ابو مازن: ذاكر ذاكر بس
انفجرو يضحكون الي بالصاله ونطقت ام مازن بأبتسامه: خلاص بسكم تضحكون على ولدي ، شد حيلك يا فارس هاذي آخر سنه لك بالثانوي ابغى تجيب افضل الدرجات
هز راسه فارس ونطق: ابشري امي
التفت ابو مازن على عياله ونطق: جهزو نفسكم بعد صلاة الضهر بنروح نصلي بالمسجد ونمر على الخياط يفصلكم ثياب
التفتت ام مازن على ابو مازن ونطقت: يا ابو مازن لا تلخبط وتنسى ، كل واحد ثوبين عشان العزيمه وعرس ليان وزيد لا تنسى
هز راسه ابو مازن وكملو ام مازن ورنا يجهزون الطلبيه الي بيطلبونها للعزيمه
_________________________
في العاصمة - تحديداً قصر ابو عبود
دخلت ام عبود على غرفة تسنيم وهي شايله بيدها صحن منوع بالفواكه واليد الثانيه عصير طازج ، حطتهم على طاولتها ونطقت: ها كيف الاستعداد لأختبار يوم الاربعاء ؟
نطقت تسنيم بملل: سالب زيرو
ام عبود: هاو لييه
تسنيم: مليت من المذاكره خلااص ابغى أجازه وابغى ارجع للمدينه
ام عبود: تونا ما بدينا ، بعدين حلو انتي تبدين الربوع وتخلصين الاثنين ، ريوف تبدا بكرا وما تخلص إلا الثلوث
تسنيم: بس برضو خلاص احسني انخنقت
ام عبود: كلي الحين الفواكه واشربي العصير وكملي مذاكرتك ، العصر نطلع أنا وانتي و ريوف نتمشى تغيرون جو ونرجع شرايك ؟
هزت راسها تسنيم بالموافقه ونطقت: حمسيني للمذاكره طيب ، مات شغفي
ام عبود: لازم ننعشه
ضحكت تسنيم وضحكت معاها ام عبود ونطقت: ايوا كذا من اول اضحكي ، ان شاء الله تخلص ريوف الثلاثاء وعلطول الليل نطلع الطياره ونرجع المدينه والأربعاء نروح الشاليه وتشوفين بنات خالاتك وتفلينها
ابتسمت تسنيم ونطقت: اشتقت لهم ( التفتت تسنيم على ام عبود وكملت تنطق ) بعدين انتي وخالاتي حاجزين شاليه ؟
ام عبود: خالتك ناديه مسويه عزيمه وعازمه خوالك وخالاتك وزوجها عازم اهله
تسنيم: أها ، ليه ؟
ام عبود: بس كذا عزيمه نستانس فيها بمناسبه الاجازه
تسنيم: اها ماشاءلله حلو
ام عبود: عموماً أنا شغلتك كملي مذاكره وبعد كم ساعه نطلع
هزت راسها تسنيم وخرجت ام عبود من عندها تقفل الباب
_______________________
بالمدينه - تحديداً قصر ابو حازم
دخلت جمان للصاله ونطقت: بابا
التفت ابو حازم عليها ونطق: هلا يا عين ابوك
ابتسمت جمان ونطقت: فيه حاجه مو فاهمتها بالرياضيات
ام حازم: اتصل على معلمتك اخليها تجيك يا ماما تشرح لك ؟
هزت راسها جمان بالرفض ونطقت: لا ما ابغى المعلمه ( التفتت على ابوها
وكملت تنطق ) ابغاك تشرح لي انت يا بابا
ابو حازم: والله يا جوجو يا قلب ابوك أنا ما درّست غير رابع وبعدها تقاعدت لكن جيبي أشوف الي منتي فاهمته وان شاء الله اعرفله
تقدمت جمان تمد الكتاب لأبوها الي اخذه يشوف الجزئيه ، رفع راسه ابو حازم ينطق: ماني عارفها يا حبيبة ابوك لكن شوفي عبدالعزيز يمكن يعرف يحلها
