انا حوريتك

الفصل التاسع

استمتعو🤭
---

**الفصل التاسع**

**داليا:**
نعم؟ قلتِ إن نادر هيخطب بجد؟

ابتسم نادر عندما سمعها وهي مصدومة.

**أنا:**
آه، بس قال لي اسألها الاول إذا كانت موافقة أو لا.

**داليا بحزن:**
وسألتِها؟

**أنا:**
بمهد الأول.

**داليا:**
طيب، مبروك. بس اكملت بصوت باكٍ: هي مين بقى؟ أكيد سلمي، صح؟ رجع لها؟

**أنا:**
وهتفرق؟

**داليا بعصبية:**
أقولك على حاجة، إنك بكرهك أنتِ وأخوكي الحيوان ده، يا حور، غوري من وشي ومش ترني عليا تاني!

**نادر:**
حيوان؟ أنا حيوان؟

**داليا بصدمه:**
أنا... أنت... احم، أنا آسفة يا أستاذ نادر، أنا مش قصدت والله.

**أنا:**
هههه، جهزي نفسك، عشان عايزين نقابل أبوكي وأمك.

**داليا:**
ها لي؟

**أنا:**
عشان نطلب إيدك، يا هبلة، أنتِ العروسة.

ساد الصمت لدقائق.

**نادر:**
هي أغمي عليها ولا إيه؟ هههههه

**أنا:**
مش بعيد فعلاً... الو داليا، أنتِ معايا؟

**داليا:**
آه، أنا معاكِ بس بجمع اللي بيتقال.

**أنا:**
نفسي أكون قدامك وأشوف شكلك بجد. ههههه

**داليا:**
حور، اقفلي السبيكر وكلميني.

**أنا:**
حاضر... أنا خرجت من الأوضة وقفلته كمان، اتكلمي.

**داليا:**
حور، أنتِ قلتي حاجة لنادر؟

**أنا:**
حاجة إيه؟

**داليا:**
عرفتي إني... أ، أني بحبه.

**أنا:**
يعني هو الكلام جاب بعضه.

**داليا بعصبية:**
أنتِ مجنونة يا حور! إزاي تقولي له حاجة زي دي؟ أنا مش موافقة أكيد بيعمل كده عشان صعبت عليه بس.

**أنا:**
بصي، هو براحتك، بس أنا بقولك إن اللي في دماغك ده غلط. نادر بيحبك زي ما أنتِ بتحبيه بالضبط.

**داليا بفرحة:**
بجد؟

**أنا:**
آه، والله العظيم.

**داليا بشك:**
طب وسلمى؟

**أنا:**
لا، سلمي دي كانت مجرد وسيلة ينسا بها... هااا، موافقة ولا لا؟ الواد هيموت من الفضول تحت. ههههه

**داليا:**
هي دي حاجة تسأليني فيها يا حور؟ طبعاً موافقة.

**أنا:**
يابنتي، طب اتقلي حبه يخربيتك!

**داليا:**
الله يسمحك، بقالى 3 سنين وبتقولي اتقلي!

**أنا:**
عندنا فرح. ههههه، طب سلام بقى، أروح أذيع الخبر.