وكر الخيلع

15

بسم الله الرحمن الرحيم
سلام عليكم اتمنى يعجبكم البارت 🤍

**

واكفه اباوع عليه مصدومه شلون كدر يسوي هيج

شال تليفون من الارض وعرف الي شفته حجه وهوَ يباوعلي
الخيلع : بس خلي افهمج

اجه لزم ايدي وخرت بعصبيه وحجيت واني احس دم راح يطلع من عيوني
هازال : شتحجي ترا كلشي واضح
الخيلع : مو هيج موضوع انتِ مجاي تفهميني

صرخت وكسرت الي على ميز وحجيت
هازال : شفهم كلي شفهم جاي تكول انتَ تريد تعلگني بطفل حتى ابقى تحت رحمتك

الخيلع : اي صحيح وما انكر كلشي بس هسه غيرت رأيي جانت ساعه شيطان

هازال : لا ويحجي بكل فخر لك ليش تسوي هيج اني شنو ذنبي دمرتني الله يدمرك وتطلع حوبتي بعرضك

اجه بسرعه وحطه ايده على حلكي ودفعني على الحايط وعيونه جمر تطلع منها بسبب العصبيه

حجه وهوَ يضغط على حلكي ويحجي
الخيلع : اسكتي لا تحجين لا لا

عضيت ايده وخر ايده بسرعه وحجيت بضحك
هازال : وليش خايف ترا ربي مو اليوم ياخذ حقي ولا باجر تطلع وراك وتذكر كلامي

باوعلي معصب وطلع من الغرفه كعدت بالكاع ابجي ودايخه بالي صار

معقوله راح احمل لا يربي ماريد فزيت بسرعه وكمت رحت لمطبخ ادور فتحت جرارت لكيت ادويه بعلم اني اعرف انكليزي فه فهمت شفت ماكو حب مانع

دورت اي شي اشربه مو زين الحامل تشربه ولكيت أدوية علاج الصداع شربت هواي منهن

كعدت على كرسي دايخه والدنيا دور بيه بس جنت مافكر اهم شي ما احمل

شويه وراحت الدوخه كمت اشرب مي جبت كلاص ترسته مي جاي اشرب واجتني نفس الدوخه بس هل مره قويه طاح الكلاص من ايدي

وعيوني صارت تغوش واشوف الواحد اثنين
وكعت بالكاع على رجليه وحيلي راح واستفرغت وصرت اصرخ وكلامي بالكوه يطلع

وصحت بالخيلع لان الوحيد الي بالبيت بس ما اجاني رد شويه وحسيت اطرافي تخدرت

اشويه واجه الخيلع يركض بس شافني هيج اجه بسرعه ولزمني وحجه بخوف وقلق عليه
الخيلع : شبيج

حجيت واني بالكوه احجي
هازال : مدري ش.. شربت أدوية.. علاج الصداع
الخيلع : تكدرين تكومين كومي

اشرت الا ماكدر فهم عليه وشالني وطلعني من البيت صعدني بسيارته وصار يسوق لمستشفى وسياقته جانت سريعه بحيث خفت

حجيت
هازال : لا.. ت.. تسرع

ما رد تقريبا عشر دقائق وصلنا مستشفى طب بيه ويصيح على ممرضين وخبص مستشفى خبص