بسم الله الرحمىٰن الرحيم
" ما احلل القراءه بدون لايك وكومنت "
" بـيـت مـهـيـب "
دخل يسكر الباب وراه يرجع بيته الي فاضي من اي مخلوق وموحش بسكونه رغم انه يحاول يضيع اكثر وقته بالمركز ويبقى فيه ايام عشان مايرجع على هل بيت الي يضيق صدره بسكونه تنهد يرمي قميص بدلته على الكنب يتوجه للمطبخ سحب الة القهوه يجهز قهوته خلص يرتب المكان يسحب كوبه ويطلع لغرفته يشعل الضوء يترك كوبه على الكومدينه جنب السرير فتح خزانة ملابسه يسحب له لبس ويدخل يتروش بعد ايام غابها عن بيته وكتبه وغرفته ايام مهلكه وموحشه
"بيت سعود"
دخلو البنات يشوفون سالم الي بمثابة ابوها جالس بالصاله يتقهوى مع ساميه
سالم : هلا هلا هلا بالغاليات ضحكو البنات يتقدمون يسلمون عليه بالدور تقدمت عذبه تضمه وتقبل اعلى راسه بأحترام ابتسم سالم: الله يحفظك يابوك
ريم: الله الله المحبه لناس وناس
ساميه : خلو محبته له ولبنت اخوه محبتكم بقلبي غير ركضت وهج تمد لسانها لأبوها تقهره تبوس امها تسمها تضحك : ياكثر حبي لك يا أمي .. ضمتها ساميه بالمثل يناظرون سالم يضم عذبه .. التفتو ريم واسماء لبعض
اسماء : ريم انا وانتي لنا الله ..عبست ريم تأيدها بكلامها
: اي شكلنا مب بناتهم والله اعترفو لاقطينا من المسجد فين اهلنا
سالم: حشى والله ان ما ضميتكم بصدري اضمكم. بقلبي اقلطي انتي وهي
ريم: ماش مامشت علي بس عندي لكم مفاجعه تفجعكم صدق
ساميه : كله ولا تفجعينا انتي اهجدي
وهج: ان شفت المفاجئه يبه بتنسى علانا ومحبتنا والله
ساميه: وش عندكن انتي وهي انطقن ..ضحكت اسماء تشبك يدينها : جاهزيييين .. اشرت لها عذبه بالموافقه تفتح باب البيت
ميل سالم راسه يناظر الي واقف على الباب بأبتسامه تبرز غمازته وتجمل ملامحه وقف برجفه يشوف ولده الي غاب عنه سنين وعاش بغربه لجل دراسته
عزيز " واقف على الباب ينتظرهم يفتحون له الباب .. وبلحظة فتحه يشوف الي يميل براسه تجاه الباب يشوفه يوقف يرتجف جسمه وكل خليه فيه تقدم لابوه بعد ماشافه يمشي بخطوات مرتجفه ركض يضمه بشوق كبييير لابوه الي له معزه خاصه بقلبه نزل يقبل اقدامه بعدها استقام بجسده يقبل راسه وظهر يدينه يضمه بكل مافيه يشوف امه الي واقفه ودموعها تسيل لخدها بدون اي تعبير بملامحها وكانها لاأن ما استوعبت الصدمه ولدها الي ياما عانت من بعده وغيابه عنهم لجل نجاحه ولجل يرجع لهم بشهاده ترفع راسهم ويفتخرون فيه .. هو باخر شهرين قطع التواصل معاهم لجل هل يوم لجل يصدمهم بجيته وبشهادته الي كسبها بكل تعب وجهد وفخر عكس اخوه الي جالس بالبيت عاطل .. تقدم لامه بالمثل يسلم عليها
نزلت منيره على صوت الضجه الي تعم بالبيت تشوف ساميه تضم شخص بس مب واضح وجهه وملامحه لها عقدت حجاجها بأستغراب تقرب اكثر لهم
: وش في مين هنا .. التفت لها عزيز يضحك يشوفها رغم السنين تبقى زوجة عمه الي يحبها والي ربته مع ولدها الي توفى من ثلاث سنين منيره تحب عزيز وغلاه من غلاة ولدها لانه كان اقرب شخص لثامر واكثر شخص يحبه ثامر وربتهم مع بعض .. شهقت بصدمه تضم ثغرها بكفوفها: هذا صدق ولا خيال .. ضحك عزيز يتقدم لها يقبل راسها ثم بضمها : واقع واقع شوفيني قدامك ضحكت تضمه بكل مافيه شوق ولهفه تشوفه ثامر ماتشوفه عزيز من كثر غلا تشوفه نفس الشخص ماتفرق بينهم وعمرها مافرقت بينهم حتى بصغرهم
: عزيز يمه الحمدالله على سلامتك ياروحي
عزيز: الله يسلمك ياعمه اخبارك . جلس بس ابوه وامه الي ضامته لها ياخذون اخباره
