وكر الخيلع

31

بسم الله الرحمن الرحيم 🤍
اتمنى يعجبكم البارت

**
صرخت صراح رج البيت رج ما جنت مهتمه الاشي غير انو زمرد ما يصير الها شي

وخيراً فزت سالي مرعوبه بسرعه اجت وحجت وهيه تشهك من الخوف
سالي : شكو شكو

ما كدرت احجي اي شي بس شافت زمرد شهكت وحطت أيدها على حلكها وشالتها بسرعه وحجت
سالي : هازال زمرد شبيها شنو هذا دم وليش تصرخين؟

هازال : م..ماعرف فزيت على دك باب قوي ك.كعدتج ما تجاوبيني فتحت الباب وشفتها بهاي الحاله ت..تكول كتلت مروى ماعرف على شنو تحجي كلشي مافهمت

باوعت سالي مصدومه ما مستوعبه كلامي ولا فأهمه شي شالت زمرد واني حاولت أشيلها وياها بس رفضت وحجت
سالي : اكعدي هنا ولا تطلعين من الغرفه ابداً راح اخذها اني وانصرف وياها وافهم القصه ولا تطلعين يمكن سمعوا صوت صياحج

اخذت زمرد وطلعت واني حطيت ايدي على حلكي ابجي وخايفه ياربي يوميه مصيبه ما اخلص شوكت ارتاح بحياتي

قفلت الغرفه حتى محد يطب عليه بس اسمع صوت جوا عالي ماعرف شنو بالضبط بس هوسه

كعدت ادعي الها واني ابجي وخايفه ، من كلشي خايفه خاف تتاذه
صار مغص بطني قوي غمضت عيوني عرفت بطني صارت توجعني لان ابجي وأفكر

ماكدرت اغمض عيوني لحظه خايفه لا عندي تليفون حتى اعرف شصار وياها بس انتضرت ضليت لصبح افكر وداعي لحد ما اندك الباب كمت على كيف لا رجليه يوجعني

فتحت الباب وجان سالي شايله زمرد وبيدها مغذي
بسرعه رحت أساعدها خليتها ترتاح على فرش غطيتها وبستها واني ابجي عليها

سالي : لا تخافين ماكو شي بس مضروبه سجين باخصرها ونزفت هواي دم لذالك أغمى عليها وما تحملت
هازال : شلون ما اخاف سالي زمرد تكول تعاركت ويا مروى وكتلتها خلاص ..

ضحكت سالي رفعت حاجبي اباوع عليها مستغربه
هازال : ليش ضحكين ؟
سالي : ولج لا كاتلتها ولا هاي متعاركات هيه ومروى وضربت مروى زمرد سجين بالحظه غضب وثانيه ضربتها بكفتها وطاحت هذيج ما تحملت واغمى عليها وعبالها زمرد ماتت لا تخافين عايشه كلشي مابيه مثل حصان بالي على زمرد لان خسرت دم هواي

مثل المي البارد نزل عليه من سمعت كلامها وفرحت لان جنت خايفه هواي على زمرد حجيت بصوت ناصي حتى ما تسمع زمرد وتفز من نومها
هازال : شلون رحتوا المستشفى وانتوا بهذا الوضع وشلون طلعت من مستشفى

سالي : شغله عاديه يعني هواي يتعاركن ما نستغرب وعلياء ماخذتهن لمستشفى والكل يعرف محد يحجي وطلعتها على كفالتي واطوها مغذي وادويه ولازم ما تحرك لحد ما تطيب ويشيلون الاخياط

هزيت راسي بمعنى فهمت اخذت الادويه منها وحطيتها على صفحه وكعدت يم زمرد اباوع عليها واقرا الها ادعيه بكل حيلي حتى تصير زينه