......عيونها كالسهام تصيب قلبه وتجعله ينزف من دون رحمة .......
تجمدت بمكاني طلعت على حمادة يلي كان واقف والخوف مبين على وشو من دون وعي ركضت لعندو
بسرعة قعدت جنبو على الأرض ودموعي تنزل بقوة
قلت بصوت يرجف راهب راهب رد عليي راهب حطيت
راسو على رجليي وانا اشهك بقوة نسيت كلشي بهي
اللحظة نسيت اني دكتورة وبقدر ساعدو ما تذكرت
الأ حقيقة وحدة انو الشخص يلي بعشقو تصوب بسببي
فتح عيونو يلي كانو حمر من الألم ماكنت واعية
على حالي ولا على كلامي قلت راهب حبيبي أنت مارح
يصرلك شي انا متأكدة بس لا تغمض عيونك كرمالي
مسكت إيده وهو ضغط على إيدي بقوة رفعت راسي
حاولت شوف حدا يساعدني ومابقدر روح شوف حدا
مابدي اتركو لحالو بهي الحالة دموعي تنزل من دون توقف طلعت موبايلي وجسمي يرجف دقيت على
ندى وطيبة بس موبايلاتون مقفولة معناتها بالمحاضرة
ورقم إياد مو معي ياربي شو بدي اعمل شفت زلمة ومعو شبين جايين باتجاهنا
الزلمة: يابنتي شو صار وصوت القواص
....عمو لو سمحت ساعدني هو تقوص وانا مابعرف شو
بدي اعمل
الزلمة: لا تخافي بنتي بس لازم ناخدو على المشفى
يلا ساعدوني
حاولو الشبين يحملو بس ماقدرو راحو جابو تلت شباب
لحتى قدرو يحملو بس كان ماسك إيدي بكل قوة ركبت بالسيارة ورا وهو كمان وراسو على رجليي كان فاقد
الوعي ونبضه ضعيف انا السبب انا وصلنا على المشفى
ودغري فوتو على العمليات قعدت على الكرسي وانا
مافيني حيل طلعت كانو تيابي كلون دم وإيدي بس
ما اهتميت كل همي هو وبس جسمي عم يرجف بطريقة
مو طبيعية ضل معي الزلمة وولادو التنين ضلو اربع
ساعات بالعملية لحد ما طلع الدكتور وقال حالته
خطيرة كتير والرصاصة قريبة من القلب ولو زايحة
شوي كان مات وهلأ عو بالعناية المشددة واقفة قدام
غرفته وعم بطلع علي رن تلفونو كتير فوق ٥٠ مكالمة
بس مابعرف مين انا لازم احكي مع إياد بس رقمو مو
معي دقيت على طيبة بس ماردت عليي حاولت افتح
موبايلو بس كان الو باسورد قررت احكي مع بابا وقلو
وفعلا دقيتلو بس مارد ياربي ليش ماحدا عم يرد
ماما دقتلي وزينب بس مارديت طلعت صارت الساعة
١٢ باليل وموبايلي وموبايلو ماهدو من المكالمات
ترجيت الممرضة اني شوفو بس ماقبلت ضليت اترجاها
حتى بكيت قدامها سكتت وفعلا فوتتني وقالتلي خمس دقايق ياريتني متت وماشفتو بهي
الحالة الأجهزة محاوطو من كل مكان وصدره ملفوف
قربت منه ومسكت إيده الباردة وهمست راهب حبيبي
قوم كرمالي انا مابقدر عيش بدونك بس مافي منه
أنت تقرأ
حمامة سوريا البريئة
قصص عامة.....عشقها حد الجنون ......كان الحزن يقتلها وهي تنظر إليه وترى عدم اهتمامه لها ولكنه كان يحترق من الداخل من عشقه لها ..... قصة جديدة ياريت تسمتعو بقرائتها.......
