මං අදත් ආවා මුහුදු වෙරළට.... ඇඳන් හිටපු දුහුල් ටී ෂර්ට් එක අස්සෙන් මුහුදු හුළං පාවෙලා ගියේ ඇඟට සනීපයක් ගේන ගමන්.... ඒත් මගේ හිතට නම් කිසිම සනීපයක් තිබුණේ නෑ.... මොකද එයා තවම ඇවිත් හිටියේ නෑ....
ඊයේ රෑ තාත්තගෙන් අදත් වෙරළට යන්නද අහද්දි තාත්තා කලේ හූමිටි තියපු එක විතරයි.... ඒත් මට දැනුනා මට නින්ද යාගෙන එනකොට මගේ කම්මුල් සීතල දෙයකින් තෙත් වෙනවා.... එයාලා ආදරෙයි මං දන්නවා.... ඒත් එයාලට සමහර දේවල් මග හැරිලා.... ඒක එයාලගේ වැරැද්දක් නොවෙන්න පුළුවන් ඒත් මට මෙහෙම වුන එක.. ඒක මං හිතලා කර ගත්තු දේකුත් නෙමෙයි....
එයා එන්නේ නැද්ද අද... මං වෙරළට ඇවිත් පැය දෙකකටත් කිට්ටුයි දැන්.... ඒත් එයා නෑ....
ටක්.... ටක්.... ටක්....
මගේ මූණේ හිනාවක් ඇඳුනා.... ඒ එයා.... එයා ඇවිත්....
ඊයේ වගේම පුරුදු බංකුවෙන් ඉඳගත්තු එයා ඊයේ කරා වගේම ෆෝන් එක අරන් ඔබන්න පටන් ගත්තා.... පස්සේ ඉයර් ෆෝන් එක කනේ ගහගෙන ඊයේ වගේ ම හිනා වෙන්න ගත්තා....
ලස්සනයි....
එයා ලස්සනයි.... ඇඳගෙන ඉන්න වැරහැලි ඇඳුම් ටික අයින් කරලා අලුත් ඇඳුමක් ඇන්දුව නම් එයා තවත් ලස්සන වෙයි....
"අනේ.. ඔයා අදත් ඇවිත්.. අද මං ගාව බනිස් නෑනේ.... දැන් මොකද කරන්නේ"
මාව ගැස්සිලා ගියා.... මං අතකුත් නවන් කම්මුලට තියා ගෙන එයා දිහා බලන් හිටියා වෙද්දි ඉයර් ෆෝන් ඇබ ගලවලා පැත්තකින් තියපු එයා අදත් ඊයේ වගේම මුහුද දිහා බලා ගෙන කතා කරන්න ගත්තා.... එයා කොහොමද දන්නේ ඊයේ ආව කෙනාමයි අදත් ඇවිත් ඉන්නේ කියලා.... අනික එයා හිතනවද අදත් මට බනිස් ඕනි වෙලා කියලා....
හ්ම්.... එයා හරි අහිංසකයි....
"ඔයාගේ සුවඳ.. මට ඒක මතකයි.. මං ඒකෙන් අඳුන ගත්තේ අදත් ඉන්නේ ඊයේ ආපු කෙනාමයි කියලා.. මට පුළුවන් සුවඳින් කට්ටියව අඳුන ගන්න"
පුදුම වැඩක්නේ ඒක.... එයාට පුළුවන්ලු සුවඳින් කට්ටියව අඳුන ගන්න.... මේ පැටියා ඇස් පේන මටත් වඩා දේවල් දන්නවානේ....
"අද මං සල්ලි ගෙනාවා.. එනවද මාත් එක්ක කන්න යන්න"
එයා අද බනිසක් ගෙනාවේ නෑ කියද්දි මගේ පපුව පිච්චෙන්න වගේ ආවා.... එයා බඩගින්නේ වෙන්න ඇති.... මගේ හිතට ආව එකම සිතුවිල්ල ඒක.... අද මම අමතක නොකර මගේ පර්ස් එක දා ගෙන ආවෙම මේ පැටියට මොනව හරි දෙයක් කව්වනවා කියලා හිතා ගෙනමයි.... ඒත් මං හිතුවේ නෑ මෙයා මං එක්ක යන්න කැමති වේවි කියලා.... ඒත් ඒ පැටියා මං යන්න එනවද අහද්දි නැගිටලත් ඉවරයි....
YOU ARE READING
𝐁𝐋𝐈𝐍𝐃 | ✅
Kurzgeschichtenලස්සන ම කාර්තුවල ජිවිතේට ලැබෙන සමහර දේවල්වලට වඩා දුෂ්කර කාර්තුවල ජිවිතේට අහම්බෙන් වුනත් ලැබෙන දේවල් නිසා නොසිතූ විදිහට ජිවිතේ වෙනස් වෙන්න පුළුවන්.. දන්නවද මගේ පැටියෝ.. මට මගේ ජිවිතේට ලැබුන වටිනම දේ මොකක්ද කියන්න..
