نطقت العنود وهي تشهق ومغطية وجهها بثوب ابو مازن: صصحيتء منن نومءء..يء..وككانءء المكانءء كء..كله ضلمءء..ضلمهءءء.. وصصصءء..وصوءء..وصوتءء ء البرق يخوفني مرههء ( من قالت صوت البرق يخوفني مره وهي تنهار تبكي وتشاهق اكثر واكثر )
شد ابو مازن على العنود الي بحضنه وهو ينطق: خلاص يابنتي خلاص لا تخافين اهدي اهدي هذانا حن جنبك ومعاك مافيه شي يخوف وشوفي الفلاش شغال هنا وخلاص ارتاحي واهدي
بعد عدة دقائق حسو ابو مازن وفارس ان العنود هدت وصوت شهقاتها اختفى وبس بقى بكاءها الخفيف
نطق ابو مازن وهو يمسح على ضهر العنود: تبغين ترجعين تنامين يا العنود وترتاحين ؟
العنود: لا مابغى اخاف يرجع
ابو مازن: تخافين يرجع ايش يا بنتي ؟
خرج فارس من الغرفه من هدأت العنود وراح يرجع للصاله الي كان جالس فيها يسمع اغنيته المفضله فيها ويقرأ كتاب
العنود: اخاف يصير شي ويرجع المكان ضلام ويرجع يجي صوت الب ..
قطع عليها صوت البرق القوي الي استمر لست ثواني على نفس قوته صحت ام مازن وصحو البنات معاها وناصر من قوة الصوت
رجعت العنود تنهار وتشهق من جديد وهي مرعوبه ونطق ابو مازن بصوت عالي: يا فارس رح لغزل قاعده تبكي شوفها بسرعهه
فز فارس وهو ينطق بصوت عالي: سّم يبه
راح فارس يركض لغرفة غزل يدخلها ويضغط على زر النور بس ضرب راسه وهو ينطق: الكهرب طافي يا غبيي
شغل فارس فلاش جواله وهو يتقدم لغزل يشوفها تبكي وهي خايفه
حضنها فارس وهو ينطق: ليش البكاء يا غزل ليش
نطقت غزل بصراخ وهي تبكي مرعوبه: صوت البرق قوي خوفنيي
انهارت تبكي غزل وشد عليها فارس وهو يحب راسها
فارس: خلاص يا غزولي مافيه شي والله عادي يا حبيبتي ( كمل ينطق فارس بعد عدة ثواني ) شوفي الحين نستأذن من امي ونطلع بالحوش بالمطر ونفلها طيب ؟
مسحت دموعها غزل وهي توقف وتنطق: بس ماما ما توافق نطلع بالمطر
فارس: لا عادي توافق بس مو الحين بنطلع شوي لماً يخف المطر
غزل: بعدين يروح المطر وما نلحق
قام فارس يفتح ستاره غزل وهو ينطق: شوفي هاذا المطر قد ايش قوي ؟ ما يمدينا نطلع فيه عشان ما نمرض ، شوي بس لماً يخف المطر شوي علطول نطلع ، طيب غزولي ؟
هزت راسها غزل وتقدم يحضنها فارس وهو يمسك يدها
فارس: يلا الحين نطلع نشوف امي وخواتي
هزت راسها غزل وهي تنطق: يلا
طلعو فارس وغزل للصاله ، التفت فارس يشوف ناصر يطلع مع الدرج وبيده شموع
التفت ناصر يشوف فارس وبجانبه غزل الي واضح على وجهها البكاء تقدم ناصر يمد شمعه لفارس وشمعه لغزل وهو ينطق: يلا انزلو ترانا كلنا تحت
هز راسه فارس وهو ينطق: ابوي تحت ؟
هز راسه ناصر بالرفض وهو ينطق: لا ، لا هو ولا العنود لساعهم بالغرفه الحين بروح أعطيهم الشموع
خبط فارس على كتف ناصر وهو ينطق: يلا روح لهم اجل
هز راسه ناصر ونزلو فارس وغزل للصاله تحت وتوجه ناصر لغرفة العنود يدخلها
ابو مازن: عطيت امك وخواتك ؟
ناصر: ايه عطيتهم
ابو مازن: طيب ليه اشوف فيه ثلاث شموع هنا ؟
أشر ناصر بعيونه على العنود بمعنى عشان حالتها وهي الي تحتاج الشموع اكثر
ابو مازن: ايه زين حطها هنا على المكتب
حط ناصر الشموع على المكتب وهو يخرج من الغرفة
نطق ابو مازن وهو يمسح على شعر العنود: يا بنتي كيفك الحين هديتي ؟
( هزت راسها العنود بالإيجاب وكمل ينطق ) اذا فيك النوم يا بنتي نامي وانا هنا بكون جنبك ما بروح
نطقت العنود وهي ترجف: لا ما ابغى يا بابا ، مقدر ارجع انام
ابو مازن: اجل براحتك يا بنتي ، يلا الحين خلينا ننزل تحت لأن امك وخواتك وأخوانك كلهم تحت
هزت راسها العنود بالإيجاب وخرجت من الغرفة وهي محتضنه يد ابوها ونزلت معاه للصاله
رفعت عينها ام مازن تشوف ابو مازن وبجانبه العنود وواضح عليها الخوف والتعب
نطقت ام مازن بقلق واضح: بسم الله عليك يا العنود يا بنتي والله اني نسيت انك تخافين من البرق ، تعالي يا بنتي يا ماما جنبي
تقدمت العنود تجلس جنب ام مازن وهي حاطه راسها بحضنها
نطقت العنود بإبتسامة خفيفه تحاول تنسى الرعب الي عاشته: ماما سوي لنا مشروب النسكافه المعروف عندك
ناصر: ايه بالله يا امي سويه والله اني مشتهيه اليوم بس هالعنود الله يهديها تحب تتكلم قبلي
ضحكت العنود بخفه ونطقت ام مازن وهي مبتسمه: تبغون ؟ عادي والله اسوي لكم تبشرون
فارس: سويه يا امي ومعاه الكيك المعروف اوففف تكمل مع هالجو
ناصر: يالله يا فارس قلت الي بخاطري يمين الله ، امي سويه والله خورافي بيكون
تنهد ابو مازن وه ويستغفر وينطق: عيالك يا ام مازن يحبون يلطون من هالعيشه
ام مازن: وهم عيالي أنا بس ! عيالك انت بعد الي طالعين عليك يحبون الاكل والعيشه
ضحك ابو مازن وهو يشوف فارس وناصر الي انصفقو على وجيههم
ضحكت رنا وهي تنطق: امي بالله شوفي وجيه فارس وناصر ( ضحكت رنا وكملت تنطق ) مساكين انصدمو وعطيتوهم على وجههم انتي وابوي
ضحكت ام مازن وضحكو معاها رنا وابو مازن وابتسمت العنود تشوفهم كلهم يضحكون مع بعض ومستأنسين وكانت الجلسه ناقصها فقط مازن وتكمل ، دعت بقلبها ان الله يحفظ هالعائله الحنونه ويديمها ويجمعهم مع مازن بأقرب وقت
__________________________
عصر يوم الثلاثاء - في قصر ابو عبدالله
فتحت الباب الجود وهي تنطق: ريوفففف
رفعت راسها ريوف وهي تطالع بالجود وتنطق: نعم ! ما قلت لك مليون مره ناديني بهدوء ! وما قلت لك دقي الباب قبل لا تدخلين !!
