Urjit : Born of a Super Hero

Part 2 : Workload and Accident

Loaction :- Tasty Treat

Saam ke 6 baj rahe the aur Tasty Treat ke staff area mein ek line formation bana ke saare staff khade ho kar samne se bol rahe admi ko bade dhyan se sun rahe the. "I would like to inform you all that is mahine hamari Restaurant ki sale kaafi acchi hui hai jiske liye main sabhi department ko appreciate karta hoon aur mujhe yeh batate hue khushi ho rahi hai ki is mahine total 1 Lakh 45 thousand service charge collect hua hai. I hope ki aise hi aane wale mahine mein aur sale improve hogi with enhancement of service and food quality, Am I clear."Sabhi ne ek Swar mein bola "yes Sir". "Thank you now you all can move to your respective work."Itna bol kar Urjit apne samne khade Senior manager "Ashutosh Rai"ke taraf badha.

"Urjit very good keep it up, tumhari team ne is mahine kaafi achha kaam kiya hai.""Thank you sir"aur uske baad Urjit waha se restaurant ka ek chakkar laga kar sab kuch check karne lagta hai.
"Anish table number 18 ke order mein kya issue hai,"Urjit ne apne junior "Anish Kumar"jo Captain the, se pucha. "SIR, guests ne pehle jo order kiya tha usko modified karna chahte hain lekin food already ready ho chuka hai aur main guest ko explain kar raha tha lekin woh sunne ko ready nahi hain.""Acha, main Dekhta hoon."

Urjit table number 18 ke paas pahuncha aur ek pyari si muskaan apne chehre par laake bola, "Excuse me sir, hope I am not disturbing you."Itna bol ke woh chup chap khada raha aur jaise hi guest ne aage bolne ka ishara kiya, Urjit phir se bola, "Sir, with due respect, jo aapne pehle order place kiya tha woh ready ho gaya hai so I would request you to kindly accept the order."
"But I have changed my mind, I don't want to eat those dishes, mujhe wo chahiye jo maine abhi order kiya hai,"guest mein jo ek 24 saal ki ladki thi usne jawab diya. "Ok maam, as you wish, but I will request you to be a little considerate and take one of the dishes from earlier order and one from the new order, this will help us to reduce the wastage of food."Itna sunn'te hi aas paas ke table waalo ka v attention table no. 18 pe agaya q ki last wali baat Urjit ne todi si uchi boli taki aas paas main baithe logo ko sunnai de. Wo har roj aise ek do spoil brat se takra jaata tha jo waiter par apna rob chalate aur badamizi se baat karte the. Wo ye jaanta tha ki aaj kal society mai apna image aachi bana ne ke liye kuch log sirf aacha behave public place main hi karte the.

Uska ye master stroke kaam aaya aur food waste ki baat aur aas paas ke logo ka attention apni taraf dekh kar dono guest jo ki Urjit ke hum umar ek female aur male the aapas main kuch isharon main baate ki aur phir Urjit ki taraf dekh kar female phir se boli, "Let it be, jab ready ho hi gaya hai to wo purana order hi magwa dijiye because you know I hate food wastage."

Itna sunte hi Urjit baadi si muskaan ke saath bola "Thank you ma'am, if everyone were to think like you, our society would be a much better place to live in."Aur Anish ko ishaaron se purana order laane ko bola aur wahan se restaurant ke dusri taraf chala gaya.

Aisa nahi tha usse hospitality ke baare mein nahi pata tha ya phir "Guest is always right"wali motto ke baare nahi jaanta ho par usko pata tha kaunsa complaint genuine hai aur kaun nahi.

Location - Ganga Drive

Dekhte hi dekhte time raat ke 11 baje gaye the aur Urjit apna shift se sign out karke ghar ki aur nikal gaya. Wo zyadatar raat mein Ganga Drive se hote hue apne ghar jaata tha. Abhi usko kuch hi time huye the Ganga Drive par drive karte hue ki tabhi uske right side se ek tez raftaar mein BMW nikli. Abhi wo kuch soch paata ki utni der main wo car seedha jake ek scooty ko takkar maari jo Urjit se kuch 25 se 30 meter aage chal rahi thi.

