صحبتي جنتي ❤️

البارت 16. 17. 18

🌼الحلقات 16 و17 و18 🌼

*الحلقه السادسه عشر*

وقفنا المره الي فاتت لما كندا الي فاتت لما كندا اتفقت انها تبطل تكلم ولاد
روحت و عزمت انها مش هتفتح الفيس تاني لفتره طويله
و بعد اسبوع فتحت و لقت اكتر من 15 مسج كلهم تقريبا زياد بيسأل عليها

كندا : ازيك ي زياد
زياد : انتي فين ي كندا مبتفتحيش ليه
كندا : معلش دراسه بقا و تيتا تعبانه اليومييين دول
زياد : طب انا عاوزه اشوفك
كندا : تشوفني....مش هينفع دلوقتي
زياد بعد محاولات كتيير و زن اقنع كندا توافق
و اتفقوا انهم يتقابلوا في مطعم قريب من الجامعه بعد ما يخلصوا
نسبهم دلوقتي و اليوم اللي بعدو
ريتال خلصت و راحت تاكل في مطعم الكليه لحد ما باقي صحابها يخلصوا محضراتهم
هبه لسه كان ناقصلها محاضره كمان
حياء خلصت محضرتها كانت المفروض هتروح لريتال بس حصل حاجه غريبه
وهيا بتمشي فجأه لقيت الدنيا اسودت في عنيهاواغمى عليها
طبعا طلاب الكليه فوقوها و افتكرتها ضربه شمس اصل اليوم دا كان حر اوي
بعد كدا راحت لريتال و اصرت انها متقولش لصحابها و اهلها عشان ميقلقوش
بعد ما خلصت هبه راحت للبنات عشان يروحوا وكندا كانت قيلالهم انها هتروح بدري بس هيا طبعا مروحتش
نرجع بقا لكندا و زياد
زياد : اخيرا شوفتك ي كندا
كندا : اه يا زياد في ايه بقا
زياد : مفيش ي ستي هوا انا غلطان اني عاوز اشوفك
كندا : لا طبعا......بس انا افتكرت في حاجه مهمه

طبعا خفه دم زياد و مكر الشيطان نسوا كندا طبعا وعدها لحياء والبنات

البوم البعدو علطول حياء اتصلت بكندا و قالتلها انها عاوزه تطلعلها تشوفها كندا مقلتش حاجه طبعا

حياء بعد ما دخلت واطمنت ع جده كندا
دخلت لكندا الاوضه و قفلت الباب
كندا بأستغراب : في ايه ي حياء شكله موضوع مهم
حياء بجديه و نرفزه خفيفه : انتي كنتي فين امبارح ي كندا و مروحتيش معانا ليه
كندا بتوتر : ايه ي بنتي انتي جالك زهايمر مش قولتلكوا اني زهقت من جو الجامعه و روحت بدري
حياء : روحتي بدري ولا روحتي تقابلي زياد
كندا بارتباك : زياد زياد ميين
حياء : انا شوفتك امبارح و احنا مروحيين بس محدش من البنات عرف
كندا : دا محصلش
حياء بنرفزه : كمان هتكدبي ي كندا انتي ماشيه في سكه غلط ي كندا غلط خالص سكه ملهاش اول من اخر بس المؤكد ان اخرتها مش حلوه خالص ولا دنيا ولا اخره هوا دا وعدك ليا هوا دا وعدنا واحنا صغيرين جدتك الي بره دي متستهلش منك الي بتعملي دا والدك و ولدتك اكيد مش راضيين عن الي بيحصل دا انتي مش كندا بتاعت زمان انتي فعلا بقيتي انسانه غريبه في تصرفاتك و لبسك و كل حاجه فيكي راجعي نفسك ي كندا واعرفي انك بتغلطي جامد و هتودي نفسك في داهيه

سابتها حياء في وسط اندهاش رهييب بكلامها وسلمت ع جدتها ومشيت
طبعا صوت ضمير كندا اختفى وشيطانها كرها في حياء و بقيت البنات