زفرت الجود بملل وهي تنطق: اوفف ترا مو لازم !
قامت ريوف وهي تنطق بعصبيه: إلا لازم ! عندي خصوصيه انا ما تداهمني كل شوي كذا !
طالعت فيها الجود وهي تنطق: خلاص طيب طيب لا تعصبين
ريوف: ايه تسكتيني كذا والمره الي بعدها تسوين نفس الشي ، المهم اخلصي وش تبغين
الجود: ماما تقول الحين قومي البسي وتجهزي عشان بنروح لخاله ناديه بعد المغرب
ريوف: بنروح لخاله ناديه ؟ طيب
هزت راسها الجود وهي تنطق: ماما تقول بسرعه اجهزي الحين ، تقول عطول إذا اذن المغرب بتصلي وتلبس عبايتها وتتركم انتي و تسنيم
هزت راسها ريوف وطلعت الجود من الغرفة وقفلت الباب
حطت ريوف يدها على فكها وهي تنطق: دام اننا بنروح لخاله ناديه يعني لازم نعرف وش ورا رنا ليان ( سكتت ريوف عدة ثواني وكملت تنطق ) خل نشوف تسنيم اول
تقدمت ريوف تفتح الباب بتروح لغرفة تسنيم لكن وقفت مكانها من شافت تسنيم أمامها
ضحكو تسنيم وريوف بصوت عالي ونطقت تسنيم وهي تضحك: شكلك كنتي بتجيني
نطقت ريوف وهي تضحك: ايه بس حصلتك بوجهي
تسنيم: ايه جيتك ، المهم ادخلي بسرعه خل نتكلم وبعدها نجهز ترا ماما متوعده فينا إذا ما خلصنا بدري
ريوف: ايه ادري طيب بسرعه ادخلي خل نخلص
دخلت تسنيم الغرفة تجلس على الكنبه وقفلت الباب ريوف تجي وتجلس بجانبها
التفتت تسنيم على ريوف وهي تنطق: دامنا بنروح لخاله ناديه يعني اكيد خاله شريفه بتجي
هزت راسها ريوف وهي تنطق: ايه اكيد وعشان كذا بنمسك ليان ورنا ونشوف وش عندهم ( سكتت ريوف لعده ثواني تفكر وكملت تنطق) بس كيف ؟
زفرت تسنيم بتفكير وهي تنطق: والله حتى أنا مدري بس لازم نفكر ( هزت راسها ريوف وكملت تنطق تسنيم ) اسمعي الحين خلينا نلبس ونجهز ونفكر بنفس الوقت وبعدين
نروح للصاله ونفكر هناك
هزت راسها ريوف وهي تنطق: ايه احسن عشان علطول لو ماما نادتنا نمشي نكون احنا جاهزين
هزت راسها تسنيم وراحت تخرج من غرفة ريوف وتروح لغرفتها ، تجهزو وخلصو بعد عدة دقائق وراحو يجلسون بالصاله
تسنيم: أنا جتني فكره
ريوف: حتى أنا بعد خل نشوف فكرتك اول
تسنيم: شوفي ، هم يمكن عندهم سر او سالفه بين بعضهم عادي جداً ، ويمكن عندهم مصيبه ما ندري ، فا عشان كذا اليوم إذا رحنا ما نكلمهم ولا شي ، نصبر إلى ما نشوفهم يهمسون بين بعضهم الثنتين ويتكلمون ويجلسون لحالهم وبعدها عاد نتصرف أنا وانتي
هزت راسها ريوف: مرهه كويسه الفكره
تسنيم: وانتي وش فكرتك ؟
ريوف: معليك من فكرتي خلاص كنسلتها لانها مره مبالغ فيها
ضحكت تسنيم بخفه وهي تنطق: عاد انتي تحبين الدراما مره وتوصلين لمواضيع لاخر نقطه تفكير بعقلك
ضحكت ريوف وهي تنطق: شسوي احب الاحتياط
التفتو يسمعون الجود الي تصارخ وهي تنطق: يعني اخواتي يروحون معاك وانا لا ! ليششش انتي ما تحبيني والله ما تحبيني
ام عبود: يا ماما مين قالك اني ما احبك ، بس تسنيم وريوف لازم يكونون مع رنا واصلاً احنا ما راح نطول ، فتره المغرب إلى العشاء وبعدها نرجع
وقفو تسنيم وريوف يتقدمون لعندهم ونطقت الجود بصراخ: لااا ابغى اروح معاكم والله بروح معااااكمم
تقدمت ريوف لعند الجود تنطق بعصبيه: الجودددد ! عاد لا تصيرين قليله ادب قلنا لك محنا مطولين يعني محنا مطولين ما يحتاج تروحين معانا ! ان سمعت صوتك ذا قسم بالله أضربك
سكتت بخوف الجود تطالع فيها وهي تهز راسها بهدوء وضحكت ام عبود وضحكت معاها تسنيم وهي تنطق: تعرف كيف تهجدها
ضحكت ام عبود وهي تنطق: لا تفكرين بعديها لك يا ريوف ، بعدين نتفاهم على هالاسلوب مع الجود
ريوف: ماما ! عاد لا تستخدمين التربيه الحديثه ، نوعيه الاطفال هاذي ما يبغالهم غير العين الحمرا
ام عبود: ايه ايه العين الحمرا بس امشو خل نروح لخالتكم ونقضي
نطقت تسنيم بهمس لريوف: والله أعطتك احلا تزبيد
نطقت ريوف بنفس الهمس: يلا عوافي
خرجت ام عبود مع بناتها يركبون مع السواق ويتوجهون لقصر ابو مازن
__________________
العشاء - في قصر ابو مازن
نطقت ام مازن بصوت عالي: سرينا ، يا سريينا
تقدمت تجري سرينا وهي تنطق: نعم مدام
ام مازن: سوي القهوه وجهزي الت..
