وكر الخيلع

9

بسم الله الرحمن الرحيم 🤍
سلام عليكم اتمنى يعجبكم البارت
ادعوا الرحمه "لزينب بنت احمد"  ام هازال
الاسم الحقيقي الها
تاريخ الوفاء 2018/4/13"

**

اغمى عليه من الصدمه
ما وعيت على نفسي ولا مستوعبه الي صار اكيد حلم

كعدت اخر شي ولكيت الخيلع كاعد بصفي وعلى ملامحه قلق

حجيت واني احاول استوعب وما ابجي وايدي ترجف : حلم صح؟ كول حلم
صرخت اخر كلامي وصرت ابجي حضني لصدره وصرت اصرخ واضرب بيههه

هازال : كله بسببك امي ماتت وخررر وخرر

حاولت ابتعد منه مو راضي يبتعد بجيت هواي وصرخت لحد ما راح صوتي

هازال : اريد اشوف امي وديني الامي، امي اكيد عايشه انتو تجذبون عليه وخرر

يحجي وهوا يحاول يهدئ بيه ويمسح على ضهري : هذا قدر وهاي الساعه الي الله كاتبها الامج كافي ارحمي نفسج عيونج صارت حمر

هازال : فوك ما بسببه امي ماتت جاي ينصح وخر لك نعال

صفكته راشدي وهوا متحملني على عصابه صاحني واني ما رديت نزلت بالدرج بسرعه تعثرت بدايه البايات وطحت على راسي طلع من راسي دم وعيوني صرت ماكدر اشوف بيها ما حسيت الا واغمى عليه

**
هوسه ضياع ناس تبجي وتصيح
اباوع على تابوت امي مو مستوعبه شي حتى ما نزلت اي دمعه مني..

كارهه كلشي حجيت واني اصرخ واسد اذاني
ايڤا : كافيي اسكتوو امي ما تحب صياح

اجت عمتي وعيونها مثل دم وتبجي وحجت : ولجج ابجي هاي امج ابجي طلعي صدمتج

واني ساكته ما اطيت اي رد فعل
ايڤا : وين هازال اكيد هسه بس امي تشوفها ترجع بس صيحي هازال رجعيها راح ترجع امي تفرح من تشوفها وترجع امي جانت تنتظر هازال

اجت رقيه تحضني وتبجي وتمسح على ضهري طب ابن خالتي وزلم يردون يشيلون تابوت استوعبت الي صار وصرخت مثل المخبله

ايڤا : وخرر محد يشيله ماتروح امي
حجه رجال : لا اله الا الله عمي نريد نشيل تابوت مو زين راح يصير مغرب

بجيت وصرت اصرخخ حسيت اطراف رجليه توجعني حجيت واني ابجي من وجع رجليه : رجلي رجلي

حجت رقيه بقلق : شبيج شكو شبيها رجلج

حاولت اهدئ نفسي رجع الالم يزيد فجأه كدرت احرك رجليه انصدمت

شافني الرجال ملتهيه ويا رقيه واشر على هيثم حتى يشيلون التابوت بس انتبهت كمت على حيلي واطيح واكوم ورحت ركض على تابوت

وحجيت بصياح : محد يشيله محد وخرو
الكل جان مصدوم شلون مشيت بس ادركت اني انو من صدمتي راح شلل مؤقت ورجعت امشي