နောက်တစ်နေ့တွင်စိမ့်သည် သော်တာချုပ်ပေးသော
ကချင်ဝမ်းဆက်အညိုလေးနှင့် စီနီယာအစ်မတစ်ယောက်၏မင်္ဂလာဆောင်တွင်ဝိုင်းကူပေးနေသည်။ထိုအချိန်တွင်ကျောင်းသားမိဘတစ်ဦးသည်စိမ့်ထိုင်နေသောအနားသို့ရောက်လာပြီး
"ဆရာမလေးစိမ့်"
စိမ့်သည်ခေါ်သံကြောင့်ကျောက်ကျောလှီးနေသည်ကိုရပ်၍နောက်သို့လှည့်ကြည့်ပြီးထူးလိုက်သည်။
"ဟုတ်ကဲ့ရှင့်။အော် ထူးကျော်အမေပဲ အန်တီလည်းလာတာလားရှင့်၊ထူးကျော်ရောပါလားအန်တီ"
"မပါပါဘူးကွယ်။အဲ့မျောက်လောင်းလေးပါရင်ကြာကြာနေလို့ရမှာမဟုတ်ဘူး"
ထိုအန်တီသည်စိမ့်လှီးထားသောကျောက်ကျောကိုခရင်းတစ်ခုဖြင့်ယူရင်းပြောလေသည်။စိမ့်သည်လည်းအပြုံးလေးဖြစ်
" ကလေးဆိုတာဒီလိုပါပဲအန်တီ ။ဒီအရွယ်မှာပဲ လွတ်လွတ်လပ်လပ်၊အပူအပင်ကင်းကင်းနဲ့ကစားနိုင်တာရယ်။နောက်ဆိုရင်ဒီလိုကစားနိုင်ဖို့မသေချာတော့ဘူးလေ"
ထိုအန်တီသည်ကျောက်ကျောကိုဝါးရင်ခေါင်းလေးတ
ညှိတ်ညှိတ်နှင့်စိမ့်ပြောသည်ကိုထောက်ခံရင်း
"အဲ့ဒါတော့အမှန်ပဲဆရာမလေးရေ၊ဒါနဲ့ဘယ်လိုလဲဆရာမလေးရဲ့ အခုလိုပဲတခြားသူရဲ့ပွဲတွေကိုပဲဝိုင်းကူနေတော့မှာလား ကိုယ်တိုင်ရောဘယ်တော့လဲဆရာမလေး"
စိမ့်သည်မျက်ခုံးတစ်ဖက်မသိမသာမြင့်တက်သွားပြီးစိတ်ထဲတွင်ထိုသို့ပြောလိုက်သည်။
'အန်တီ့အလုပ်လား'
သို့သော်စိမ့်၏နှုတ်မှအပြုံးလေးဖြင့်
"စောပါသေးတယ်အန်တီရယ် ဖြေးဖြေးပေါ့"
ထိုနောက် တခြားသူများနှင့်လည်းစကားစမြည်းပြောဆိုရင်မင်္ဂလာပွဲပြီးချိန်တွင်စိမ့်တစ်ယောက်အိမ်သို့မပြန်ဘဲသော်တာ၏အိမ်ရှိရာဘက်သို့ဦးတည်သွားလေသည်။သော်တာ့အိမ်ရှေ့ရောက်သောအခါစိမ့်သည်ထုံးစံအတိုင်း
"အမောင်ရေ အမောင်၊ငါလာတယ်။
ဟူး ရေလေးပါတစ်ခွက်လောက်ယူခဲ့ပေးနော်အမောင်"
ထိုသို့ပြောရင်းအိမ်အောက်ထဲသို့ဝင်လာသည်။
သော်တာသည်ထိုအချိန်၌အိမ်ပေါ်တွင်လက်ချုပ်လိုက်နေသည်ကိုရပ်၍ရေအိုးစင်မှရေကိုခပ်ကာစိမ့်၏ရှေ့သို့ယူလာပေးသည်။ထိုနောက်သော်တာကစိမ့်ကိုခေါင်းအစခြေအဆုံးတစ်ချက်ကြည့်လိုက်ပြီးနောက် လေသံပြေပြေလေးဖြင့်
YOU ARE READING
ကြိုးညို
Romanceမဆုံသင့်တဲ့ ရေစက်ဆိုတာ မောင်တို့ကိုပြောတာနေမယ် အညို.... ဒါပေမဲ့အဲ့ဒီဆုံစည်းမှုအတွက် မောင် နောင်တမရဘူး အညို..... ####### မဆုံသင့္တဲ့ ေရစက္ဆိုတာ ေမာင္တို႔ကိုေျပာတာေနမယ္ အညိဳ.... ဒါေပမဲ့အဲ့ဒီဆုံစည္းမႈအတြက္ ေမာင္ ေနာင္တမရဘူး အညိဳ.....