قاطعتها رنا الي قامت وهي تنطق: ما يحتاج يا ماما اروح اسويها أنا وليان
قامت ليان وهي تهز راسها وتنطق: ايه يا خالتي نروح نسويها أنا ورنا افضل
نطقت ام مازن وهي مستغربه: غريبه ؟ بس يلا إذا ودكم روحو سووها
رنا: الله يهديك يا ماما على اساس ما عمرنا جهزنا القهوه والتمر
ام نايف: ايه والله ما تجهزونها انتو إلا نادراً
ليان: ودنا نصير سنعات
ابتسمت الجده وهي تنطق: يا زينهم بنياتي السنعات
ابتسمو ليان ورنا وراحو للمطبخ يدخلونه ، التفتو تسنيم وريوف على بعض ونطقت ريوف بهمس: شايفه انتي كمان ولا بس أنا لحالي ؟
تسنيم: لا معليك حتى أنا شايفه ، رنا راحت للمطبخ وسحبت معاها ليان
ريوف: ايه ، وقبلها كانو يطالعون ببعض وكأن عندهم شي يبغون يقولونه لبعض
هزت راسها تسنيم وهي تنطق: يلا خل نروح لهم
نطقت ريوف بصدمه: الحين ؟
هزت راسها تسنيم وهي تنطق: إذا مو الحين متى ؟
قامت تسنيم وقامت معاها ريوف يمشون للمطبخ بهدوء بدون ما يطلعون اي صوت
وقفو تسنيم وريوف عند باب المطبخ يشوفون رنا وليان يتكلمون مع بعض
ليان: مهبوله انتي ؟ ترا تعبت وانا اقولك الموضوع صعب وما يمديهم يروحون يمسكونهم بدون دليل !
رنا: بس أنا تعبت ! تعبت أشوف اخ..
قاطعتها ريوف الي تنطق: اييه ؟
كملت تنطق تسنيم معاها: ما تبغون تقولون لنا وش الموضوع والدليل ؟
التفتو بهدوء رنا وليان على تسنيم وريوف بورطه وخوف انهم سمعو
ليان: نعم نعم خير تتسمعون علينا !
ريوف: ابداً لا تسمين هاذا تسمع ! طايحين بمصيبه والله العالم وش عندكم ومحد داري عنكم
ليان: طيب ؟ حتى ولو مره غلط انكم تتسمعون علينا ! يمكن فيه شي بيننا وسر
ريوف: تمام نعترف انه غلط ، بس ترانا ما تسمعنا برضو ، واوكيه فيه سر بينكم مع انه ما عمره كانت فيه اسرار تتغطى علينا كلنا ، لكن الي تسمينه سر ماهو سر ، هاذا ورطه ومصيبه
ليان: ومين قالك انه ورطه ومصيبه ! ياخي شفيك انتي تراك ازعجتينا محسستنا اننا بزران و نغلط وانتي أصغرنا !
