غرقت في بحرها ولا يفيد العوم

بارت ( 2 )

بسم الله الرحمىٰن الرحيم

" ما احلل القراءه بدون لايك وكومنت "

بارت ( 2 )

عند البنات "عذبه"
: الله لا يوريكم الخوف الي عشته وراحت كل اوراق شغلي ماعرف وش اسوي الحين
الريم: لا عاد لاتبالغين مافي احلى من المطر
وهج:فيه فرق بين المطر والعواصف مهبوله انتي
الريم: لا صدق المطر يجنن لو انا مارجعت البيت من جمال الأجواء شتاء ومطر الله
عذبه : بس توقعت ما ارجع الله جاب لي الشخص ذا مدري كيف طلع لي بوقت حاجتي شهقت وهج تضربها
: بنت ماقلتي مين هو وكيف ساعدك
ريم: وش عرفها مين لا يكون جهاد مرسلك تستجوبينها"ضحكت وهج: اي وبصير انا جهاد وبغار عليها
عذبه:يشينه بس ماينبلع
نطقت اسماء اخيراً بعد ماكانت منصته لهم
: طيب مين ماكلمك ولا كلمتيه ضحكت عذبه ترتب اغراضها وتكلمهم: ماكلمته ولا كلمني بس عطيته عنوان بيتنا
ريم: ولا عرفتي مين هو؟
عذبه: لا بس واضح انه نقيب شهقو  وهج واسماء تضربهم ريم: وجع انتي وهي خل تكمل ملاقيف
وهج: نقيب ووصلك هنا تمزحين عقدت حجاجها عذبه
: واذا نقيب وش يعني مايساعد احد ولا نادر ذا
هج: مب كذا بس مستحيل ماكلمك عضت شفتيها عذبه تشتت نظرها عنهم نقزتها اسماء": بنتت كلمك وقفت من بينهم : ياكثر هرجكم قومو برا بنام وراي شغل
ريم: اي اي انحاشي بس بتعلمينا اليوم ولا بعدين ضحكت عذبه تطردهم وتسكر الباب وراهم رجعت تكمل اغراضها لكن التفتت لصوت دق الباب تنطق:وهجه ماني قايله وش قالي النقيب لا تحاولين ضحكة من اصرار دق الباب راحت تفتحه توسعت احداقها بصدمه وكانت بتصرخ لكن باغتها بيده الي ضغط ثغرها فيها

