غرقت في بحرها ولا يفيد العوم

بارت ( 5 )

بسم الله الرحمىٰن الرحيم

" ما احلل القراءه بدون لايك وكومنت "

الجامعة "
دخلت وهج بأستعجال بعد تأخيرها بسبب جهاد وعذبه
مسكت مقبض باب الكلاس تاخذ نفس ثم تفتحه تشوف الانظار كلها تتحول لها بعد ماكانو مشغولين بالدرس دخلت تشوف نظرات بتار لها تعرف انه غاضب من تأخيرها : دكتور اسفه على التأخير بس حصل لي ظرف
بتار: التأخير شي من روتينك اليومي وكل يوم احذرك انه ماتتكرر وتتأخرين عن الدرس صح ولا لا
وهج: بس دكتور قاطعها بتار بحده
: اطلعي برا ناظرته بصدمه شلون بتطلع والدرس هذا مهم حق اختبارها
بتار: اظن انك سمعتي تفضلي برا
وهج: دكتور اسفه مابعيدها الدرس هذا مهم حق اختباري ماودي اطوفه
بتار: وهج برااا ناظرته بغضب تطلع وتشتمه بداخلها مستحيل تذل نفسها وتعتذر منه اكثر لو على حساب نفسها بنظرها بتار" مغرور" بارد " غثيث لابعد درجه نزلت للكافي بغضب بسببه منعها من حظور الدرس ولا بتحط الحق عليها طبعاً الغلط كله عليه هو جلست على طاوله وكرسي تطلب قهوتها تنتظرها وهي تتصفح ايبادها وقروب الجامعه الي كله صار حش فيها وشماته تنهدت بغضب تغادر القروب بعد شتمها لهم ناسيه بتار الي يشاركهم القروب كونه المسؤل عنهم مرت ساعتين وقفت تاخذ اغراضها ترجع للكلاس تشوف دكتور لماده ثانيه دخلت تناظر الطلاب بقرف وقهر تجلس بمكانها بعدك اهتمام لهم بعد الي سوته بالقروب وكلامهم انقمست مع الشرح تنتبه وبنص الدرس خلص الدرس جمعت اغراضها تطلع  مشت بعدم انتباه تتصفح  جوالها
صرخت بألم بعد ماضربت بصدره العريض توشوفه واقف قدامها بثبات تام يدينه بجيب بنطلونه يناظرها بنظرات ثابته ينطق : الحقيني عقدت وهج حجاجها بأستغراب توقف بعد ما اخذت جوالها تتبعه
: هذا الي كان ناقصني " دخلت مكتب بتار الخاص  تشوفه يسكر الباب يجلس بمكانه رفع انظاره لها يشوفها تتقدم للجلوس ينطق بحده: خلك مكانك تجمدت مكانها تشوفه تشوف نظراته ماتعرف وش سوت لجل يعاملها المعامله السيئه ذي
وهج: عفواً  دكتور طلبتني فيه شي
بتار بسخريه: انسه وهج انتي ناسيه انك بمكان للتعليم فقط وليس للشتم والكلام الفاضي بلعت ريقها تدرك مدى مصيبتها الي جابتها لنفسها من غضبها وقهرها مافرقت بين القروب الخاص للطلاب والقروب الي يشاركهم فيه بتار ويديره هو
وهج انا اا**قاطعها بصراخ:لك وجه تتكلمين بعد كلامك الي يسود الوجه " اخيراً تلبست القوة وخلص صبرها تكلمه بنفس نبرته وبعناد وتحدي ماترضى على نفسها ابد وهج : لا تصارخ علي وانا ماسويت الا الشي الصح  وقف بتار يقرب لها : وش الصح انسه وهج وش انك تسبين وتشتمين بالطلاب وقدام المدير الخاص فيكم هذي اسمها قلة ادب ولا احترمتيني ولا احترمتي وجودي
وهج: اجل تبيني اشوفهم يتكلمون علي بالشين واسكت لهم لا والله اخذ حقي بيدي ماتعلمت انتظر احد ياخذ حق " بتار بنفاذ صبر: احترمي نفسك وقصري صوتك
وهج: الحين وش تبي مني تبي تحملني الماده ذا شي راجع لك وصراحه بعد الحين مايهمني بس انا ما اسكت عن حقي ابد ولا ارضى احد يذلني مب عديمة كرامه انا
بتار: الشي ذا وكلامك هذا كله بيوصل لاهلك بنشوف وش الصح من الي سويتيه كلهم" ضحكة وهج بسخريه
: الحين انت حاقد علي انا وبس ماحاسبتني الا انا ليش ماحاسبتهم على كلامهم هذا وانت شايف كل شي بعينك وتعرف ان الحق مب علي " صرخ يعدم المسافه بينهم يرفع سبابته بوجهها : وهججج الحق كله عليككم اصحي
سكت يطلق انفاسه وهيجانه توصلها انفاسه الساخنه وحدته وعصبيته يلاحظ دمعها الي تسلل لعينها يركز نظراتها بعيونها " هي ماتعودت تضعف ولا تعودت تبين ضعفها قدام اي شخص مهما كان دايم وهج قويه ومحد يقدر عليها بس الحي بعد تراكمات وضغط وبعد صراخه عليها بهل شكل اذرفت دموعها بدون قصد منها ماتتحمل مشت لباب تفتحه ماتبيه يشوف ضعفها اكثر ماتضغف له ولا تبي يكون الغلط عليها قاطعها بتار الي سكر الباب يوقف قدامها: وهج انا ماخلصت كلامي
" اخذت نفس تصبر نفسها بتجرم فيه وبتلعنه هو وكلامه وبتنسى انه دكتور واستاذ لها
وهج: لو سمحت دكتور افتح الباب بطلع
بتار: ماسمحت لك تطلعين
صرخة بغضب ودون وعي منها: لاتخليني اطلع جنوني علك بعد عني تراني مجنونه بجرم فيك والله  ابتعد عن الباب يسمح لها بالخروج يشوفها تطلع تسرع بخطواتها بغضب ابتسم بخفه يدري اخر كلامها قالته بدون قصد ويدري بجنونها يدري ان " وهج والجنون" ضمن قاموسها الخاص ومايشوف الجنون يليق الا فيها جنون حنون وهج هي الي تمتلك الجنوون من هل نوع بس