تسنيم: ريوف مو قصدها كذا ! التوتر ذا كله ما عمره بيجي على سر قد كذا ، يعني توتر وهمس ونضرات وتجلسون لحالكم هاذا كله سر ! لا نلعب على بعض
ريوف: وأبداً ما تسمعنا وجينا بنكلمكم لكن هاذا الي سمعناه ، دليل وموضوع ومدي وش ، هاذا اكبر دليل يوضح انكم في مصيبه
ليان: ياخي خلاص واذا بمصيبه انتو وش عليكم ؟ خلاص ياخي انسو وسوو نفسكم ما سمعتو وروحو
ريوف: يا شيييخه ! تبغينا ننسى الي سمعناه وشفناه وكان شي لم يكن ! الحين تعلمونا بالمصيبه الي عندكم من الالف الي الياء
ليان: والله ! واذا ما علمناكم وش بيصير بالله ؟
تسنيم: هذا الي بيصير
خرجت تسنيم من المطبخ وخلفها ريوف يروحون للصاله
نطقت تسنيم بصوت عالي وهي متجهه لهم: خالاتي
التفتو كلهم عليها وخرجو من المطبخ يركضون رنا وليان يمسكون ريوف و تسنيم
سحبت ليان ريوف وتسنيم جنبها وهي تنطق بضحكه: ييي زعولات هالثنتين
ام مازن: انتو شفيكن ؟
نطقت ليان بأبتسامه: قالو يبغون يسوون التمر و القهوه وقلنا لهم أنا ورنا ما فيه شي من يدكم حلو وزعلو
ضحكت رنا تمشي الوضع مع ليان وهي تنطق: نمزح معاكم مافي شي تمسكونه بيدكم ما يكون حلو
هزت راسها ليان وهي تنطق: يلا خلونا نرجع للمطبخ
رفعو نضرهم رفيف وتسنيم على ليان ورنا ونطقت ريوف بهمس: ايه هاذا الي يخليكم تهجدون وتحكون وش مسوين
ابتسمت ليان وهي ترص على أسنانها وتنطق: همم يلا امشو
راحو يمشون البنات للمطبخ ويدخلونه ، التفتت ليان على تسنيم وريوف وهي تطالعهم بعصبيه
نطقت ريوف وهي تهز راسها: خير ، وشو تطالعين فينا كذا كاننا مسويين شي لكم
تسنيم: لا تحسبون كذا بنسكت وما بنعلمهم ! الي تقولنه لنا كذا ولا كذا ما بيتخبى والكل بيعرفه عاجلاً او اجلا
ليان: واذا ! تخلون خالاتي يشكون من الاساس لييش ! خلاص بنقولكم بس اهجدو وفكونا
رنا: والحين اطلعو برا المطبخ
ضحكت ريوف بخفه وهي تنطق: يختي ؟ بنطلع من المطبخ عشان تطلعون لكم تصريفه ثانيه تسكتونا فيها وينتهي الموضوع ! بتخلصون القهوه والتمر ونوديه عند خالاتي وبعدها علطول نطلع للمجلس فوق وتعلمونا بكل شي من طقطق لسلام عليكم
تسنيم: ايه وترا رزان وندى برضو بيسمعون كل شي معنا
زفرت بقهر ليان وهي تنطق: اوفف اوففف منكم الثنتين
بدو يجهزون ليان ورنا القهوه والتمر تحت انضار تسنيم وريوف الي ماسكين نفسهم وصبرهم
انتهو رنا و ليان من القهوه والتمر وراحو يخرجون من المطبخ ووراهم تسنيم وريوف للصاله
حطت الصينيه ليان واخذت تسنيم القهوه والفناجيل تقهوي خالاتها وجدتها
رنا: ندى ، رزان ( رفعو نضرهم ندى ورزن على رنا الي اشرت بعيونها على فوق وهي تكمل تنطق ) يلا
قامو البنات ونطقت ام عبود: منتو متقهوين معنا ؟
ليان: ايوا اساساً باقي ساعه ونمشي نبغى نجلس مع بعض
هزت راسها ام عبود تتفهمهم وراحو يطلعون البنات للمجلس الي بالدور الثاني
دخلو البنات المجلس وجلسو على الكنب جنب بعض
نطقت ريوف وهي تطالع بندى ورزان: رنا وليان مسوين مصيبه
طالعو رزان وندى بليان ورنا بصدمه وهم ينطقون بردود مختلفه: رنا وليان مسوين مصيبه ؟ ، وي وش مسوين
تسنيم: حضرتهم يتكلمون عن دليل ومدري ايش وما كانو يبغون يعلمونا ومحد يدري غيرهم ، لكننا مسكناهم والحين بيعلمونا بكلل شيي
تنهدت بقهر ليان وهي تبدأ تشرح لهم كل شي وانها ماسكه نفسها وماسكه رنا انهم يعلمون احد
بعد ما شرحت ليان كل شي لهم تحت صدمه البنات وقفت ريوف بعصبيه: وانتو ساكتينن من اول ما عرفتو ولا علمتو احددد !
رفعت نضرها رنا تطالع فيها وقلبها محروق ونطقت ليان: ايه ما بنعلم احد حالياً
ريوف: وليييه !! مجانييننن انتوو ! هاذا الشييي سبب من اسباب ان مازن يطلع ! وانتو باردييين وجالسين هنا بكل هدوء وما تعلمون احد !
قامت ليان وهي تنطق: ريوف حبيتي افهمي احن..
نطقت ريوف بصراخ: ما ابغغىىى افففهممم ! لأنن النقطه ذيي واضححهه وما ييبغاالها شرح ابددااااً !!
كانو البنات يطالعون فيهم وهم مصدومين من الي سمعوه والى الان ما استوعبو شي
نطقت ليان وهي تحاول تمسك اعصاب ريوف: ريوف اهدييي ، عصبيتك ذي ماهي نافعه احدد
مسكت راسها ريوف بعصبيه وهي تنطق: ياخييي وشووو الي ماهي نافعه احدددد !! سامعه وش تقولين انتي ! ( كملت تنطق وهي ماسك راسها وتطالع بالبنات ) ياخييي ليييه محددد فيييكممم راضييي يستتتوعببب !! ( سكتت ريوف تطالع بليان بعصبيه وكملت تنطق بتمالك اعصاب ) اجل عصبيتي هاذي ماهي نافعه احد ؟ صح ماهي نافعه احد لكن الموضوع الي تخبونه ذا نافع الكللل ، عشان كذا أنا ابغى مصلحه مازن ومصلحه الكل والي سبب هالمشكله والغلطه ذي يتحاسب
راحت ريوف تمشي تمسك قبضه الباب وتفتحه لكن لحقت عليها ليان الي أسرعت بخطواتها تمسكها
نطقت ريوف بصراخ: سيبيينييي
نطقت ليان بنفس درجه صوت ريوف: مانييي سايبتتكك عشان تستوعبي الموضوع وما تعلمييين خالاتييي !