التفت عبدالعزيز على ابو حازم ونطق: أنا شدخلني حتى أنا معرف للرياضيات ولا أدانيه
التفت ابو حازم على جمان ونطق: طيب يا بنتي افتحي اليوتيوب وافهمي ولا امك تكلم المعلمه وتخليها تشرح لك
نطقت جمان وهي تتدلل: بابا أنا ما احب شرح اليوتيوب والمعلمه مليت منها ما ابغاها
ابو حازم: ليه ما تعرف تشرح ؟ نغير لك المعلمه
هزت راسها جمان بالرفض والتفت ابو حازم على عبدالعزيز ونطق بحده: ولد ، اختك ما تحب شرح اليوتيوب وتبغى احد يشرح لها ، اشرح لها ولا ادخل اليوتيوب وافهم واشرح لها
عدل جلسته عبدالعزيز ونطق: يالله يا ابوي ، طيب ابشر
ابتسمت بخفه جمان وتقدمت تمد الكتاب لعبدالعزيز الي فتح اليوتيوب يفهم
عبدالعزيز: تعالي اشرح لك يا جوجو
تقدمت جمان تجلس بجانب عبدالعزيز يشرح لها
نطق عمر بصوت شبه راخي: دلوعه ما يعجبها العجب
رفعت راسها جمان تطالع بعمر والتفتت على ابو حازم تنطق بدلع: باباا شوف عمر وش يقول
نطق ابو حازم بجده وصوت عالي: عمرر !
عمر: ها يا ابوي وش قلت
ابو حازم: ابد ما قلت شي أنا بجلدك على ها
تنهد عمر يطالع بجمان الي مبتسمه بنصر تطالع فيه
____________
في قصر ابو نايف
ام نايف: يلاا رزان على النوم
رزان: ماما بس شوي
هزت ام نايف راسها بالرفض ونطقت رزان: بس شوي شوي والله
ام نايف: ما فيه ، ايهم يلا
هز راسه ايهم وقام بيمشي بس استوقفته ام نايف الي نطقت: ايهم وين اخوك تيار ؟
ايهم: شدراني عنه
راح ايهم يطلع لغرفته ونطقت ام نايف: يا زين ايهم علطول إذا قلتله شي يسويه ، يلااا يا رزانن لا تحرقين أعصابي
نطقت ليان وهي تقفل جوالها: مامي
ام نايف: وش عندك ؟ وش تبغين ؟
ليان: يعني عرفتي علطول اني ابغى شي ، يمكن ابغى اقولك سالفه
ام نايف التفتت عليها ونطقت: من كلمة مامييي عرفت ان عندك شي
ضحكت رزان ونطقت ليان وهي مبتسمه: بطلع مع رنو اتمشى ، اوكيه ؟
هزت راسها ام نايف ونطقت: طيب بس لا تتأخرين
هزت راسها ليان ومشت تطلع لغرفتها تتجهز وتخرج مع رنا تتمشى
____________________________________
< تسريع بالزمن - يوم الأربعاء - تحديداً بالشاليه >
كانو العنود واديم يتمشون بالشاليه و يستكشفونه ، خرجت ام مازن للحوش ونطقت بصوت عالي: يا العنود واديم تعالو البسو فساتينكم غزل لبست باقي انتو
نطقو العنود واديم بصوت واحد: طيب جايين
دخلو داخل العنود واديم ونطقت اديم: ماما فستاني وين ؟
ام مازن: شوفو ليه غرفتين على اليمين هناك ، كل غرفه حطيت فيها فساتينكم روحو البسو فيها
هزو راسهم العنود واديم وراحو للغرفه يلبسون
ام مازن: اسوي لك تسريحه يا غزل ولا اخلي شعرك مفكوك ؟
رنا: احس يا ماما خلي شعرك مفكوك وحطي لها طوق يعني هي شعرها قصير ما يحتاج
هزت راسها ام مازن ونطقت: اي والله احسن ( التفتت ام مازن على غزل وكملت تنطق ) ها يا غزل تخلينه مفتوح افضل ؟
هزت راسها غزل وخرجو العنود واديم وهم لابسين فساتينهم يتجهزون
