__________________________
في قصر ابو نايف - تحديداً غرفة ايهم
قفل من المكالمه وهو يمسك شعره ويشده بقهر وحرقه وضياع ، ضياع ما بين روحه او قلبه ، اصعب شي الاختيار بين توأم الروح او الحب ، لكنه اختار توأمه على العنود ، رغم انه يحبها حب صادق وحقيقي ، لكن اختار اخوه ، ما يدري كيف اختاره وبدون حتى ما يفكر حطه فوق كل شي وضغط على نفسه وقلبه عشان توأمه ، من ذاك اليوم وهو ما يشوف في الحياه هاذي غير اخوه ، وما يبغى يخسره اكثر من كذا ، كفايه راحت ١٧ سنه وهو وأخوه أعداء ، توأم واعداء ! الشعور صعب ، صعب البعد عن توأم الروح ، والبعد عن الحب بنفس الصعوبه ، ضاع بين الاثنين لكن اختار اخوه ، لان الحب احياناً يتعوض ، لكن توأم روحك واخوك ما يتعوض مهماً كان ، ما بيجي اخ ثاني لك ، لكن الحب ممكن يجي ، حتى لو مو نفس الشخص الي عشقته ، لكنه يتعوض احياناً
قام وهو يتنهد بتعب ويحط يده على قلبه ويحس بدقات قلبه القويه ، يحس قلبه بيطلع من مكانه من كثر الألم ، ألم انه قسى عليها بأسلوبه ووضح من صوتها انها تألمت منه ، وألم انه بعد عنها وطلب الفراق بنفسه ، ما يدري كيف بيتحمل مر البعد والفراق او كيف بيعيش بدونها ، ١٧ سنه ! ، ١٧ سنه عاشها بدون ما يفارقها ، تفرقهم فقط البيوت والمدارس ، ما يفرقهم شي ، كل يوم وهم يتكلمون مع بعض وما افترقو ، كالتوأم ، لكن توأم الحب ، يعيشون مشاعر الحب ويبادلونها ببعض ، يتذكر كل ذكرياتهم الحلوه والمره وهو مبتسم ، حاط يده على قلبه وهو سعيد من الحب والمشاعر الحلوه ، ولكن ! لوهله استوعب ان هاذا كله ماضي ، معاد بيشوفها حتى ولو بالمستقبل ! ، وعدها بيكونون لبعض من كانو صغار ، لكن الحين كل شي تغير ، ما بيشوفها او بيرجع يعيش معاها اجمل اللحضات ، طاح على الارض يستوعب انه خلاص معاد فيه شي اسمه ! العنود
مسك راسه وهو مقهور ودموعه تتساقط ، متألم من شعور البعد عن شخص يهواه ، ايش اصعب من البعد عن الحب في الحياه والفراق ؟ مؤلم ان تبتعد عن شخص رغم عنك ، لكن هو اختار اخوه على حبه ، ولا له كلام ابداً دامه اختار وانتهى
قام وهو يمسك راسه وينطق: ايهممم ! خلاصصص استوعب على نفسك ! انت اختارت حب اخوك يعني خلاصص ! أنساها انساهااا واسكت
تنهد بضيقه وهو يبلع ريقه ويدخل دورة المياه ( يكرم القارئ ) ويغسل وجهه
ويده ويخرج ، نشف يده ووجهه وهو ياخذ قارورة المويا ويشربها دفعه وحده يبلع فيها غصته
زفر بقوه وهو يخرج من غرفته ويتظاهر وكأن شي لم يكن ، ابتسم من شاف تيار يخرج من المطبخ ، حك راسه يخفي ابتسامته علطول من انتبه له تيار
تقدم تيار له وهو يصغر عيونه وينطق: احس وراك شي من حكة الرأس
ايهم: ياهوه ترا توها علاقتنا رجعت كيف تعرفني كذا علطول !
تيار: معليه من قبل لا ترجع علاقتنا وانا عارفك بعدين ترانا توأم اكيد بنفهم بعض !
ايهم هز راسه وهو ينطق: ايه نسيت اننا توأم ، المهم تعال خل ننزل الحديقه فيه شي بقوله لك
هز راسه تيار وهو يمشي معاه وينطق: ايه عارف أنا ان عندك شي
ابتسم ايهم بخفه وهو ينزل معاه للحديقه ، جلس تيار على الكنب وجلس ايهم بجانبه على الكنبه الثانيه
هز راسه تيار وهو ينطق: ايه ؟
تنحنح ايهم وهو ينطق: كلمت العنود قبل شوي
فز تيار وهو ينطق: وش صار ؟
سكت ايهم يشوف فزة تيار دليل انه يحبها ونطق: قسيت عليها بالبدايه واجد ، واجد قسيت عليها ، لان كنت احاول امهد لها عشان لو قلتلها ان خلاص نبعد عن بعض ما تنصدم ( هز راسه تيار وهو يطالع تحت بتفهم وكمل ينطق ايهم ) وعاد قلت لها ان نبعد عن بعض ومن الكلام ذا وعلطول قفلت المكالمه
نطق تيار بصدمه: بدون ما تسمع منها ايش تقول او ردها ؟
ايهم: يعني وش بتقول مثلاً ؟ اجلس بالمكالمة ساكت وأوجعها اكثر ! خلاص علطول قفلت المكالمه
تيار: طيب إلى الان ما دقت عليك او ارسلت شي ؟
ايهم: كيف ترسل ولا تدق ترا العنود ام الكبرياء ، عندها كبرياء مأثر عليها مره مستحيل تجلس تقول ليه او تترجاني ان ما نبعد عن بعض
هز راسه تيار وهو ينطق: صح ، العنود كبرياءها مره عالي مستحيل انها تترجاك او تقول شي
ايهم: بس قلبي موجعني
فز تيار وهو يرفع راسه عليه وينطق: ليه ؟
ايهم: مره قسيت عليها ، يعني أنا دايم معاها طيب ولا عمري ضريتها سواءً بأسلوبي او اي شي ، والحين فجأه أتغير عليها وأقسى يعني مدري احسني واجد جرحتها
تنهد تيار وهو ينطق: ليتك قلتلها علطول بدون ما تقسى عليها ما كان افضل ؟
ايهم: مدري مدري ، ما ابغى فجأة اصدمها احسه يجرح ، عشان كذا اخترت اني امهد لها ، بس بكل الحالتين ان شاء الله اني ما جرحتها واجد او حتى جرحتها
هز راسه تيار وهو ينطق: بس مو كأن وقتك غلط ؟ يعني بفتره اختفاء مازن مره غلط انت كذا ضغطت عليها
هز راسه ايهم وهو يمسك راسه وينطق: ايه وندمان واجددد اني تسرعت وكلمتها بس خلاص صار الي صار
خبط على ضهره تيار وهو ينطق: خلاص عوافي لا تفكر بشي انت وأنسى
هز راسه ايهم وهو يطالع فيه وينطق: أنا رايح انام
هز راسه تيار وقام ايهم يتوجه لغرفته ويقفل الباب ويطيح على سريره ويحاول ينام وينسى كل شي صار