نطقت ريوف بعصبيه وصراخ وهي تحاول تدفع ليان عنها: اقولللككك اتركيينييي أنا بعلم خالاتيي ييعنييي بعلمهم
نطقت ليان بصوت عالي: لااا قلتلللكك ما ف.. ( التفتت على البنات بعصبيه وهي تكمل تنطق ) بنااتتت تعالوو ساعدوني امسكوهاااا ، رنااا ليش تطالعين كذااا تعالييي امسكييي الخبله ذيي
قامت رنا تمسك ريوف و قامو البنات وراها يتقدمون يشوفونهم
نطقت ريوف بصوت عالي وعصبيه وهي تحاول تدفعهم عنها: اقوللكممم اتركونييي لا تحسسونييي انييي مجنونههه ! ياخييي ليششش كلكم هنا مجانيينننن محد مستوعب شي
نطقت رنا بغصه وهي خايفه: ريوف اهدي وافهمي كل شي ترا الموضوع كبير وماهو حق عصبيه ، افهمي الموضوع احنا ما نبغى نغلط اي غلطه تودينا بداهيه وتودي مازن بداهيه
زادت عصبيه ريوف من شافت ان حتى رنا ملعوب بعقلها وتفكر ان هاذا الشي كويس
دفعتهم ريوف بكامل قوتها وهي تفتح الباب وفزت توقف من الارض رنا بخوف انها تعلم امها وخالاتها وتصير غلطه تضيع مازن منهم إلى الابد
تقدمت رنا تمسك ريوف بعصبيه وهي تنطق بصوت عالي: ياخييي شدخلككك انتتييي ! تبغييينن تدمريينن حياتنااا ! مازن مختفيي فاهمه يعني ايش مختفييي ! ماهووو موجوددد مانعرف عنه شييي ! وهاذا الدليل بيبقى بييننااا ليش تروحييننن وتعلمينهممم ياخييي
دفعتها ريوف بقوه على الباب وهي تنطق بصراخ: انتتيي مجننوننهه ! لعببتتت بعقلك لييياننن لعبب ! خالاتتتيي إذا ما عرفوو وبلغو الشرطه ما بيطلع مازن يا متتخلفه ! ماهو وقت غباءك الحيين ابداً لا تصييرين عميه وما تسمعين شي عاددد !
كانو الخالات بالدور الاول يسمعون صراخهم وتوقعو انهم يلعبون او تحمسو لشي كالعاده لكن من طلعت ريوف من الغرفة وبدأت رنا تصارخ عليها استوعبو ان فيه شي صاير وعلطول ركضو يطلعون للدور الثاني
وصلو الخالات على ريوف الي كانت تصرخ وتقول " ماهو وقت غباءك الحين ابداً لا تصيرين عميه وما تسمعين شي عاد "
كانت بتتكلم ام عبود لكن قاطعها صوت ليان الي كانت تنطق بعدم معرفة بقرب خالاتها وامها: ريوففف !! مالكك دخللل تراك مانتي فاهمه شي وقاعده تزعجينا ! قسم بالله ان ما ..
نزلت دموعها رنا ونطقت بصوت عالي تقاطع ليان: ياخيي مالككك دخلل خلاصصصص ! مانتي اخت مازن انتي ! أنا راضيه وما قلت شي لكن انتيي لا تتدخلييين اكثر خلااصصص !
نطقت بصدمه ام مازن وهي تطالع فيهم: رنا ! يا بنات ! وش فيكم انتو وش صاير
التفتتو البنات والتفتت ليان تشوف خالاتها وامها وطالعت فيهم خوف من انهم يعرفون بشي
التفتت ريوف تطالع بأم مازن ورجعت تلفتت تطالع برنا وهي تكمل تنطق بصوت عالي: لاا لي دخل ! دامك عميه وما تشوفين شي ولا مستوعبه شي بتدخل وما بخلي الموضوع يمشي وكأن شي لم يكن
وما..
قربت شهد من ريوف الي كانت بتنطق اسم مازن ونطقت بصوت عالي تقاطعها وهي ترص على أسنانها: رييوففف خلاااصصص
التفتت عليها ريوف وهي تنطق بصوت عالي: وشوو خلاص انتي بعد وشوو ! منتي شايفه اختككك الي تعب..
قاطعتها شهد وهي تهمس بأذنها: أنا فاهمه الموضوع ومعاك بس خلينا نهدي الوضع وندخل الغرفة ونتفاهم معاهم زين واذا ما رضو كلنا نعلم خالاتي بالطيب بنعلمهم بالغصب بس انتي اهدي وخلي خالاتي يهدون
سكتت ريوف بعصبيه وهي تحاول تمسك أعصابها ونطقت ام مازن: انتو شبلاكن ! مسوين شي قولو وش مسوين ووش هالصراخ !
