3 . 7 . 2018 / ည ၈နာရီ :
ဒီမြေပေါ်ကို ပြန်မရောက်ဖြစ်ခဲ့တာ ၁၀နှစ် နီးပါးရှိခဲ့ပြီ။လင်းဖေဖမေမေတို့ကိုလဲလွမ်းလှပါပြီ၊ဩဇီကို ထွက်သွားပြီထဲက တစ်ခါမှပြန်မရောက်ဖြစ်ခဲ့တော့တဲ့ မွေးရပ်မြေပေါ့လေ။
အရာရာဟာလင်း ထွက်သွားတုန်းကနဲ့တစ်ခြားစီပါပဲ အတော်လေးကိုပြောင်းလဲပြီးတိုးတက်နေခဲ့ပါပြီ။
"အန်တီလေး လင်းဘယ်ဂိတ်ကိုလာခဲ့ရမလည်း"
"ရောက်ပြီလားလင်း အန်တီလေးတို့ဂိတ်၂မှာ စောင့်နေတယ်နော်"
"ဟုတ်ပြီ အန်တီလေး လင်းလာခဲ့မယ်"
ဒီနေ့မှမိုးစက်များကလဲ သည်းနေလေသည်။လင်းပြန်လာကိုကြိုနေသလိုပင်။
လင်းကရာသီတွေထဲမှာ မိုးရာသီကိုအနှစ်သက်ဆုံးပင်
မိုးရွာတဲ့နေ့ဆိုရင် ကော်ဖီလေးတစ်ခွက်သောက်ပြီးမိုးရွာနေတာကို ထိုင်ကြည့်ရင်ကြည့်၊မဟုတ်ရင် စာအုပ်ဖတ်၊သီချင်းအေးအေးလေးတွေနားထောင်ရတာက
စိတ်ချမ်းသာရတဲ့ဘဝလေးပင်။
လွမ်းမောစရာကောင်းတဲ့ခံစားချက်ကိုလည်း ပေးသေးတာလေ။
"ဟေ့ လင်း "
"ဟာ အန်တီလေး"
"ကြည့်စမ်း ငါ့တူမက လှလာလိုက်တာ ငါ့မှာမနည်းမှတ်မိအောင်ကြည့်ယူရတယ်"
"တို့အန်တီလေးလည်း အရမ်းပြောင်းလဲသွားတာကော
လင်းက အန်တီလေးကိုတူလို့နေမှာပါ လှလာတာက"
"ကဲကဲအခုပဲရောက်တယ် မြှောက်နေပြီ ဘာစားချင်လဲပြော ဝယ်ကျွေးပါ့မယ်"
"ဟုတ်တယ် ဟီးး လင်းဗိုက်စာနေပြီအန်တီလေးရဲ့၊
ဒါနဲ့အန်တီလေးတစ်ယောက်ထဲလား"
"ဟိုမှာရှင့်အန်ကယ်လေးနဲ့ ဖူးလေးလည်းပါတယ် လာသွားရအောင်"
လင်းကအန်တီလေးကိုကျော်၍ အနောက်ကိုကြည့်လိုက်တော့ဖူးလေးတို့သားအဖတွေက လက်လှမ်းကာပြသည်။ ဖူးလေးတောင် တော်တော်ကြီးလာပြီပဲ လင်းသွားတုန်းကဆို သူက၅နှစ်အရွယ်လောက်ပဲရှိသေးတာ၊ အခုလူကောင်များ ထွားလာလိုက်တာ လင်းကိုတောင်မှီတော့မှာပါလား။
"မမလင်း "
ဖူးလေးကလင်းရောက်လာတာနဲ့ပြေးဖက်ပြီးချွဲတော့သည်
"မမလင်း ဖူးအတွက်ဘာပါလဲဟင် ဖုန်းပြောတုန်းက လက်ဆောင်ပါတယ်ဆိုလို့ ဖူးကစိတ်လှုပ်ရှားနေတာ ဟီးဟီး"
ESTÁS LEYENDO
မမေ့ရက်ခဲ့သော (Ongoing)
Romanceထိုနေ့က မတော်တဆမှုလေးဖြစ်ခဲ့ရသည်။ ထိုမတော်တဆကလေးကပဲ ကျမဘဝကိုပြောင်းလဲပြစ်လိုက်တော့သည်။ ထိုမတော်တဆရေစက်ကြောင့်ပေါ့လေ အင်း ထိုရေစက်လှလှကလေးကြောင့်....
