المُبهم العاشق

-المحَطة السابعه.

شلوُن  بيةَ شلون بيِك
گلبي انهَ تعَود عَليك
وروُحي مو يَم جِسمي روُحي
كِمت احِسها ببيِن ايِديك
ورِدت اكُلك انتَ اني
ومِثل سَيف برُكبتي تَمُر الثَواني
ليَلي مِن دونَك اخَلصهَ
بالجكَاير والاغَاني .

لا تنسوا التعليق بين الفقرات والتصويت.

زهراء علي♥️!.

______________________.

التوتر حاوطني ما اعرف شلون اشرح الها بس لازم بعد اكول الها كافي اضم واتختل مثل الحراميه
سحبت نفس وبديت اشرح اله بتسلسل من اول يوم بس تغاضيت عن موضوع تركنا
صفنت بالفراغ وهي قابلة وما قابله
-ها يُوم!
-وجعااااا
ضحكت وحضنتها وبست خدها
شمس-يُوم تره حته رضا يعرف والله أمير يحبني من صدگ
-ادري انه لازم ايدي امير ،الي انتِ ويا بعلاقه وانه اعرفه شلون انسان زين، بس بعدج صغيره شمس وينج وين زواج
شمس-قابله هسه انه مزوجه
-چا تردين تظلين ويا بعلاقه إلى متى لا يمه تكضين السادس وتتزوجين مدام يحبج يدك الباب
شمس-تره هو كلش يلح بهذا الموضوع بس انه رافضته
-ليش ترفضين يمه اذا يحبج ما تعبين لا بفرق العمر ولا بصغرج بس مدري گلبي لاعب
شمس-تره انه مو صغيره يُوم سادس اعدادي سنه وادخل كُلية
-مفلفله شمسيه
ضحكت من كل گلبي وعصرتها بحضني
شمس-احبچ ماما والله
بقينه نسولف واجه ابوي گال صديقه اليوم معزوم عدنه عشاء
بقينا نحضر انه وامي قبل لا يوصلون كالت الي أمي
-كومي رتبي نفسج أمي لا تبقين هيج حبيبتي
هزيت راسي وصعدت لغرفتي سحبت ورتبت نفسي سمعت صوتهم ونزلت
سلمت عليهم
احنه عدنه اذا ضيف اجانا مره رجال نكعد سويه حته لو ما اقارب
توترت من نظرات ابنهم
چان مركز وياي بشكل يضوج حيل امي حست عليه
-شمس ماما روحي انتِ واختج جيكو على الطبخ

كمنه وملك عرفت النغمة وقصد امي  راحت ذبت زرك على الكرويته تلعب بجهازها
شفت الاكل وصعدت جبت تلفوني ونزلت يم ملك
دزيت له رسالة ما شافها يمكن بشغل
كعدت اتصفح اجيبها منا واخليها هنا لحد ما صبينا عشاء
وعود كلت براحتي وهذا واكف بزردموييي
لحد ما حس رضا عليه وصاح كاز على سنونه
-محمدددد خويه عيونك شبيهن
حس على نفسه وشال عيونه كملنه وغسلنا المواعين
وضطريت اكعد وياهم
لحد ما وصلني اتصال
كلت الهم ورد
وصعدت لغرفتي لكيته مگطوع رجعت عاودت الاتصال
رد عليه بصوت تعبان
-هلا أبويه
شمس-هلا حبيبي شبيك!! ،شبي صوتك
-مابيه أبني، شلونك
شمس-زينه اني، أمير شبيك!!!!
-مابيه شيء والله بس تعبان لا اكثر لا تشغلين بالج
شمس-اميرر
-نواظر عيون الأمير
شمس-شغلت بالي حبيبي والله
-شلون يعني بعد اذا تعبان ما اتصل بيج غير تعبان اجي ارتاح يمج
شمس-شسوي لك ويروح تعبك
-اخ بعيده عني لو بس حضنج يمي كلشي يهون
شمس-لا تتسربت
ضحك واختلطت ضحكته بسعال قويه
-شنو مريض!
أمير-لا يابه من الجكاير
-قلل قلل ياعيني الجگايرر مُضرة بصحه
أمير-ماكو مشكله من تجين يمي اگطعها نبدل كل جكاره بنفس من لاله
-شني لاله!
امير-رگبتک ابني تلالي چنه گمر بنص الظلام
-اوووو عوف سوالفك هاي
أمير-شعندي هسه انه بس السوالف دخل تلزمج اديه اذا اهدج ما معدود على الزلم
-ايباخخ ياهو يخليك
أمير -خاب دصيري حلالي اشوف بعد ياهو يفك حلكه
-اممم
أمير -اكلچ
-گلي
أمير- خل نزوج
-الله كريم وي سادس تريد تعرس هسه انتَ
أمير-اجلي السنه بس
-يااااا
أمير-اي شبيج خايبه وعلي مشگوگ شگ اريد اجي والكاج كدامي وره سحل النسحله واجعصج جعص بحضني
-الله كريم
أمير-تره حبوبتي عرست اصغر منج خاف خايفه جي صغيره
-هلووو بس انه مو حبوبتك
أمير-قصفتني الصلفه
-حبيبي
أمير-هممم
-حبيبيييي
أمير-ها أبويه ها
-انتَ تحبني؟!
أمير- لا اضحك عليچ
-امير خاف صدك تطلع انتَ ما تحبني
أمير-لا هيه مو خاف هيه صدك
-يحح وسوالفك هاي
أمير -شيرادلهن كورس يم ابو النسوان
-ياااااا
أمير-خايبه وجع يعني شسوي لازك بدينج صار سنتين اذا ما احبج بس فهمني
-خاف لاكيلك وحيده منا منا
أمير-انه هم بنفسي اباوع بس شو عيوني هيج معميات ما يشوفنج بس انتِ شني نوع السحر حبيبتي
-لا ما نعلم سر المهنة
أمير- فدوه للمهنة وصاحبها ايابااااا
-حلو هاي ايابااا
أمير-احلى منچ عود
-لااا محد بحلاتي
أمير-وانه اشهد والله
-راح ؟!
أمير-ياهو؟!
-التعب
أمير -شبيه!
-ياااا أمير شبيك صدك تحجي
-شنو حبيبي
شمس-غيرر انتَ چنت تعبان واجيت حجيت وياي
-هاااا، اخ خرب يومچ مو بس نسيتني التعب نسيت انه تعبان اصلاً
شمس - هيج مفعولي قوي
-100/100
شمس-احبك اني
-اخ يمه تعاي الحكي ابنچ غير اموت على ربج
شمس-ديله روح نام ارتاح لعد
- نعستي
شمس-امم
-يله أبوية روح روح
شمس-تصبح على خير
-الخير واهله ابويه انتِ "احبچ فراشتي " دفي روحك مو تتمرض أبني
شمس-انه هم احبك، صار
سديت التلفون وشفت الوقت تأخر ما نزلت گبل ذبيت زرگ ونمت، كعدت ثاني يوم الصبح
اريد اكول لأمي اشتري ملابس محتاجه
نزلت واجه ابوي اليوم ما رايح للشغل صاحنه انه وامي للصالة
رحت وانه مستغربه وضعه شيريد!
دخلنا كعدت يمه من جهه سحبني لصدرة، وبقه يسولف سوالف عامه بعدين گال
-شموس بابا محمد خطبج مني، انه اكدر ارفض نفس كل مره بس شفته خوش فرصة الولد مثقف ودارس وطبيب ونعرفه خوش ولد يعني  كل الجوانب مُقنعه انتِ شنو رايج