تقدمت ريوف تحضن رنا تسليك وهي تنطق بصوت عالي: أنا اسفه اني صارخت عليك ودفيتك
بعدت عنها ريوف وهزت راسها رنا ورجعت التفتت ريوف على ليان وهي تنطق: مدري شفيني عصبت فجأه بس والله مره اسفه يا ليان منك ومن رنا على صراخي عليكم واني دفيتكم
فهمت ليان ان ريوف ماهي ممشيه الوضع لكن تبغى تبعد الشكوك عن الخالات وتهدي الوضع
ابتسمت ليان بتسليك وهي تنطق: يلا عوافي عادي تصير تصير
دخلت المجلس ريوف تحاول تهدي من نفسها ونطقت شهد بصوت عالي: اسفين خالاتي وماما خوفناكم و وترناكم على الفاضي
ام حازم: يلا اجل دامكم هديتو خلنا ننزل
ام عبود: اي والله بس لعاد تكررون هالصراخ ذا
هزو رأسهم البنات ونطقت شهد: ابشرو
نزلو الخالات للدور الاول ودخلو البنات المجلس يكملون نقاشهم وهوشتهم ويطلعون بحل مناسب
رجعو الكل لبيوتهم وانتهى اليوم الي مر بهدوء على البعض ، و مر يوم الاربعاء بدون اي حدث يذكر
_______________________
عصر الخميس - في قصر ابو مازن
خرجت العنود من المطبخ وبيدها كوب شاهي ، مشت تتقدم لعند اهلها الي جالسين بالصاله تجلس معاهم ، ما تبغى امها تعصب عليها زياده ونفسيتها تتعب اكثر ، كانو كلهم ساكتين ولا يتكلمون ، يفكرون بمازن والضيقه تملأ صدورهم ، فاقدينه وفاقدين حسه وصوته بالقصر الكبير
رفعت راسها رنا تطالع بأبوها وهي تنطق وتكسر الصمت: بابا منتو رايحين اليوم ؟
هز راسه ابو مازن بالرفض وهو ينطق: رفضو الضباط نروح
تنهدت بضيق رنا وهي تنطق: طيب بابا ما حصلو لو دليل واحد الضباط او شي ؟
هز راسه ابو مازن بالرفض وهو يتنهد بضيق وينطق: لا والله يا بنتي ، بس الله كريم وبيجازينا بالأفضل على صبرنا
نطقت العنود بغصه ما تبينها: ما ابغى شي أنا بس ابغى مازن يرجع
تنهدت بضيق ام مازن وهي تطالع بالارض وتنطق: اي والله ما نبغى شي غير مازن
ابو مازن: تصبرو تصبرو وخل نحتسب الاجر على صبرنا
قامت العنود من انهت كوبها تمشي لكن استوقفها ابو مازن الي نطق: بالله يا العنود سوي لي شاهي ، مشتهي شاهي من يدينك
ابتسمت العنود تطالع في ابو مازن وهي تنطق: ابشرر من عيونيي
ام مازن: وسوي لي يا بنتي أنا بعد
التفتت العنود على امها وهي تنطق: ابشرو ، بسويه بكل حب
ابتسمو ام مازن وابو مازن ونطق فارس: العنود شرايك تسوي لي أنا بعد
نطقو ناصر واديم بصوت واحد: وانا بعد سوي لي
ضحكت رنا وهي تنطق: وانا كمان ، سوي برادي شاهي لنا كلنا الله يسعدك
العنود: هيهه ما صار شاهي ، مالي دخل سوو لأنفسكم أنا بسوي لماما وبابا بس
فارس: افا يا العنود ، وانا تجيني تقولين لي ابغى كتاب من كتبك واعطيك وكل ما تبغين كتب اشتريت لك
تنهدت العنود وهي تطالع بفارس وتنطق: طيب بسوي لك
اديم: تكفين العنود احسبيني بالشاهي
ام مازن: احسبيهم كلهم يا بنتي هالمره عشاني
تنهدت العنود تطالع فيهم وتنطق: بحسبكم كلكم هالمره عشان ماما بس اما المره الجايه مافي
ناصر: عادي المره الجايه ابوي يتوسط ( التفت ناصر على ابوه وهو يكمل ينطق ) صح يا ابوي ؟
رفع راسه ابو مازن من الجوال وهو يلتفت يطالع بناصر وينطق: ايه ايه خير ان شاء الله
رجع ابو مازن على الجوال يكمل شغله وانفجرو يضحكون الكل على ناصر
فارس: والله يا انه زبد لك
ناصر: عوافي مقبول التزبيد والتسليك من ابوي
ضحكو الكل وابتسمت العنود تروح للمطبخ تسوي لهم شاهي وتجيبه لهم تحت دعوات ام مازن لها
طلعت العنود لغرفتها تدخلها وتدعي لأهلها ولمازن ، انتهت من دعاءها وتنهدت تلفتت يمينها على السرير تشوف جوالها ، سكتت تطالع بالجوال لعدة ثواني تفكر ، تتذكر يوم الأحد وكيف كانت تصارخ على ايهم ومعصبه عليه وتطرده من غرفتها
العنود: اوف يالله ليش سويت كذا أنا ( مسكت راسها تتنهد وكملت تنطق ) لازم اعتذر منه
سكتت تكمل تفكر وتتذكر نضراته لها بوسط اهلها ، كأنها كانت نضرات زعل وندم بأنه حاول يواسيها ويكون جنبها
