا إسلام سرحان وبيقول لنفسه : اعم ايه دلوقتي ..... اكيد كندا عرفتني ...... واكيد يارا قالتلها كل حاجه عني ....... يووووووه روحت في داهيه .... اعمل ايه دلوقتي
احمد : ايـــــــــه يا إسلام .... فينك بكلمك بقالي ساعه
إسلام : هه ..... ﻷ انا معاك كنت بتقول ايه
وقعدو يتكلموا .......

والبنات كلهم خلصوا الصلاه .....
يارا : بقولكوا ايه تعالوا اعدو معايا شويه .....
الكل : طيب ماشي يالا بينا
اتصلو بامهاتهم واستاذنو منهم واكيد من ابائهم
وراحو ليارا وقعدو في اوضه يارا
الكل بيتكلم وعادي لكن كندا كانت سرحانه ومش معاهم اصلا لقوها مره واحده قعدت تعيط
الكل : مالك يا كندا ... ايه الحصل خلاكي تعيطي كل شويه كده
كندا بزعل : اصل .... اصل انا يعني
ريتال بحزم : اصلك ايه ...... في ايه يا كندا ما تنطقي
كندا بعياط : اصل انا كنت بكلم ....... ولد
الكل بصدمه : ايــــــــــه
كندا : ....... حكتلهم ان الولد ده اسلام وكل الحصل من اول مره
حياء بزعل : ازاي يا كندا تقبلي الآد من الاول ...... احنا كلنا متعاهدين وعارفين مينفعش نكلم ولاد صح ولا ايه
يارا بعصبيه : والله لاوريك يا زفت يا إسلام وصلت لصاحبتي
ريتال : خلاص يا جماعه متضغطوش عليها اكتر من كده بقا
هبه : اكيد هي ندمانه ..... صح يا كندا ولا ايه
كندا : آآآه والله ندمت ومش هعملها تاني ..... الشيطان كان اقوي مني ....بس بعد كده مش هستسلمله ان شاء الله
الكل محاولين انهم يفرفشوها : ايوه كده يا كوكو يا عسل
وقعدو يزغزغوها عشان تفك واعدو يهزرو وكندا حاولت تنسي وتتاقلم مع صحابها
وبعد فتره :
ريتال : كفايه كده بقا يابنات ... اتاخرنا
هبه : عندك حق يا ريتال .... يالا يا بنات
يارا : انتو متسربعين ليه..... خليكوا معايا شويه
حياء : خلاص بقا يا قلبي معلش مره تانيه
كندا : يالا بينا
وهم خارجين لقو إسلام واقف علي الباب يارا بتبصلو بعصبيه جامده وكندا باستهزاء وريتال وحياء وهبه بارف
هو كان في الاول استغرب النظرات ديه بس فهم انهم عرفوا
وهما خارجين من الباب عدو من جمبو
وكندا بصوت لا يسمعه الا اسلام وباستهزاء : ابقي سلملي علي هولندا ياااا ..... ااه افتكرت يا إسلام
إسلام اوحرج اوي وسكت
وبعديها علي طول هرب من نظرات يارا اللي كانت واقفه وبتبضلو نظره كلهم ارف وعصبيه واستهزاء ومشي علي طول
والكل روح بيته عادي جدا وفرحانين
وكندا حاولت تتاقلم وتنساه حتي هي اكتشفت انها اصلا مش بتحبه ولا حاجه ده كان مجرد رد فعل ويارا كانت قاعده متنرفزه جدا بس احمد جه وفرفشها والباقي روحو عادي بس طبعا كانو بيفكرو في كندا واللي عملتو

ورمضان عدا هوا زي ماحنا عارفين
وجه العيد كل البنات اتقابلت وصلو العيد بفرحه وراحوا يفطرو في اي مطعم وراحو الملاهي ولعبو وهزروا وضحكو واتسلو كل ده بعد مرافقه من امهاتهم وابائهم
هبه : هيـــــــــــح ..... كان يوم لا يوصف
ربنا يخليكو ليا يا مصدر ساعدتي
الكل : ويخليكي لينا يا بيبو ...... فعلا كان يوم رائع .... يارب يتكرر
وعدي شهووور الاجازه علي خير مفيش جديد الصحاب ايام مع بعض وايام مع قرايبهم وايام في البيت وده الطبيعي
لحد اول ايام الدراسه حصل حاجه كلهم عملو منها كده
.
.
.
.
هنعرف ايه هي الحاجه ديه في حلقه جديده من :
صحبتي جنتي
------------