انا حوريتك

الفصل الثالث

---

**الفصل الثالث**

مر أكثر من يومين دون أن أذهب إلى أي محاضرة، وكلما سألني نادر، كنت أتحجج بالمرض. لكن اليوم، اتصلت بي داليا وملك وأخبروني أن المحاضرة اليوم مهمة ويجب أن أذهب. فتحت خزانتي واخترت سويت شيرت أسود فضفاض وجينز أزرق وخرجت.

**داليا:**
"حور، إزيك؟"

**أنا ببرود:**
"تمام."

**ملك:**
"إيه، يا بنتي، مش بتكلميني؟"

**أنا:**
"عادي، مشغولة."

**داليا:**
"الجميل مشغول في إيه؟"

**أنا:**
"ولا حاجة."

**ملك:**
"حور، متزعليش مني ومن الكلام اللي قلته، بس... والله كله عشانك."

**أنا:**
"هزعل ليه؟ عادي."

**داليا:**
"يبقى صافي يا لبن."

**أنا بابتسامة:**
"حليب يا قشطة، ههههه."

**ملك:**
"طب يلا، المحاضرة."

تحركنا نحو المحاضرة، لكن ملك فجأة توقفت عندما سمعت شخصاً ينادي.

**أنا:**
"وقفتي ليه؟"

**ملك:**
"في حد بيناديكي، مش سامعاه؟"

**أنا:**
"أنا؟"

أدارت ملك وجهها لأجد عمران يقف أمامنا. لم أكن أتوقع رؤيته هنا.

**أنا:**
"عمران؟! إزيك؟"

**عمران:**
"تمام، وأنتِ؟"

**أنا:**
"كويسة. بس... عايزة أفهم، أنت بتعمل إيه هنا؟"

**عمران:**
"في الجامعة، يعني، إيه؟ أنا في علم نفس، نسيتي؟"

**أنا:**
"آه، صح. طيب، عملت إيه في الكتاب؟"

**عمران:**
"مفتحتوش، مستنيكي."

**أنا:**
"بجد؟"

**عمران:**
"آه، والله."

**أنا:**
"أنا آسفة جداً، بصي، أنا مشغولة دلوقتي، بس أنا فاضية بعد المحاضرة. ممكن نروح المكتبة بعدها؟"

**عمران:**
"تمام جداً. خلاص، بعد المحاضرة هستنيك."

**أنا بابتسامة:**
"تمام. باي."

**عمران:**
"باي."

ذهبت لأجد داليا وملك ينظران إليّ بصدمه.

**ملك:**
"حور، مين دا؟"

**داليا:**
"وأنا أقول البت مشغولة فين، اتضح أنها مشغولة ومظبطة مع عمران بشحمه ولحمه."

**أنا:**
"مظبطة إيه، الألفاظ دي؟"

**ملك:**
"انتِ تعرفيه من إمتى وازاي وليه؟"

**داليا:**
"ايوة، يلا بسرعة قولي."

**أنا:**
"في إيه، يا جماعة؟ دا مجرد واحد قابلته في المكتبة العامة وساعدته في كتاب مكنش فاهمه. مش أكتر."