Yeh sab itna achanak hua ki Urjit ko kuch samajh nahi aaya, jab tak usko kuch samajh aata aur apni bike ko rokhta tab tak wo car aankhon se dhundli ho gayi thi. Wo turant apni bike se utar kar us scooty ke taraf daura, uske peeche aur kuch log bhaag kar aaye. Jaise hi wo paas pahocha, samne ka nazara bahut hi bhayanak tha. Samne ek mard aur aurat khoon se latpat bich road par gire pade the. Lady to maano bejaan si thi aur mard ki halat kuch khaas acchi nahi thi par uske body mein halchal ho rahi thi. Urjit samne ka drishya dekh kar hosh kho baitha tha, usse kuch na to samajh aa raha tha aur na hi uski body move kar pa rahi thi.

Kuch samay baad, uske kaanon mein ek bacche ki rote hue awaaz sunai di. Wo hosh mein aaya aur jald se uske paas jaakar uss bacche ko godi mein uthane ki koshish ki aur safal raha. Kuch vichar karne ke baad usne turant apne pocket se mobile nikala aur 100 number pe call kar ke Gabhrahat bhare awaaz mein bol utha, "Sir, ek Ganga path par durghatna ghati hai. Turant ambulance bhej dijiye, do log behad ghayal hai". Uske godi mein wo baccha bhi tha jo ro raha tha. Urjit ko samajh nahi aa raha tha ki ab kya karna chahiye, kyun ki usne aaj tak aisi bhayanak drishya nahi dekhi thi.

Usne kisi tarah himmat juta ke aage badha aur thodi der mein uske aas paas dekha to kuch log maujood the jisse usko thodi himmat aayi. Jab usne uss vyakti ki dard bhari awaaz suni to wo jaldi uski taraf gaya aur bola "Aap ko chot lagi hai, zyada mat hiliye, jald hi ambulance aayegi."Itna bol ke wo chup ho gaya. Wo vyakti phir se dard bhari awaaz mein pucha "meri patni". Urjit uss mahila ki taraf dekha aur bola "Haan, wo bhi yahi hai, unko bhi chot lagi hai, shayad behosh hai"usne behosh isliye bola kyunki usse pata nahi tha ki wo mahila zinda hai ya nahi, kyun ki uski body mein koi movement nahi ho rahi thi.

Urjit ne dekha uss admi ki ankhe band ho rahi thi, wo harbara gaya aur turant aas pass dekh kar bola "aare kisi ke pas pani hai kya jaldi laao"kuch log ye sunn ke kuch react nahi kiye, kisi ne apne bag main haath daala tavi ek ne bottle aage badha diya Urjit ki taraf. Usne jaldi se bache ko samne hi road pe baitha diya jaha wo admi para huwa tha aur mano wo adami apne bete ko mehsush kar liya ho aur uske sarir ki saari takat laaga ke uske bache ki taraf dekha aur dard badhi aawaz main pucha "Mera beta thik hai naa". Wo sawaal sunn ke Urjit ke Akhne Naam ho gayi aur maano wo uss insaan ka dard ko feel kar rha ho usne jhaat se jawab diya "Ha ha thik hai halka sa chot aayi hai bas"aavi wo itna hi bola tha ki samne se ek Ambulance ke shaat police ki jeep aati hui dikhi.

Wo turant Police ki gari ki taraf bhaga aur samne aarahe Police officer ko bola "Sir maine hi call kiya tha. Accident mere aankhon ke samne hua hai aur teeno ka sthiti kafi gambhir hai, unhe jaldi se jaldi hospital leke jaana hoga."Urjit itni tezi se saari baate bol raha tha ki samne khade S.I "Anil Yadav ko kuch samajh hi nahi aaya. Phir v wo Urjit ke piche piche chalne laga aur jab uski nazar samne road pe gayi to wo samajh gaya ki ye ladka itna vyakul kyun hai.

Anil Yadav ne jaldi se Ambulance ki taraf ishara kiya taki jitni jaldi ho sake sabko hospital pahunchaya jaa sake. Sabse pehle behosh pari uss mahilao ko logon ne mil kar ek seat par letaya aur uske baad wo uss purushon ki taraf badhye. Itni der mein Urjit v uss bachche ko apne godi mein leke kar Ambulance ke taraf badha.
Jaise hi Ambulance Patna city Hospital ki taraf badhi, uske piche Urjit ne apni bike daura di. Idhar S.I Anil Yadav ne v do police constable ko Accident ki jagah chor ke Hospital ki taraf nikal pade apni jeep mein.