تحركت تحاول انها تفلت منه تتمنى تجي وهج او اي احد من البنات لكن خابت كل امانيها وتوقعاتها من شافته يدخل وسكر الباب وراه يستند على الباب يقرب من اذنها يستنشق ريحة شعرها يهمس باذنها وحب جنون بهوس:مين النقيب ياعذبه توترت من قربه الشديد والادق همسه لها حاولت تنزع  يده من ثغرها تضربها بيدها ضحك بجون يمسك يديها يلمهم مع بطنها وخصرها بيده الثانيه يحرك ارنبة انفها على طول نحرها: انطقي لاتجننيني يابنت هزت راسها بتتكلم همس لها: بشيل يدي لكن ان طلع صوتك ذبحتك هنا والي يصير خل يصير انسجن لجلك ولا تكونين لغيري ياعذبه هزت راسها بخوف تبخرت كل قوتها قبل شوي بوجود جدها وامها وخواتها والان تواجهه بخوفها الشديد تكره ضعفها قدامه لانها تدري بيتمادى معها لكنها تخافه تدري بجنونه وهوسه وبيسوي اي شي لجلها حتى لو كانت هي الضحيه نزع يده من ثغرها يمسك فكها بخفه ويده الثانيه لامه ادينها مع خصرها بشكل ضامها فيه نطق  بصبر : مين النقيب بلعت ريقها ترتجف بين احضانه من لمساته لها وهمسه الي يقشعر بدنه كز على اسنانه ينطق بغضب وحده واضحه
: عذبه مين النقيب مين فزت بفزع من صراخه
:انطقيي مين
: مم مااعرفه ماعرفه ضحك بجنون عاشق : كيف يعني؟
هزت راسها بالنفي تنطق: ماعرفه جهاد ماعرفه صرخ بغضب وحرقه: كيف ماتعرفينه كيف وانتي جايه معه "بكت تبعد عنه بعد ما ارخى قبضته عنها تبعد عنه تخز راسها بالنفي تنطق: ماعرفه والله ماعرفه بس بس ساعدني بس
جهاد : وليه تسمحين له يساعدك كيف تطلعين معاه بالوقت ذا كيف عذبه كيف اشرحي لي فهميني صرخة فيه بحده وبكى: كنت بمووت جهاد كنت بموت كنت بكون ضحية العاصفه ومحد درى عني "قرب منها يرفع يده لضربها يشوفها تلتم على نفسها بخوف منه يضرب الجدار وراها بغضب مايشوف شي قدامه غير هي وغيرته عليها مو طبيعيه غيرة مجنون مهوس ومريض بكت بصوت عالي وخوف تشوفه يمسك وجهها بيدينه يسند جبينه على جبينها وانفه على انفها نطقت بتردد
: جاد تكفى جهاد ما احل لك تكفى " عض شفتيه بقهر يبتسم وهو لازال قريب منها: بتحلين لي عذبه بتحلين بتكونين لي  وحلالي  نطقت بصدمه
: ما ابيك جهاد ما ابيك افهم مسك فكها بقوه يكز علو اسنانه وجهه قريب منها بالحيل
انا ابيك عذبه انا ابيك وهذا الشي يكفي  " صرخة تضرب صدره بكفوفها تنطق : اطلع برا قبل يشوفنا احد ولا والله علمت جدي ياجهاد اطلعع ما ابيك "
جهاد: لا تجننيني افهمي اني احبك انا اهيم فيك ابيك لي ولا يمكن اسمح ان تكونين لغيري قرب يضرب مكان عقلها بسبابتها: خلي الشي ذا بعقلك انتييي لي عذبه لي لجهاد بس هزت راسها بالايجاب تسايره بخوف
: طيب جهاد طيب اطلع الحين تكفى  قرب منها يشوف رجفتها وتوترها يقبل وجنتيها بحب شديد تنهد يطلع يشوفها مغمضه عيونها بقوه سكر الباب يطلع
"التفتت تشوفه طلع تطيح ويطيح كل حيلها تنهار على الارض تشد على ملابسها بقوه تبكي وهي تلوم نفسها
"تتمنى الوها معاها اخوها سندها يحميها منه ماتحس بالامان بالمكان الي جهاد موجود فيه  بكت تشتمه وتشتم نفسها انها ضعفت وبينت خوفها قدامه رغم انه لازم تبين قويه قدامه عشان لا يتمادى معاها اكثر ويخافها نامت على الارض بعد نوبة خوف وبكي وانهيار شديد

بيت آل سلطان
دخل البيت بعد يوم ضاع بين عمله وشغله بين العساكر والضباط ومهامه الي ماتخلص ناظر البيت اظلم وساكن من الصوت  طلع غرفته ينزع جاكيت بدلته يرميه على السرير يشغل التكيف على اعلى بروده تقدم يطلع ملابسه يتجه للحمام يوقف تحت الماي يشد شعره بيدينه بتفكير اخذه لبعيد لتوترها خوفها وقت كلمها ورجفتها تنهد يستغفر ويتروش يطلع يلبس ملابسه
"وقف عن الة القهوه يجهز قهوته يطلع كتابه المفضل يجلس على سريره يقضي ليله بينه وبين نفسه التفت على رنين هاتفه يرمي كتابه على جنب يتناول جواله يرد على
" ساهر " : هلا ساهر في شي
ساهر: مهيب طلعت اسمه وعنوان ومكان شغله
مسح عيونه بتعب ينطق: جهز الفريق بكرا مداهمه عطهم خبر اول ما اوصل نطلع
ساهر: حاظر
مهيب : وين مكان شغله ارسل لي العنوان وكل شي برساله
ساهر: مدير شركة ******** اسمه خلف بن******* كل شي موجود بالملف توصل بكرا تشوفه
مهيب : طيب يعطيك العافيه اشوفك بكرا سلام سكر جواله يرميه جنب الأبجوره يسكر كتابه يطفي الابجوره يدخل بسبات ونوم عميق بعد يوم مهلك له

