تنهد ايهم بضيقه وهو ينطق: مقهور من العنود وبنفس الوقت ودي اروح وافتح لها قلبي واخليها تفضفض لان حالتها اليوم مره اثرت فيني
فز تيار برعب على العنود وهو ينطق: ليه وش صار بينك وبينها من كلام ؟ وكيف كان شكلها علمني لاني ما قدرت أشوفها اليوم ( نزل راسه وهو يكمل ينطق ) ولا اقدر اشوفها اصلاً
ايهم: يخوي مالك دخل فيها خلاص فكني شرك وأبعد عني وعن العنود ! ترا مالي خلق لك !
انفجر ايهم بقهر وهو ينطق: ياخيي شفييه الكل مو طايقني اليوم ! وهو اصلاً نفس الحاله كل يوم ، قوليي انتت على الاقل وش صار للعنود !
ترا انتت الكل ييحبك الا انا ! محد يحبني ولا احد ييطييقني مغير جالس وحيد ولحالي ، انت الكل يحبك ويجلس معك والعنود تجلس معك وتحبك وانت تحبها و انا كالعادة زي الكلب الطرف الثالث بكل علاقة كفايهه ياخيي على الاقل انتت حبني ! انت حبني واجلس معيي لا تخليينييي كذا وحيد ترا والله شي يغبن ويألم يا ايهم ! انا والله اني اتمنى انك ما تحس او تعيش ذا الشعور على الاقل انت حبني ياخي !! أنا توأمك ! توأمك ليه تسوي فيني كذا وتأذيني وما تحبني ! لو الكل يبقى ضدي انت ابقى جنبي ! حتى اخواتي ونايف مايحبوني اول من انولدت وانا ماعشت شعور اني محبوب زيك ، اوفف تعبتت ترا خلاص والله خلاص تتعببتت ارحموني والله بيجينيي اكتئاب ترا افهمو انا ابغى احد يحبني ويجلس معي ! اهخ ، انت اوقف معي لو شوي ! شوي بس خليني استمدّ طاقه ترا خلااااص أنا انتهييت
كان تيار طبعه كتوم لكنه انفجر وما قدر يتمالك نفسه ، من انفجر وهو دموعه تتساقط حبه حبه ، وانهار من نطق " خلاااص أنا انتهيت " لأنه نطقها وهو ما عنده حيله ولا طاقه وانتهى تماماً
انصدم ايهم من انفجاره المفاجئ الي ما كان يتوقعه ولا واحد بالميه بينما ايهم الي اول مره في حياته يبكي بسبب كتمانه القوي الي ما يخليه يبكي وهو الي مخليه يمسك نفسه بكل مره الكل يوقف ضده لكنه انتهى ممكن عند اتفه شي بسبب كتمانه القوي عند توأم روحه الي ينهزم جنبه بسبب ترابط الروح بينهم
نزل تيار رايح للحديقه لأنه ولأول مره يبكي بعد كتمان طوييل والأكيد بينهار وبيطلع جميع التراكمات الي كتمها بداخله ، وهو مايحب ولا يبغى يبين ضعفه او دموعه او انكساره لأي احد حتى لو كان اقرب الناس له
علطول ايهم قام ورا تيار يلحقه لأنه حس بشعور توأمه ولا يقدر يبعد عنه ويصد اكثر من كذا و لأنه كان العائق بينهم أسلوب تيار ، كان أسلوبه عائق كبير بينهم وسبب يخليه يصد عن توأم روحه لكن من بعد انفجار تيار فهم واستوعب ان أسلوب تيار بسبب انقلابهم كلهم ضده
كان تيار في الحديقه و كانت دموعه تنزل بغزاره ، كان بوسط الحديقه ماسك راسه ويبكي منهار وتعبان ومتضايق لأبعد درجه ، يبكي بدون صوت وفجأه يشاهق وفجأه يصمت ويبكي ، عدة ثواني وما يحس إلا بأيهم الي يجلس بجانبه ويحضنه بأقوى ما عنده ويشد عليه ، انصدم تيار من ايهم الي حضنه
< وكان هاذا الحضن الأول للتوأم ايهم وتيار >
ماصدق تيار بأن واخيراً شخص يستقبله ويتقبله ويحضنه ، وهذا الشخص مو زي اي شخص ! هذا اخوه وتوأم روحه ونسخه من روحه الي انولد معاه بنفس اليوم وبنفس الساعه بس بمختلف الدقائق
انهار تيار يبكي بشده من بعد ما حضنه ايهم ، حاوطه تيار يحضنه وايهم يشد عليه وهو محروق انه كان ساحب على اخوه ومدمر نفسيته
كان هالبكاء الطوييل قاعد يطلع كل تراكم وكتم السنين الي فاتت
نطق تيار وهو يبكي ويشاهق: اخ تعبتت يا ايهمم تعبتتت
انهار يبكي تيار اكثر وهو يطلع كل الحزن الي بداخله والكتمان الي كان قوي على قلبه ولا قدر يتحمله اكثر
كان ايهم يتقطع قلبه على كل كلمة يقولها تيار ويتذكر كيف كان يجمع العيال معاه وحتى اصيل وزايد من يجلسون مع تيار يجي ايهم ويسحبهم عشان يبقى تيار وحيد ويعرف كيف يعدل أسلوبه لكن ما كان يدري انه بيدمر نفسيه اخوه
كان يتذكر كل لحضة وكل شي يسويه لتيار ، بكى ايهم مع تيار لكم بصمت عشان ما يزيد اخوه الي كان منهار
