المُبهم العاشق

-المحَطة التَاسعه "نالكِ قلبي "

أَبشرك مِن وراك اللّيل ما نَمته
ومَا خلِيت موقف ما تذكَرته
إجيت أبالي بالعَشرة
و رحت مِن بَالي بالسَته
و دخت ما ادَري وين أَنا
لأن ما ادَري وين أنتَ
تعَال بداعة العُشره الگضيناهَا
لأن لِو لحَگت تلگانِي فوگ الگاع
إِذا ما لحَگت تلگانِي جَواها .

لا تنسوا تصويت وتعليق بين الفقرات.

زهراء علي ♥️!.

___________________.

احس روحي طلعت من الوجع امي لازمتها مخليته بالماي البارد
-سوده عليه يا أمي غير تنتبهين شوف شصار بيها
مستمرة ابجي من الألم ينهش بروحي
خلتلي مرهم حروق ونطتني مسكن وغفيت وانه ابجي
كعدت على اثر بوسات على مكان الحرگ
ابتسمت وانه اشوف رضا كاعد وعاكد حواجبه مبين خايف
-هلو

رضا-هلا حبيبتي كعدتي،شصار شلون ايديج هيج شموسه، خو ما توجعج

-لا ما توجعني والله سكنت لا تخاف، وكعت عليه الدله هيه ومايها

رضا-غير تنتبهين يا عيني انتِ

-بعد صارت

رضا-هسه أمير يرجعج علينا يكول نطيتوني مشوهة

ضحكت ودفعته

-امشي لك مشوهة انتَ المشوهة

رضا-رايح اجيب ورد انه خابرتني خالتي محد يكدر يجيبها

-اي عفيه حته تروح وياي للصالون باجر

رضا-يا باجر قصدج اليوم

-شبيك باجر الخطوبه

رضا-ست انتِ نايمه من امس ظهر وهسه دنيا الصبح امي منطيتچ مسكن قوي وبي نسبت منوم عاليه

-عليكككك الله

ضحك وهز ايده رفعت تلفوني لكيت طن اتصالات من أمير
دزيت رسالة "ما ارد حتى تشتاقلي "ما كتله على الحرگ
هسه ينشغل باله فغلست
كمت سبحت وجهزت نفسي حته نروح للمركز
ارتب بشالي وصار عليه هجوم
ضحكت من اجتني تهز بمتنه وتحجي بصوت ناصي
"چان صاحبها وخذاها "
حضنتها بكل قوتي
چنت اتلافه مشاعري بس من اجت ورد هيجتهن
توتر محاوط كل جوانبي
خايفه …بس مطمئنة
لأن   حابت الي "رجال"
گلبي دگاته متسارعة
بقت ورد طمن بيه
-انسي كل شي ذكري اليوم حبكم راح يتوج بزواج هاي هيه مراح تضمين حبج بعد عيشي

وفعلاً بديت اعيش كُل لحظه بفَرح وشعور غامرني صعب وصفه

وصلنا للمركز وعلگتها ورد بلاغاني
بدت البنية تشتغلني
كملتني ولكُل يصلي على مُحمد
عقدت حواجبي ودمعت عيوني
مو هذا الامكياج الي اريده اجتني ورد تهدي بيه

ورد - والله تخبلين طالعه شبيج

-ورددد شوفي!!!!، مو نفس الي ردته مو حلوووو

ورد-والله يجننن، دشوفي الحمره لونها شكد حلو لا تگلبينها مناحه ما نلحك نبدله شوفي الساعه بيش حيجون