තුල්‍යගේ මානයෙන්....
අපි දෙන්නා අයියගේ අම්මයි තාත්තයි අරන් දුන්නු ගෙදරට ඇවිල්ලා දැන් සති තුනක් ගෙවිලා ගිහිල්ලා.... අයියටත් දැන් ගොඩක් දුරට සනීපයි.... එයාගේ හිතයි ගතයි දෙකම.... දැන් එයා බෙහෙත් බොන්නේ ඇඟේ අමාරුවට විතරයි.... අනික් බෙහෙත් එයා නතර කරා සතියකට කලින්....
අයියා දැන් රස්සාවකට යනවා.... මටත් දැන් මේ අලුත් ගෙදර හුරු නිසා දවල්ට තනියම ඉන්න පුළුවන්.... අයියා නම් මාව තනියම දාලා යන්න කැමති වුනේ නැහැ... ඒත් එහෙමයි කියලා බෑනේ ඉතින්...
අපේ ගෙදරට එහා පැත්තෙන් තියෙන ගෙදර ඉන්නේ වයස හතලිහක විතර නැන්දා කෙනෙක්.... ඒ නැන්දා දවල් වරුවට ගෙදර තනියෙන් ඉන්නේ.... එයා හරි හොඳයි අනේ.... ඒ නැන්දා ගෙදර වැඩ කරලා ඉවර වුන හැටියේ අපේ ගෙදර එනවා.... නැත්තම් මට එහෙට්ට කතා කරනවා.... එයාට ඉන්නවා මට වඩා අවුරුදු තුනක් විතර බාල පුතෙක්.... ඒ නැන්දා කතා කරන්න ගත්තම නතර කරන්නේ නෑ අනේ.... මටත් ඉතින් දවල්ට පාළුවක් නෑ ඒ නැන්දත් එක්ක ඉන්න කොට....
ගොඩක් දවස්වලට අයියා උදේට නැගිටලා දවල්ටත් එක්ක උයලා යනවා.... අපේ ගෙදර බඩු තියෙන තැන් වෙනස් කරන්නේ නෑ.... ඒ නිසා මට තනියම බෙදා ගෙන එහෙම කන්න පුළුවන්.... ඒත් සමහර දවස්වලට එහා ගෙදර නැන්දත් ඇවිල්ලා මට උදව් කරනවා.... හැබැයි ඉතින් අයියා නැන්දගේ පුතාට නම් කැමති නෑ.... මහ නසරාණියෙක් කියලා තමයි අයියා නම් ඒ මල්ලිට කියන්නේ.... ඒත් අනේ මට නම් එහෙම දෙයක් දැනෙන්නේ නෑ ඒ මල්ලිගේ....
අයියගේ අම්මත් සතියකට තුන් පාරක් විතර අනිවාර්යයෙන් අපේ ගෙදර එනවා.... අයියාගේ මල්ලි ගීත් නම් සමහර දාට අපේ ගෙදර අයිතිය එයාට ලියා ගන්නවා.... දන්නවද මං ළඟදිනේ දැන ගත්තේ ගීතුයි මායි එක වයසේ වගේ කියලා.... ඒත් එයා හැසිරෙන විදිහත් එක්ක බලපුවාම මට හිතන්නේ මං නිකන් පොඩි එකෙක් වගේ කියලා....
ඩිං ඩොං..!!!!
ඔහ්..! අයියා ඇවිල්ලා වගේ.... මං මේ මඟ බලන් හිටියේ අයියා එනකල් තමයිනේ....
දොරේ සීනු සද්දේ ඇහුන පමාවට මං දොර ළඟට ගිහිල්ලා දොර ඇරිලා.... හැමදාමත් වගේ දොරෙන් ඇතුලට එන ගමන් මගේ කොණ්ඩේ අවුස්සලා මගේ ඔළුව අත ගාපු අයියා බෑග් එක පුටුව උඩින් දාලා සපත්තු ගලවන සද්දේ මට ඇහෙන්න ගත්තා....
YOU ARE READING
𝐁𝐋𝐈𝐍𝐃 | ✅
Nouvellesලස්සන ම කාර්තුවල ජිවිතේට ලැබෙන සමහර දේවල්වලට වඩා දුෂ්කර කාර්තුවල ජිවිතේට අහම්බෙන් වුනත් ලැබෙන දේවල් නිසා නොසිතූ විදිහට ජිවිතේ වෙනස් වෙන්න පුළුවන්.. දන්නවද මගේ පැටියෝ.. මට මගේ ජිවිතේට ලැබුන වටිනම දේ මොකක්ද කියන්න..
