وكر الخيلع

20

بسم الله الرحمن الرحيم 🤍
اتمنى يعجبكم البارت

**
صراخ بوجع وصوت ناس تبجي جنت كاعده بصف تابوت يوسف

ادموعي تنزل على خفيف ماكدر بعد اصرخ لو اعتب لان تعبت وصوتي راح

كعدت بصفي شمس تبجي وحجت
شمس : ماما وين يوسف وليش ناس تبجي

ما جاوبتها وهيه صارت تبجي تريد ارد عليها اجت امي اخذتها وهيه تصرخ تريد تجي يمي

كامو اخواني وكم شخص يردون يشيلون التابوت ماكدر اصيح رحت ركض لخيلع وبصعوبه حجيت

اسماء : لا تشيلونه لاا
الخيلع : استغفرالله ما يصير هيج
اسماء : لا تاخذه والله اسوي شي بنفسي عوفه عوفه

صرت ابجي والطم على خدي تخبلت وماعرف شنو جنت اسوي بس الي اعرفه احاول امنعهم ياخذونه

الخيلع : حرام تسوين هيج ترا هوَ طير بجنه
ما جاوبته شالوا التابوت تخبلت ولزمني النسوان بس ماكدرت اوخر منهن كل جسمي ميت

حسيت بدوخه وطحت بنص نسوان غايبه عن وعي
كعدت على صوت هوسه ومن بين الأصوات سمعت صوت ادهم..

شفت نفسي بغرفه كمت وطلعت اباوع الخيلع لازم ادهم من ملابس ومبين عصبي وصارت عركه

جنت اباوع ساكته ولا حجيت كلمه بسرعه ادهم اجه اتجاهي وحجه
ادهم : كله بسببج ابني مات

باوعت عليه وما جاوبته ببساطه لان جنت مالي خلك حتى نفسي وكالساع اوههوس واشوف يوسف يلعب كدامي

كمت ومشيت بدون وعي الحك يوسف اجه الخيلع بسرعه سحبني بحضنه وصاح
الخيلع : اسماء لا تخيلين اتعوذي من شيطان

باوعت عليه وابتسمت واشرت على فد مكان جان بيه يوسف
اسماء : هذاك يوسف شوفه شلون يلعب

حاول الخيلع يصحيني بس اني كل بالي ويا يوسف لحد ما الخيلع صفكني راشدي وكأنو صاحني وصاح بعصبيه
الخيلع : هذا خيال جاي تخيلين يوسف مات

صرخت بعصبيه ودفعته
اسماء : انتو تجذبون عليه يوسف ما مات جاي يلعب لا تخبلوني

اجه الادهم وصار يهزني من كفتي بعصبيه
ادهم : كافي تمثيل انتِ موتي ابني والله إلا اشرب من دمج واحرمج من شمس

بسرعه الخيلع طلعه يتعارك ويا واني رحت لغرفتي ركض شفت شمس نايمه وجها متروس دموع

اتخبلت من تذكرت كلامه وصرت احجي بدون وعي
اسماء : راح يأخذ بنتي..

بسرعه شلت شمس وحطيتها بحضني وعدلت حجابي وطلعت واني احجي
اسماء : راح يأخذ بنتي..راح تروح مثل يوسف