بسم الله الرحمىٰن الرحيم
" ما احلل القراءه بدون لايك وكومنت "
يفكر كيف يتصرف معاها 'وصل شقته ينزلها معه يفتح الباب بالمفتاح يدخل التفت لها يشوفها واقفه برا ماتدخل: ادخلي شفيكك
نوف: كيف كيف ادخل مافي بس انت هنا ' تنهد ينطق
: ادخلي بشوف حل بحاول اساعدك ولا تبين المركز 'دخلت بسرعه تسكر الباب : لا لا مابي المركز'..جلس يأشر لها تجي تجلس يحاكيها
: قولي لي تعرفين الي متوظف بالمركز 'هزت راسها بالرضى تسمعه: مين هو ووش اسمه 'ناظرته بخوف تخاف يسلمها له وماتقدر تهرب بعدين واذا سلمها له الكره ذي اكيد بيذبحونها .. انتبه لملامحها يشوف الخوف يحتلها رفع كفوفه يمسح وجهه يستغفر ربه
: انا ضابط واقدر اساعدك علميني من هو عشان انهي مهنته هناك ساعديني عشان اساعدك
نوف: ماتاخذني له 'عقد حجاجه يناظرها لهل درجه تخافهم: انتي بوجهي مايجيك شي بس علميني
نوف: فيصل 'عقد حجاجه يراجع الاسم بذاكرته يعرفه اشد المعرفه نطق يأكد شكوكه
: فيصل بن مهاب' حركت راسها توافقه الكلام غمض عيونه مايتوقع منه يشوفه ملتزم بشغله ويحبه ويحب وطنه كيف يسوي كذا: متأكده
نوف: والله ما اكذب
بدر: طيب ادخلي الغرفه ذي ارتاحي لين بكرا بشوف وش اسوي'مشت نوف تتركه تدخل الغرفه تسكر الباب وراها التفتت تستنشق ريحة عطره الرجالي تشوف سريره الي يعمه السواد
واغلب ديكور غرفته اسود ناظرت بملابسها تمشي بالغرفه تفكر ماتقدر تنام فيهم وهم كذا بعد وقت طويل فتحت باب الغرفه تطلع تشوفه سادح على الكنب ويده فوق عيونه ' فركت كفوفها ببعض بتوتر ماتقرب له اكثر تخجل من نفسها انها تقوله لكن تبخر كل شي تسمعه: تبين شي' بلعت ريقها ماتعرف كيف حس فيها رغم انها ماطلعت صوت حتى بخطواتها
نوف: لا لا مابي شي رجعت تركض للغرفه تسكر الباب تسند ظهرها عليه'وقف يتجه للغرفه ينطق قريب من الباب : خذي لك ملابس من ملابسي لين بكرا 'ضربت جبينها بفشله تهف على وجهها تحسه بيحترق من الحراره الي احتلتها : اربي ذا كيف يفهم بسرعه بدون ما اتكلم حتى ' وقفت تقفل الباب وترمي عبايتها وطرحتها تسحب لها تيشرت وبنطلون من خزانته تدخل تتروش
بعد مرور أسبوعين
" بيت آل جابر"
جابر: اليوم ابو خلف عازمنا بمزرعته ولزم علي احظر وانتو معي
ماسه: ابو خلف جارنا القديم ماغيره
جابر: اي هو
ماسه: وش المناسبه
جابر: يقول بمناسبة رجوع حفيده ولد سالم وتخرجه وبعد ملكته اليوم
ماسه: ماشاءالله الله يبارك لهم ويتمم على خير يارب
غرام: يبه ذا الي عنده بنات ولده الميت
جابر: ايه الله يرحمه هو
غرام: الله انا بلبس وبروح اول وحده
ماسه: علمي اختك تتجهز ونادي لي نايف فزت غرام تركض لغرفة هبه تعلمها يتجهزون مع بعض للعزيمه
"بيت سعود"
نزلت تركض من الدرج تمسك عبايتها بيد وكعبها بيد
: عزيييز تعال خذ الأغراض لا توهقني
عزيز: نزليهم انتي
وهج: وجع شف لابسه فستاني واغراضي بيدي تكفى نزلهم تأخرنا
سالم: يلا يامره تأخرنا على ابوي
ريم: اهخخ لو رايحه مع جدي والبنات كان ارتحت
ساميه: وين تروحين خذو العروس يجهزونها قبل يوصلون المعازيم تبين تعرسين 'وسعت عيونها من نظرات ابوها لها تنفي براسها: لا لا وع وش ابي به عشان اعرس
عزيز نزل ياخذ الاغراض للسياره يصرخ على وهج
: تعالي اجلسي فوق راسي بعد احسن
نفخت وجنتيها بزعل: وجعع بيتوسخ فستاني
عزيز بتجاهل: يلا يبه تاخرنا والضيوف وصلو قبلنا 'طلع سالم وساميه وريم يركبون السياره مع عزيز يحركون للمزرعه
أنت تقرأ
غرقت في بحرها ولا يفيد العوم
Mistério / Suspenseقصة حب بين مهوس و فتاة ونقيب فريق اول لكن يجهلون صلة القرابه بينهم ليكتشفونها بيوم وتنقلب حياتهم راساً على عقب