مسكت راسها بقهر وهي تنطق: اوففف والله اني حقيره كيف سويت كذا ( زفرت بقهر وهي تكمل تنطق ) بس والله المفروض ما يلومني أنا امر بفتره سيئه وطبيعي تطلع مني هالاشياء ( سكتت لعدة ثواني تفكر وكملت تنطق ) بس انتي تراك اوڤر مره يعني هو الحين وش ذنبه ! كان بيواسيك ويوقف جنبك ترا ! ( زفرت بتعب من ازعاج عقلها وهي تقوم من سريرها وتكمل تنطق ) خلاص يا العنود اهدي وركزي ما يحتاج الشوشره ذي كلها ، الحين الي عليك تسوينه انك ترسلين لأيهم تعتذرين له والسلام عليكم تمام ؟ تمام
التفتت تمشي وتجلس على سريرها وتاخذ جوالها ، دخلت تطبيق من تطبيقات التواصل وضغطت على اسم ايهم تكتب ، كانت تكتب وتمسح
تحاول تكتب رساله اعتذار لكن كبرياءها يمنعها
وقفت وهي تتنهد وتكتب بسرعه وبدون تهرب ، انتهت من كتابه الرساله و ارسلتها بتوتر وهي تقفل جوالها بسرعه وترميه بعيد عنها و جلست بهدوء تنتظر رد ايهم
____________
في قصر ابو نايف
مشى ايهم يتوجه لغرفة اللعب الخاصه فيه هو وتيار لكن استوقفه صوت اشعار من جواله
نزل نضره على جواله يشوف رساله من العنود كان محتواها " السلام عليكم ايهم ، إذا كنت فاضي اقدر اتصل عليك ؟ "
فتحها وكان بيرد بـ " ايه فاضي " لكن مسحها علطول وهو يرفع راسه يتذكر يوم الاحد ، زعله وقهره عليها إلى الان بقلبه وكانت خطته بذاك اليوم بأنه ما بيطول بزعله عليها وبيتعد عنها فتره بسيطه جداً بدون ما يجرحها من قهره عليها وبعدها بيرجع علاقته معاها زي قبل ، لكن تغير كل شي من لماً عادت علاقته مع تيار او بالأصح من تسامحو ، بيتخلى عن كل شي يحبه عشان اخوه لو على حساب نفسه ، تيار توأمه وروحه وقلبه واخيراً تسامح معاه ما بيتقبل اي شي يخرب بينه وبين اخوه الي من سنين وهم مفترقين وبينهم خصام بشكل متكرر
نزل راسه يكتب بهدوء " الان ماني فاضي لك ، لا فضيت أشوف "
يحس بوجع بقلبه وحاس او متوقع او حتى متأكد انه قسى عليه برسالته لكنه يحاول يغير أسلوبه معاها ويمهد لها كل شي بهدوء
رفع راسه يتنهد بضيقه وراح يمشي لغرفة اللعب ويدخلها
التفت عليه تيار وهو ينطق: بالله عليك ؟ توك تشرف ، كم لي وانا انتضرك هنا يا الكلب
ايهم: هد هد لا تغلط ، والله معليش نسيتك شوي بعدين تذكرت
تيار: اجل انتضر هنا بخلص ذا القيم وبعديين العب معك
ايهم: يا شيخخ ! اقول غير العب شي ثاني ذا طوييل ما بتخلص منه بسهوله
تيار: ما أنا اختارته عشانه طويل ابغاك تذوق اللطعه الي لطعتني ياها هنا
ايهم: هيه حستتني انك بالسياره تنتظر ترا كلها ربع ساعه وعشان لعب
ضحك تيار وهو يمسك يد البلاستيشن ويلعب وجلس على الكنب ايهم ينتظره ينتهي من لعبه
_________________________
نرجع لقصر ابو مازن - بغرفة العنود
رفعت نضرها على جوالها الي على المكتب اهتزّ دليل على صوت اشعار وصلها ، قامت بتوتر وهي تمسك يدها ببعض وتشوف جوالها على المكتب
مسكت جوالها تشوف رسالته ونطقت وهي تعقد حواجبها وتشعر بألم بقلبها: ماني فاضي لك ؟
تحس بضيقه كبيره وبتغير أسلوبه ، تساؤلات وتساؤلات " من متى يقول أنا ماني فاضي الحين ومشغول ؟ " ، شي عادي ويحصل لكن ما عمرها سمعت منه هالشي ودايم يقولها حتى لو كنت مشغوله بفضى عشانك
تحس بقهر وبلذعه وألم بقلبها وخايفه يغير أسلوبه وما يبقى معاها وبجانبها
فنحت رسالته ما ترد عليه وهي متضايقه وفيها الغصه ، تشعر انها ندمانه انها كلمته وبادرت وودها تكنسل كل شي وتنام وتصحى ولا يصير شي
تنهدت بضيق تقفل جوالها من سمعت ارتفاع اصوات المساجد تعلن دخول صلاة المغرب وتقوم تدخل دورة المياه ( يكرم القارئ ) تتوضى وتخرج وتصلي ، سلمت تنتهي من صلاتها وهي تشوف جوالها مافي اي اشعار منه ، تنهدت ترفع سجادتها وشرشف صلاتها وتوضعها بمكانها وتجلس على مكتبها وتنغمس بكتابتها ، تكتب وتكتب وما تسمع اي صوت حولها غير صوت افكارها وهواجيسها وكتابتها فقط ، سقطت دمعتها تقرأ سطر من كتاباتها " اشعر بنبره صوته وبنظرته من تلك الليلة الاختلاف ، ومن اليوم اشعر بأختلافه المفاجئ من رساله فقط ! إلا يا ترا لن أراه كما قبل ؟ " سكتت بخوف تنزل دموعها وتحط يدها
على فمها ، شعور محد يفهمه إلا الي أحباهم تغيرو عليهم ، هاذا مو اي تغير ، هاذا الحنون لا قسى ، وآه آه يا عذاب القلب لا قسى الحنون عليه
غمضت عيونها تبكي بخوف وتعب وتغطي وجهها وتشهق بهدوء وتنطق: إلا انت يا ايهم لا تتغير ، إلا انتتت !