" عذبه "
بعد رجعوها من المركز دخلت غرفها تغلق على نفسها وتقفل الباب وتمنع دخول اي احد لها تحس نفسيتها تعبانه والأكيد انه احساسها كله صح وسبب هل شي جهاد تفكر كيف تخلص منه جهاد بنظرها" مجنون"مهوس "مريض" ماتعرف كيف ممكن تمحيه من حياتها تعرف انه ممكن يجرم فيها يذبحها بكل سهوله بسبب حبه لها ولايرف له جفن ماتعرف كيف تبعد عنه وعن جنونه غمضت عيونها بقوه تسمح صوت امها تدق الباب ذي خامس مره تجيها امها ولا تفتح لها وقفت بعد وقت من التفكير تفتح الباب تستند عليه تناظر امها ووجهها الي واضح فيه ملامح البكى تعرفها لشد المعرفه اذا بكت مايجتاج حتى لو خفت الشي ذا عنها بتعرف عبست ملامحها بحزن تقرب من امها تضمها بقوه تبي تحس براحه بعد كل الي عاشته والي شافته دخلت مع امها تقفل الباب تجلس على طرف السرير  معاها
منيره: يمه وش سويتي بنفسك من اليوم ادق الباب قلبي خايف عليك تنهدت بغصه تضم كفوف امها ترفعهم تنام على رجولها سحب يد امها تتركها على شعرها
فهمت منيره الي بخاطرها تحرك اناملها بشعر عذبه تلبي رغبتها منيره: عذبه انا امك انا الوحيده الس ممكن اخفف عنك حتى لو حاولتي تكذبين علي وتخفين عني حزنك ووجعك انا اشوفه قبل لا تحسينه حتى لو ماقلتي لي انا احس فيك انا ام تعرفين وش يعني ام " تسللت دموع عذبه على خدها تسمع امها وتعرف ان امها فاهمه كل شي بس تبيها هي تعلمها
منيره: قولي لي وش الي مكدر خاطرك ترا مصيري مع الايام اعرف ان ماعلمتيني قولي لي خليني اخفف عنك خليني احس بمسؤليتي ك أم ما اقدر اشوف كل هل حزن بوجهك وملامحك العذبه ما اقدر اشوف واسكت لا تقهريني معك زود يابنتي انا وش لي غيركم بالدنيا مالي الا انتم
عذبه: يمه لا يضيق خاطرك بس مشاكل بالشغل "وقفت منيره تنطق : انا اعرف انه مافي شي يخص الشغل وقلت لك مصيري اعرف كل شي مافي شي يضل مستور والحين بروح اجيب لك اكل وياويلك ماتاكلينه ابتسمت عذبه " رغم غضب امها منها بس غضب حنيه حنيتها تسبق كل شي حركت راسها برضى تشوف امها تطلع تنهدت توقف تلم شعرها وتربطه وقفت تختار لها لبس مريح تاخذ لها بجامه تدخل الحمام " يكرم القارئ" طلعت بعد وقت تشوف الاكل على السرير والباب مسكر ابتسمت تقرب تاخذ الاكل تاكل بهدوء خلصت بعد وقت تاخذ الصحن تتركه على الكنب تخاف تطلع تشوف جهاد تعرف اشد المعرفه انه بالمركز بس تاخذ كل احتياطاتها هذا شخص مريض بنظرها وممكن يسوي كل شي  بصالح الحب