صحبتي جنتي ❤️

البارت التاسع

*الحلقه التاسعه*
وقفنا المره اللي فاتت عند كندا اما افتكرت مامتها وباباها واترمت علي السرير وهي منهاره من العياط وفجأه موبايلها رن بصوت واتس اآب مسحت دموعها وقامت تشوف مين اللي بعتلها الرساله
لقيتها من اسلام
اسلام : هاي يا كندا ...عامله ايه
كندا بعد تفكير عميق : هاي يا اسلام ازيك
اسلام : الحمد لله . يعني مبتفتحيش بقالك فتره
كندا : عادي يعني .... اسلام انت جبت نمرتي منين
اسلام : ايه يا كندا انتي نسيتي ولا ايه انتي اللي اديتيهالي

( كندا من كتر زعلها بتعمل حاجات وبتنساها بعديها بفتره )

وهي جايه ترد علي الرساله لقت الباب بتاع اوضتها بيخبط
كندا قفلت الموبايل ورمته علي السرير وهي متوتره
كندا : ميـــــــن
الشخص : افتحي يا كوكو .... انا حياء
كندا : اااه ... حياء ادخلي
حياء بعد ما دخلت : مالك يا كندا انتي مش علي بعضك كدا ليه
كندا : ايه ..... ايه .... لا عادي
حياء : كندا انتي مخبيه عنا حاجه ؟!
كندا : ﻷ يا يويو ..... المهم ريتال عامله ايه ؟!
حياء : كندا متحاوليش تضيعي في الكلام .. مالك في ايه
كندا وهي بتدمع : ماما وبابا وحشوني اوي يا حياء
حياء وهي بتاخد كندا في حضنها : يا كندا هم اكيد دلوقتى في مكان احسن من كده ..... ادعيلهم يا حبيبتي
كندا بعياط : حياء ..... كان نفسى لو بابا دلوقتى كان عايش هو وماما ..كنت مش هعملهم حاجة تضايقهم ولا هزعلهم منى كان نفسى يكونوا عايشين عشان لو كانوا زعلانين منى كنت اعتزرلهم وكان عمرى ما هخليهم يزعلوو منى هم وحشوني اوي وحشني حضنهم
حياء بعد ما دمعت من كلام كندا : معلش يا كندا .... ربنا يخليلك جدتك ...... ادعيلهم انهم يدخلو الجنه وانتي معاهم ان شاء الله يا قلبي
كندا فكرت شويه في اللي هي بتعمله ده ربناا هيغفرلهاا ولا لاء (متبصليش - مبتفتحش كتاب ربنا - واخييرا بتكلم ولاد ومنهم اسلان )
كندا بعد تفكير وصراع ما بين نفسها وضميرها : ان شاء الله يا حياء
بعد كلام ورغي كتير ما بين بعضهم
حياء : خلاص يا كوكو .... سلام بقا الوقت اتاخر وماما هتزعقلي
كندا : خليكي شويه بليز
حياء : لا خلاص وقت تاني بقا
كندا : طيب يا يويو ...... سلام ابت
حياء : سلااام

نيجي لريتال في بيتها :
ريتال بعد ما رجعت من المطار واتاكدت ان باباها مات خلاص
هي دلوقتي مش مصدقه نفسها قاعده بتعيط بانهيار من غير صوت ......
ريتال دخلت اوضتها قعدت علي المكتب شافت صوره ليها ولباباها اعدت تعيط كتيييير وبتفتكر باباها اما كان بيزاكرلها

فلاش باك :
بابا ريتال : يا بنتي افهمي وخلصيني عايز انزل الشغل ....
ريتال : خلاص فاهمه فاهمه
باباها : طب انا كنت بقول ايه من شويه
ريتال :اممممم .... مش فاكره
بابها : امشي من قدامي يا بت انا مش هزاكر لحد
ريتال : هههههههههههههه بس كده ..... حاااضر
باباها : انتي ما صدقتي بقا ..... ههههههههههه
نرجع تاني
ريتال كانت بتعيط وبتبتسم ابتسامه زعلانه وهي بتفتكر
بعدها بشويه مامتها دخلت اوضتها قعدت تتكلم معاها وتهديها وبتفتكر معاها ايام زمـــــــان مع باباها

هبه بقا كانت في بيتها بتتغدي مع عيلتها بعدها قامت دخلت الاوضه لقت حد بيتصل علي الموبايل بتاعها

يا تري مين اللي بيتصل

هنعرف في الحلقه الجديده من :
صحبتي جنتي
------------
ها ايه رايكو اكمل ولا لا
كومنت بذكر الله <3

#صحبتي_جنتي