صحبتي جنتي ❤️

البارت الثامن

*الحلقه الثامنه*

ريتال اما سمعت صويت مامتها طلعت من الاوضه علي طول بفزع
ريتال بخضه : في ااااه يا ماما مالك .... في ايه ردي عليا
مامتها بانهيار : اتصلوا بيا من المطار وقالولي ان الطياره اللي باباكي كان فيها عملت حادثه في الجو ووقعت
ريتال من كبر الصدمه مقدرتش تتكلم وفجاه وقعت عل الارض.
مامت ريتال : ريتااااال قومي يا بنتي ما يبقاش انتي وابوكي قومي بقا .......
خدتها وجريت بيها علي المستشفي .....
في الوقت ده حياء كانت باصا من الشباك شافت مامت ريتال بتجري وهي شايله ريتال علي ايديها
حياء بفزع : ايه ده ديه ريتال
اتصلت حياء بكندا وقالتلها واتصلت بيارا (ويارا كانت لسه عند هبه)
يارا : في حاجه يا حياء ..... ايه ..... طيب اقفلي اقفلي انا عند هبه وجايه اهو ......
حياء : هبه ..... بتعملو ايه من غيرنا
يارا : حياء .... هو ده وقته هبقي احكيلك بعدين اقفلي بقا

هبه بتعب : في حاجه يا يارا ولا ايه .....
يارا : ...... حكتلها كل اللي حياء قالتهولها
هبه بتعب وخضه : طب استني هقوم البس واجي معاكي استني
يارا : لا لا يا بيبه ريحي انتي بس .... ولو حصلت حاجه جديده هتصل واقولك
هبه بتصميم : لا انا جايه ...... اصلا انا مش تعبانه بقيت كويسه

وبعد تصميم من هبه انها تنزل نزلت هي ويارا بعد اما استاذنوا من مامتهم وكندا وحياء بردو و اتصلو بمامت حياء وعرفو مكان المستشفي

في المستشفي :
حياء : ازيك يا طنط .... هو في ايه اللي حصل !؟!؟؟
مامت ريتال بحزن : الطياره اللي بابا ريتال كان فيها عملت حادثه وريتال مقدرتش تتماسك بعد ما عرفت .....

صحابها كلهم اتفجأوا بالموضوع وزعلوا اوي علي بابا ريتال وحاله ريتال ومامتها
في الوقت ده كندا افتكرت مامتها وبابا وعيطت بس محدش شافها
وفضلو واقفين شويه ....لحد اما الدكتور خرج ..... الكل جري عليه
كلهم : دكتور .... هي ريتال مالها في ايه اللي حصلها
الدكتور : اهدوا يا جماعه مفيش حاجه اهدوا .... وبص لمامت ريتال وقالها : بنت حضرتك كويسه لغايط دلوقتي بس ....في صدمه لسه مأسره عليها بس هتبقي احسن ان شاء الله
اتفضضلي ادخلي شوفيها
مامت ريتال بابتسامه حزينه : شكرا يا دكتور

دخلت مامت ريتال وصحاب ريتال

ريتال بعياط : ماما يا ماما اكيد طياره تانيه مش اللي فيها بابا تعالي نروح عشان خطري عشان نتاكد
مامت ريتال بقلق : طب استني اسأل الدكتور ممكن تخرجي ولا لأ

مامت ريتال لدكتور : لو سمحت هي ريتال ممكن تخرج دلوقتي
الدكتور :ايوه هي كويسه وممكن اكتبلها علي خروج دلوقتي بس خلي بالك منها ومتخلهاش تعيط كتير كده تاني عشان غلط علي صحتها
مامت ريتال بحزن : حاضر يا دكتور

دخلت مامت ريتال الاوضه اللي فيها بنتها
(وريتال كانت بتكلم صحابها وهما بيحاولوا يهونو عليها)
ريتال بترجي : ها يا ماما يالا نروح عشان خطري دلوقتي يالا
مامات ريتال : طايب .... معلش يا حبايبي يالا روحوا انتو ...... تعبينكوا معانا
ك صحابها : لا طبعا يا طنط .... دي ريتال اختنا ولازم نقف معاها في كل الاوقات

مشيو كلهم .....ومامت ريتال وريتال راحو علي المطار وصحابها كل واحده فيهم روحت علي بيتها من غير كلام وكلهم زعلانين خصوصا كندا .....
دخلت اوضتها ونامت علي السرير منهاره من غير ما تسلم علي جدتها ولا تشوفها وكانت قاعده بتعيط جامد عشان افتكرت مامتها وباباها
وفجأه التليفون رن بصوت رساله

يا ترا مين اللي بعت الرساله لكندا وايه المكتوب فيها .....
واه اللي هيحصل لريتال .....

هنعرف كل ده في الحلقه الجديده من
صحبتي جنتي
------------