هزت راسها العنود ونطقت: ايوا ، لانه قالي الصباح بيصحون ويفطرون ويشيلون اغراضهم وبيرجعون وعلى بال الطريق وكذا بيكون هو هنا الضهر غيره لا
تنهد ناصر وهو ينطق: ياربيه وش بنسوي هالحين
حرك شعره فارس وهو متنح ورجع لنفسه من سمع اتصال من جواله وجوال ناصر
التفتو لبعض ونطق فارس: مين الي متصل عليك ؟
ناصر: أنا متصل علي نايف و انت ؟
تنهد فارس وهو ينطق: فيصل خوي مازن
رنا: رد رد اكيد بيقول شي عن مازن
هز راسه فارس وهو يرد ويقوم من عندهم
رد ناصر على الاتصال وهو يسمع نايف ينطق: الو ناصر
ناصر: هلا والله نايف شكلك اشتقت لي
نايف: من انت عشان اشتاق لك ، المهم اتصلت عشان اقولك مازن جاكم او لا؟ لأنه امس قالي انه بيرجع من المزرعه اليوم الضهر بالضبط وبيتصل يطمني لكن للاسف الى الان ماتصل اشفيه هو تعبان ونايم ولا ايش فيه ؟
ناصر: كييف يعني حتى انت مازن قالك انه بيرجع الضهر ؟
نايف: ايوا قالي انه بيرجع الضهر ليش شفيه ؟
ناصر: والله انه الى الان مارجع مدري اشفيه بس يمكن جواله طفى وهو هناك يبغى يجلس زياده عجبه الوضع وكمان صاحب مازن فيصل اتصل على فارس والواضح ان الكلام الي قلته دوبي حقيقي
نطق نايف وهو متطمن: ايه زين الحمدلله ، اجل مع السلامه
قفل ناصر ورفع راسه يشوف فارس الي رجع وهو وجهه احمر على اصفر شاحب وباين عليه الحزن
رنا: يمه وجهك ما يبشر بالخير يا فارس
وقف فارس وهو يطالع فيهم ، كيف يقولهم الخبر السيء هاذا
نطق ناصر بخوف وقلق: هييهه شفييك ! تتعال اجلس علمنا شقالك فيصل
جلس فارس بجانبهم وهو يحك راسه بقهر وخوف وحزن كيف يقولهم ، ما يقوى ابداً
رنا: فارس لا تجنني ! قول خلصنا !
تنهد فارس وبدا يقولهم الي سمعه من من فيصل
~~~~~~~~~~~~~~~~~~~~
نرجع لماً اتصل فيصل على فارس
راح بعيد عنهم فارس وهو يرد على فيصل الي نطق: السلام عليكم فارس
فارس: وعليكم السلام
فيصل: كيفك وكيف أحوالك وأحوال اهلك
فارس: الحمدالله بخير وكلهم بخير انت كيفك وكيف اهلك ؟
فيصل: الحمدالله كلنا بخير ، مالك بالطويله أنا اتصلت اسئل عن مازن فيه شي ؟ اتصل عليه ما يرد جواله مغلق وارسله ما عنده أبراج ولا نت ، شفيه تعبان صار له شي ؟
فارس من سمعه ينطق بـ هالكلام حس بسكين تطعنه بداخل اعماق قلبه من الصدمه والغدر والخوف ، ورد عليه ينطق وهو مصدوم وخايف: كييف ؟؟ ، شتقول انتت !!
فيصل: فارس ليكون مازن صار له شي ؟ شفيك أنا قاعد اسئل عنه جاوبني
نطق فارس وصوته وجسده يرجف: ماشاءالله على اساسس أخويي مو معاككم يععني ! جاكم أخويي بخير وبصحته وعافيته والحين حتى ما تتدرون عنه شييي !! ( كمل ينطق بصراخ مو عالي مره ) اييششش سوييتتووو بأخوييي ..... استغفرالله خلتونييي اقول كلام ما ابغى اقوله
نطق فيصل وهو منصدم: اسامه ولد عمكم يقول انه امس جاكم الليل وكان مازن راجع عندكم وانه دايخ وتعبان !
زادت صدمه فارس وهو ينطق: شتقول انت ! اصلاً اخوي ما شفناه إلا امس على المغرب ومن بعدها هو عندكم !!
نطق فيصل وهو منصدم: يعني كيف مازن مخطوف ! بلا استهبال يا فارس مازن رجال كبير بطوله وعرضه كيف بينخطف تراه مو بزر !
فارس: انتو الي بلا استهبال مازن ما جاء إلا عندكم وين رميتوبه
أنهى كلامه فارس وهو يفصل المكالمه لأن لو تكلم اكثر من كذا بيودع