عزيز: اجل وين جدي
سالم: ضايف بمجلس خوي له ساعه بيكون هنا
عزيز: اجل اسمحو لي بطلع اتروش وارتاح شوي على مايجي جدي
" عند البنات "
طلعو لغرفة عذبه بعد ما شهدو على استقبالهم لعزيز طلعو بتعب يرمون عبيهم وينزلون اغراضهم
وهج: وحشني حبيبي هو
اسماء: خذي بيجلس على قلبك اشبعي منه
ريم: اخيراً تخرج ورجع كنت شايله همه والله
عذبه: ياحظه درس وتعب ونال حق تعبه بعد سنين عسى الله يوفقه
اسماء بلعت ريقها من طاريه وكلام البنات عنه
: اقول عطوني اغراضي خل اروح غرفتي اتروش وارتاح
وهج: خذي ذا الكيسين لك بس
ريم: اصبري وريني العطور بشوف ..سحبت الكيس اسماء تطلع : ان وريتك عز الله انه ماجلس عندي ثانيه . ضحكت وهج وعذبه على ملامح ريم المصدومه يشمتون فيها
ريم: حيوانه احسب بتقولي حلالك
عذبه : اسمااااء وتعطيك شي حلالك ما اصدق
وهج: هذي اغراضها غاليه عليها الف خط تحت كلمة اغراضها
ريم: وع من زينهم عاد
وهج: اصبرو البس الفستان اجربه .. طلعته لها عذبه ترميه عليها: خشي الحمام سريع تحمست اشوفه عليك ضحكت وهج تركض تسكر باب الحمام
ريم: خايفه. استغربت عذبه سؤالها لكن بعد ما أطالت النظر فيها فهمت معنى سؤالها . ريم شافتها تنفي سؤالها
: ماني خايفه بس انتي ادرى بأخوك .. تقدمت ريم منها تمسك كفوفها بحنيه: اعرف وادري مهما تخبين ذا الشي واضح عليك وانا اعرف جهاد من صغره واعرف انتي وش بالنسبه له وليومك هذا هو متعلق فيك لكن مو معناته انه اخوي واسكت له وادافع عنه لا والله شفته اليوم تمادى ولو عزيز ماجى كان مد يده على اسماء بعد وذا الشي مايرضيني ومن بكرا حلفت اعلم ابوي بكل شي ويمسك ولده
تنهدت عذبه بضيقه: عجزت انام طبيعي اخاف انام واصحى اشوفه قدامي اخاف يسوي فيني شي مايرضيني ولا يرضيه ولا يرضي ربي عجزت القى حل انا داخل دوامه من الهلاك والتعب والجنون
ريم: ماعليك ياقلبي قلت لك بكلم ابوي بالموضوع لا تحاتين
عذبه: لا تعلمينه انا بتصرف عمي ان عرف ممكن يتعب وانتي ادرى فيه يتعب اذا فلتت اعصابه واذا توتر خلي كل شي علي . التفتو لوهج الي طلعت فارده شعرها الي يوصل لوسط ظهرها وفستانها الاسود الماسك على جسمها ومنفوش من اسفل فخذها
ريم: يابنت طيحتي قلبي وانا اختك ضحكت عذبه لسماجتها : وهج ماشاءالله كل شي يليق فيه .. دارت وهج حول نفسها وهي تضحك بدلع : ادري ودام انه ذوقك اكيد هو الي بيحليني .. ركضت تجلس بنصهم تطرح عليهم افكارها: اسمعووووو جا ببالي فكره مره حلوه
ريم: انطقي يا ام الأفكار
وهج: ايش رايكم نكلم ابوي ياخذ لنا مزرعه ونسوي فيها حفله صغنونه بمناسبة رجوع عزيز وتخرجه ومنها نستانس ونرتاح من البيت شوي
عذبه: هو انه نحتفل فيه صادقه لازم نسوي له عشا وعزومه بس بعد فكره المزرعه حلوه
ريم: خلاص ازهلني اقنع لكم ابوي
وهج: نو نو غلطانه . اشارت بيدها لعذبه تكمل : ذي حبيبت البابا وبتقنعه .. اشرت عذبه على نفسها بصدمه
: اناااا
وهج : اي دام يحبك هل كثر الموضوع بيدك ونبي الاكيد بكرا ضحكت عذبه : شكلك حقدتي علي تغارين
ريم: تحسب نفسها هي الدلوعه واخر العنقود الغاليه
كشرت وهج: انتي اسكتي مسحوب عليك من الطرفين ضربتها ريم بمزح تبدا تجاكرها وتعاندها
أنت تقرأ
غرقت في بحرها ولا يفيد العوم
Gizem / Gerilimقصة حب بين مهوس و فتاة ونقيب فريق اول لكن يجهلون صلة القرابه بينهم ليكتشفونها بيوم وتنقلب حياتهم راساً على عقب
