وكر الخيلع

25

بسم الله الرحمن الرحيم 🤍
اتمنى عجبكم البارت

**

وكع گلبي من سمعت صوت صراخ سمر جاي من فوك حتى طاحت الصينيه من إيدي من الخوف

رحت فوك بسرعه اريد اشوف شكو واني كلساع أتعثر وصلت وجان الباب مفتوح

وبداخل الغرفه امي واكف وبيدها الماسحه وتضرب بسمر وسمر تصرخ تحت أيدها

رحت بسرعه وخرت امي منها وحطيت سمر ورا ضهري وحجيت بصياح
اسماء : يمه ليش جاي تضربيها؟

باوعت امي بعصبيه وذبت مساحه وحجت
ام اسماء : هاي جلبه كلتها تعاي غسلي الملابس تكلي اني مو خدامتج ورفعت صوتها عليه الكح**

اسماء : بس هيه مو خدامه حتى تنظف شعليها البنيه وبعدين اني غسلتهن عوفيها

باوعت عليه امي معصبه وشرار يطلع من عيونها
ام اسماء : هاي المفروض تصير خدامه الج والنا بعد الي سوته بابنج

عفتها تحجي واخذت سمر وياي لحمام طببته وكتلها
اسماء : اوكفي هنا ولا طلعين لحد ما اجي

هزت رأسها ورحت لغرفتي لكيت امي طالعه منها جبت ملابس من كنتور وطلعت رحت الها شافت بيدي ملابس وحجت
سمر : المن هاي ملابس؟

ابتسمت واطيتها ملابس وحجيت
اسماء : الج اسبحي وارتاحي ومن تخلصين صيحيني حتى ارجعج لغرفه لان هذول إيدهم وضرب ما يفكرون بأحد اخاف يرجعون يضربوج

وافقت رحت الامي لكيتها كاعده تباوع على تلفزيون ولا كأنو قبل شويه موته البنيه كعدت بصفها وهيه تباوع عليه وتخنزر

اسماء : فوك ما موته البنيه بالماسحه تخنزرين عليه
ام اسماء : خلي تولي وانتِ شنو دافعين عليها هاي جلبه مبين حيه تلدغ وتضم رأسها

اسماء : يمه البنيه ماصارلها يوم من اجت شبسرعه عرفتيها حيه
ام اسماء : مبينه حتى مو حلوه على شنو جابها الخيلع مادري
اسماء : يمه هوَ على جمال انتِ مقدره الموقف الي صار البنيه اجت فصليه وبدون اي ذنب حتى صغيره وما بالغه مكان ما تساعدين البنيه وتحجين ويا الخيلع جايه تزيدين الحطب؟

افافت ما عاجبها كلامي وكامت استغفرت ربي وسمعت صوت الأذان رحت بسرعه لحمام ودكيت باب الحمام وحجيت
اسماء : سمر خلصي بسرعه صار الأذان مو زين تبقين اكثر بالحمام

سمر : اي هسه شويه واطلع بس البس ملابسي
رحت منها وتوضيت حتى اصلي

فرشت سجادتي وصرت اصلي وبكل ركعه تنزل دموعي خلصت وقررت اقرأ قران توي فتحت القران وطبت سمر وحجت
سمر : اريد اتوضه فاتتني الصلاه من زمان
اسماء : ليش ترا قبل كم دقيقه يلا خلص الأذان بعد وكت
سمر : لا مو اني سنيه وقبلكم الأذان مالتنا