المُبهم العاشق

-المحَطة الحادية عشر

خاف اموت .. واني ما شبعان منك !
خل احضنك يمكن المره الاخيره البيها احضنك .. منو اليدري الموت يا ساعه يجي ؟ ولو ميت هواي منك
خاف اموت واني مشتاگ لسمارك ..
دام عايش خلي اشبع شوف منك ..
ليش كل واحد بصفحه؟
ليش ما مهتم اليه والضحك چودر بسنّك
خاف اموت بديره غربه !
خاف اموت بعيد عنك
خل نعيش ب بيت واحد
انت لمني وانا المّك
خاف اموت .. واني مو يمك حبيبي ..
خل اموت وراسي يمك

لا تنسوا التصويت والتعليق بين الفقرات

زهراء علي♥️!.

بارت ما قبل الأخير |الجزء الاول|

___________________________.
أجِمل مشاعر يمكن …تمر عليك وتحاوط روحك وترممها
هيه مشاعر "محبَة الحبيب "
من تحس كل الي بداخلك مردود لك وبكد ما تحبه
يحبك ويجوز أكثر منك،
رفعت عيوني وابتسمت اله وحجيت بتنهيده

-عيونك علي

علي-شبيهن يا بعدهن

-حلوات هنه ونظرتهن بس وترني ما جاي اعرف اسوي الك اكل

ضحك وبقى على كعدته اديه على خده وساندهم على ميز الطعام  الي بالمطبخ وصافن بيه
صار شهر من طلع من المُستشفى، وعاف سالفه هناء على اياد لأن فر السالفه عليها عود خانته وي صديقه واياد أستمر بس بالمنطقة لكُل يعرف اياد وعلي مو على صلح
كل ما يلتقون يتعاركون وهذا جزء من الخطه،
والي مريحهم هناء فعلياً اكو مشاعر بداخلها لأياد
جاي تبين شويه شويه حسب حجي اياد
بس انه مضوجني لأن مهما كان هي بنية صح هيه مو زينه
بس اخاف اخاف بيوم اذا لعبنا بمشاعر غيرنا ينلعب بمشاعرنا ويحطمونه لكَن لكُل خطأ عقاب
رجعت عيوني أله اتصل عليه ميت من الجوع والساعه بالوحدة الظهر اهلي كلهم نايمين وشردت اله
ضحكت وانه اذكر شلون شردت

-ميت من الجوع اكلج تعاي سوي الي اكل غير مرتي انتِ

سلام-علي تعال عدنه واسوي الك امي ما تقبل والله

-غير نايمه عريفه

سلام-وشني ما تكعد شنو اطلع هيه نايمه بلهول  وعلي تفز

- اقفلي غرفتچ وصي زنوبة وصعدي للسطح راح اجيج

سلام-وين تجيني انتَ مو توك فال ايدك شلون تحركها وتطفر  ان شاء الله

-متتظرج على سطح

رحت لزينب وصيتها

-بس اسوي اله اكل زنوبه جوعان خطيه والله، باعي واذا كعدت أمي كلها راحت لزهوري ما تگول شي على بيت ابو علي تعرفها صديقتي ،وهم اتصلي عليه گبل اجي بس تكعد خوش

زينب -خوش خوش روحي چا انه راح ابقى العب بتلفون بغرفتچ

بست خدها وحطيت شال على راسي،
چنت لابسه دشداشة بيت لونها أبيض وبيها ورد صغار
كلش أحبها لهل دشداشة
لأن هديه من حبوبه قبل لا تموت وكلش مستعزه بيها بحيث البسها ساعه وانزعها اخاف يصير بيه شي،
شعري بعده مفتوح لأن توني طلعت من الحمام وما مشطته
عود من ارجع امشطه، صعدت ركض للسطح بدون ما البس شي برجلي رجليه بقت تحركني من حرارة الشمس والكاع طلع جمر شفته ينتظرني وهو مقلص عيونه لان شمس عليهن
شافني وضحك وبسرعه طفر لسطنه وانه مستمره اكمز من حرارة الأرض ضحك عليه