بيت " آل سالم "
صحت الصباح تستوعب يومها الي فات معاناتها وهلاكها وتعبها وكل شي عاشته بليل البارح ابعدت لحافها تفتح ستارة شباك غرفتها تشرق فيه الشمس تبتسم للجو الصافي وجماله مع الهواء تنهدت تمشي للحمام يكرم القارئ تتروش تطلع تلبس ملابسها تجهز اغراضها "نزلت تحت تشوف خواتها وبنات عمها وعمتها يجهزون الفطور
تقدمت منهم تصبح عليهم بصوتها الناعم
: صباح الخير للحلوين "التفتت لها وهج تميل شفتها بمزح : ماخده كل جينات العائله الحلوه وتتمسخر علينا ضحكت منيره تمدحهم: كلكم حلوين وفيكم خير وبركه
ريم: عمتي منيره تسلك لنا وهي تدري بنتها ماخذه كل الحلا ضحكت عذبه تقرب منهم توقف بينهم تميل جسدها بدلع : طبعاً تسلك لكم ضربتها اسماء بخفه
: عذبه لاتشوفين حالك ترا كل الحلا عندنا
عذبه : سمر انتي اختي بس ماشوفك اخذه مواصفاتنا وجمالنا مب علينا ابد كشرت سمر تقرصها تسمع ضحك وهج وريم
وهج: حتى اسماء جحدتها النرجسيه
ريم: عذبه يحق لها تدلع وتغتر اسم على مسمى "ضحكت عذبه ترسل لها بوسه بالهواء التفتت على سوال امها
منيره: يلا عشان تفطرين بتتاخرين على شغلك وجهاد بيوصلك كشرت تنطق : لا يمه انا بروح بطلب اوبر مايحتاج التفتت لها منيره تعقد حجاجها
: عذبه مابي يتكرر الي صار امس جهاد يوصلك ويرجعك
عذبه : يمه تكفين لاتزودينها انا ادبر نفسي تنهدت منيره
: طيب الي تبينه الله يهديك بس التفتت تشوف وهج تناظرها بأنتباه تنهدت تمسح وجهها بتعب تمشي ورا امها تفطر " خلصت تطلع غرفتها تاخذ اغراضها معها وتطلع وهج معاها سكرت باب البيت تشوف جهاد ينتظرها جنب سيارته كشرت تتجاهله تمشي بالشارع مع وهج الي لاحظت خوفها ونظراتها له
لحقها جهاد بغضب يسحب معصم يدها
:عذبه اركبي معي اوصلك انتي ووهج سحبت "يدها بقوه
واشمئزاز: ماله داعي طلبنا اوبر ينتظرنا هناك جهاد بصدمه: عذبه لا تجننيني امشي معي قرب يسحبها لكن وقفته وهج بصدمه : جهاد خير تسحبها بكيفك البنت ماتحل لك لي تلمسها" مسح وجهه يصير نفسه
: وهج وهج لا تتدخلين وتعالي معي انتي وهي
وهج بحده: جهاد عن المشاكل ان درا جدي بيصير شي مايرضيك وعود وراك تاخرنا تنهد يشوفها تسحب عذبه وتمشي تركب اوبر ويمشون مشى لسيارته بغضب يضرب السياره