وكر الخيلع

38

بسم الله الرحمن الرحيم
اتمنى يعجبكم البارت 🤍

تكول هازال ..
ما جاي انام وكلبي تعبان
وزعلان أحس من كلشي زعلان
تطفه الشموع ودمعي سهران
وميت احس والليل دفان
يا كلبي ما الك نيه تهيد
تكلب بالرسايل تقره وتعيد
ابعيد ذاك الكلش بعيد
لا يوصل ولا يعتني يريد ،

**
كلشي الي كاله مافهمت حرف منه ولا اعرف منو هذا الباشا انتبه عليه اني واكفه على الباب وخنزرني انرعبت

رجع الخيلع علي بمكانه واجاني واني وكفت مثل

اصنام ماكدر أتحرك تقرب عليه خطوات وصار كبالي وحجه بجمود
الخيلع : شجنتي تسوين واكفه هنا ؟

سمر : م..ماكو شي جنت اريد اشوف علي نايم لو كعد
هز رأسه وماحجه شي حسيته ما مصدكني بس ماله خلك يحجي وياي راح مشى نزل جوا واني رحت الغرفه علاوي شفت كاعده بس مفتح عيونه وساكت يباوع على غرفه

عفت كلشي وركزت شلون يلعب بحلكه وأيديه جان يخبل طالع وعيونه الخضر تجول بالمكان وتستكشفه

قاطع تفكيري صوت صياح تبارك الي تصيح مثل المخبله

**

مرت فتره واني اسوي العقوبه وبحيث تعبت حيل كل هاي فتره وبالليل اون من ضهري لان يوجعني حيل

بس ياسمين حجت ويا شرطيه عليه وعلى ظروفي وعفتني عن العقوبه بس عافت انوار وزيدت عليها العقوبه لان رجعت تعارك ويا النسوان

وبيوم طبن شرطيات هجوم علينا وكل وحده لابسه كمامه وبيدها جفوف استغربت شنو سالفه بس عرفت منتشر مرض اسمه كورونا

صار خفقان بگلبي من سمعت هذا الكلام وتذكرت علاوي حبيبي خفت لا يصير بيه شي لان سمعت هذا المرض اسم الله يموت

صرت بكل صلاتي ادعي وهواي اقره ادعيه حتى ما يصيب علي بايه شي

ومرت هاي الأشهر بسلامه وبدون اي مشاكل وبقى شهر واطلع من السجن جنت فرحانه كلش هواي لان راح اطلع

وطول الأشهر أفكر شلون انتقم من الخيلع واندمه على كلشي الي مسويه اليه وأذاني بيه

واهم شي اخذ منه علي لان ممكن يسوي بيه شي لحتى يوصل اليه هذا سايكو كلش أتوقع منه وكلشي أتوقع من مريض نفسي

ياسمين بقت الها كم شهر وتطلع وبخصوص البنيه الي دخلت السجن الخرسه عرفت قصتها هيه كالتها اليه وانقهرت كلش من عرفت قصتها وشكد تأثرت بيها

كالتلي انو هيه عايشه حياه طبيعيه ومابيها شي بين أب وأمه ومثل كل ناس بس بيوم جانت تشتري من محل وخاطفها شخص معتدي عليها وشامرها بالشارع والبنيه من حركت گلبها من ذبها بالشارع كامت بكل حيلها وجانت اكو طابوكه وفشكتها براسه والولد طاح