شهقت بقوه وهي تحاول تهدي نفسها من سمعت صوت إشعارات جوالها
مسكت قلبها وهي تمسح دموعها بهدوء وتاخذ جوالها تشوف رسايله بأنه فضى وبيكلمها ، ودها تكابر وعشان نفسها تقوله " حتى أنا مو فاضيه لك " بس سكتت تكتب له " تمام دق "
اخذت نفس طويل وهي تسمع صوت جوالها يدق ، رفعت نضرها وهي تكبس على رد الاتصال وترد وهي تحط جوالها على أذنها وتنطق: الو
ايهم: هلا ، ايه وش كنتي تبغين مني ؟
شدت على يدها تشوف انه مو هو ايهم الي تعرفه والي كان يهلي ويرحب فيها
نطقت بغصه تحاول تخفيها: لا بس قلت خل نسولف مع بعض وكذا
هز راسه ايهم يدّعي انها تشوفه وهو ينطق: اها ، طيب
سكتت العنود تشوف الصمت الي بينهم ونطقت تكسر الصمت: ماشاءالله شفت ان علاقتك انت وتيار صارت كويسه
هز راسه ايهم وهو ينطق: ايه الحمدالله
سكتت العنود تشوف ردوده الي يختصرها وتحس بعدم رغبته بالمحادثه معاها
العنود: شفيك ساكت ما تسولف ؟
سكت ايهم يحس قلبه يأكله من طريقه كلامه معاها لكنه يحاول يخليها تعتاد عليه بهدوء بدون ما يجرح قلبها ، بدأ يسولف ايهم معاها بهدوء بدون ما يحاول يجرحها اكثر بسكوته ، يحاول يمهد لها الوضع لكن بدون ما يجرحها لكن ما يدري انه جرحها ومستمر بالمكالمة يجرحها بدون ما يدري بجرحه لها ، كان يسولف معاها بدون ما يتعدا حدوده الي حطها بينهم وبدون ما يغير أسلوبه المزعج بالنسبه لها معاها
نطق بعد مدة من السوالف بهدوء: العنود
فزت العنود وهي تنطق: هلا ؟
ايهم: بتكلم معاك بشي وانا ماعرف كيف ببدأ اتكلم معاك بهاذا الموضوع لكن لازم اني اتكلم معاك بهاذا الموضوع وابغاك تفهميني لأننا ما عادنا زي قبل
عقدت حواجبها العنود بخوف من كلامه ونطقت: شفيه ؟ ، ايهم صاير شي ؟
ايهم: لا ما صار شي ، بس احنا كبرنا واكيد ما بنبقى طول العمر مع بعض ! عشان كذا أنا ابغى اقولك اننا خلاص ننهي طفولتنا مع بعض وبقاءنا الدايم مع بعض إلى هنا ، كان كل شي حلو معاك وطعم الحياه معاك غير غيير ، لكن كبرنا وما عادنا قبل اطفال وصغار ، بنفترق وكل شي بينتهي لكن الذكريات الي بيننا كثيييره ، كثيره وما راح تنتهي اكيد ولا بتنمسح ، لكن بينمسح كل شي ، ابغاك تحذفيني من كل التطبيقات وانا بعد بحذفك من كل التطبيقات ، بتتغطين عني وهاذي بتكون آخر مكالمه لنا مع بعض ان شاء الله من غير شر ، ومع السلامه يا من كنتي حلم العمر
قفل المكالمه ايهم وانهارت العنود تطيح على الارض تبكي ، تمسك راسها وتهزه بالرفض متألمه ، مقهوره ومحروق قلبها انه قطع علاقته معاها ومحروققه
انفتح الباب بقوه ودخلت اديم الي كانت بغرفتها وسمعت بكاء
العنود ، دخلت اديم تقفل الباب بالمفتاح وتتقدم تجلس بجانبها وهي تنطق بخوف: العنود بسم الله شفيك
هزت راسها العنود بالرفض وهي تبكي وتنطق: لاا لااا ما ينتهي كل شي كذا مو كذااا اخخ
تنهدت تنهيده طويله مليئه بضيييقه وتبكي وهي محروقه
وعقدت حواجبها اديم والدموع تتجمع بعيونها وتنطق: العنوددد تكفين لا تخوفيني عليك قوليلي وش الي انتهى
العنود: اخخ انتهتتتت علاقتنا أنا وأيهم يا اديم انتهت
سكتت اديم تطالع فيها وهي دموعها تتساقط وتعرف
بحبهم لبعض ، مسكت راسها ما تعرف كيف تواسيها وحتى هي مقهوره وتبكي حزينه على اختها
تقدمت تحضنها وهي تبكي ، كلهم بيكون مع بعض ومحروق قلبهم لكن حرقة قلب العنود كانت اقوى بكثييير
بعد مدة من البكاء ابتعدت اديم وهي تنطق: بسم الله عليك يا العنود خلاص تكفيين تعبتي نفسك وأرهقتي نفسك بالبكاء تكفيين خلاص
هزت راسها العنود بالرفض وهي تنطق: خلاص لو اموت ما فرقت معي ، أنا انسانه ثانيه من الحين ، ايهم راح يعني العنود راحتتت
سقطت دموع اديم وهي تشوف كيف اختها محروقه وموجوعه وتبكي من قلبها دليل على انها تحبه ولا تنوي البعاد عنه
حطت يدها اديم على كتف العنود وهي تنطق: العنود تكفين خلاص لا تبكين كذا وتحرقين قلبي
هزت راسها العنود بالرفض وهي تنطق: اههخ يا اديييم اخخ خلااص راح راحح معاد لي جلسه معاه خلااص اخ
اديم: وانتي مين قالك ؟ ان شاء الله بالمستقبل تتزوجون ! ماهو قالك لماً كلنا كنا صغار وقدامنا وقدام اخته الكبيره انه إذا كبر بيتزوجك ؟
هزت راسها العنود وهي تبكي وتنطق: ايوا كان له نيه كذا ، بس الحين لا ، اديممم من متتى هو ما يبغاني ! اخ لو تشوفين أسلوبه معاي يا ادييم اههخ قلبي محروققق والله محروقق
بكت اديم وهي تمسح على كتف العنود وتنطق: خلاص العنود خلاص تكفييينن
هزت راسها بالرفض العنود وهي تبكي منهاره والتفتت تحضن اديم واديم تبادلها الحضن وهم كلهم يبكون ، تبكي العنود على حالتها وحرقة قلبها ومن فراق وانتهاء علاقه كانت تصبّرها على مر الحياه ، لكن العلاقه انتهت ومعاد لها طاقه تكمل بالحياه ، واديم تبكي على حالة العنود وهي قلبها يوجعها على حالتها ولا تبغى العنود تزعل وتنقهر هالكثر ، تعرف بحبها لأيهم لو انها ما كانت تفصح بمشاعرها لكن كانت تعرف وتعرف ان ايهم يبادلها نفس الشعور ، بس ما توقعت ان العنود بيكون بقلبها هالمشاعر القويه من الحب اتجاهه ! ، ولا تعرف كيف بتتخطاه العنود لكن تتمنى ان الايام تمشي بسرعه ويجي اليوم الي تنسى فيه العنود ايهم
•
•
( ما احلل الي يقرئون بدون لايك )
