صحبتي جنتي ❤️

البارت الخامس

🔊 الحلقه الخامسه 🔊
في اليوم التاني :
صحيت حياء وصبحت علي مامتها وصلت ركعتين الصبح وفطرت وفتحت الفيس وفي الوقت ده في بوست شدها وعجبها اوي وهو (في معظم الكتب بدايتها بتقي ب عذراً لوجود اي خطا املائي لكن المصحف بدايته {ذلك الكتاب لاريب فيه })
مع ان البوست عجبها وحسسها بان القرءان ده اجمل حاجه في الكون وانو نعمه رائعه بس البوست فكرها انها من ساعت الامتحانات وهي اخرها تصلي الفرض بس وكتاب ربنا مركون علي جنب
قامت وصلت الضهر اللي أذن من نص ساعه وقعدت تستغفر ربنا كتير وبعدين فتحت القرءان وقعدت تقرا في سوره النور لحد ما وقفت عند آيه كان صوتها جميل اوي فيها وهي {وقل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن بخمرهن علي جيوبهن}

اول مره تحس بالايه ديه كده حست باحساس غريب ووعدت نفسها انها لازم تنزل عشان تشتري طرح طويله ولبس جديد وواسع وقامت صلت ركعتين لربنا ودعت بالهدايه لنفسها ودعت بردو كتير لصحابها وعيلتها وبعدين راحت قالت لمامتها ومامتها رحبت بالفكره جدأً
وبعدين راحت اتصلت بصحابها عشان تقولهم وعشان ينزلوا معاها يشترو هدوم وحاجات
اتصلت بيهم في مكالمه جماعيه وقالتلهم يستاذنوا امهاتهم انهم يخرجوا يجيبوا هدوم ومامت حياء هتبقي تروح معاهم عشان ميبقوش لوحدهم
امهاتهم وافقوا والبنات جم لحياء وهي كانت لسه في اوضتها وهما دخلولها
يارا : يويو ايه يا قلبي لسه مخلصتيش لبس
كندا : يالا بقا يا بت عشان منتاخرش واحنا راجعيين
حياء وهي بتحاول تطول طرحتها

: يا بنات انا عايزه اقلكوا علي حاجه
ريتال : ايه يا بنتي في ايه
حياء : بصو انا قررت اني هطول الطرحه وهلبس لبس واسع شويه كده حلو
يارا : الله يا يويو فكره جميله تصدقي اني كنت بفكر فيها بس مستنيه حد يشجعني
حياء : خلاص يبقا نشتري اللبس مع بعض بقا ....وانتو يا بنات ايه رايكو
كندا : هو انا مش مقتنعه اوي بس لو انتي مقتنعه يا حبيبتي يبقا خلاص علي بركه الله
ريتال : حلو يا ست يويو بس يبقا لبس شيك كده ويليق بسننا
حياء : اه طبعاً يا توتا ( ريتال )
هبه : حلو يا يويو ربنا يثبتك ويهدينا
كلهم : امييييين يارب

ونزلوا يشتروا كلهم اللبس ومعاهم مامت حياء وكله اشتري لبس شيك وحلو بس ان حياء ويارا متميزين باللي اشترو كانو اكتر اتنين لبسهم محترم بس شيك وحلو جدا ً
وقعدوا يستريحوا في مطعم من التعب ويتغدو وبعد ما خلصوا الكل قام يروح الحمام الا مامت حياء وهم خارجين حصل موقف غريب جداً ورخم جداً

هنعرف ايه هو في الحلقه الجديده :
صحبتي جنتي
-----------