الروايه: لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الـخامسـ(5)ــه.
رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••
(طلعت ملاك من الحوش)
عزو: جت المدام(ونزل)
ادم(ضحك): حيوان
(نزل عزو ومزال ماسك الباب وكان قالها اركبي)
عزو: شن جوك توه
ملاك: تمام وانت
عزو: بخير الحمدلله
عزو(اشر ؏ مكانه): هيا اركبي
ملاك: لالا صحيت تو نركب لاورا
عزو: معقوله اول مره نطلب منك طلب وترديني
(طبعا ادم يسمع فيهم)
عزو: هيا
ملاك: حاضر
عزو(خلها تركب وسكر الباب)
ملاك (تحكي من الروشن): صحيت
عزو: سلمك
اد(بيطير من الفرحة بس مبين انه عادي)
•••••••••••••••••••••••
عزو(دز رساله لـ ادم)
عزو: اي خدمه باش مهندس
ادم: تي منوووووووورة وربي
عزو: طريقك زينه
ادم: سلمك انردها لك في الافراح ان شاءلله
عزو: سلمك مربوحه
•••••••••••••••••••••••
••طلع ادم و طول الطريق اغاني رومانسيه يجنن و ملاك حست ان قاصدها بس كانت مش مركزه وادم يبي يفتح معاها دوه مش عارفه كيف ••
(وصلو للمحل)
ادم(نزل قبل ماتنزل هيا و فتحلها الباب): تفضلي
ملاك (نزلت): صحيت
ادم: سلمك
ادم: انا برا تبي حاجه كلمني
ملاك: لالا خش معايا نخاف نخش بروحي
ملاك (نزلت راسها): لو سمحت يعني
ادم(ابتسم): اكيد كنت نبيك تاخذي راحتك
ملاك: لالا عادي
ادم: بس انتي خاشه للمحل شن فيه يخوف
ملاك: مش عارفه بس انا ديما معايا ماما الله يرحمها في السوق و المره اللي فاتت اسراء مش متعوده نخش بروحي
ادم(تنهد): الله يرحمها
ادم(يمشي وهيا جنبه)(مسك الباب قبل مايفتحه تكلم): نبيك اتعودي انِ انا نكون معاك
ملاك (لاول مره تفهم ؏ طول للدرجه حتى نبضات قلبها زادن بس ضربت الاستعباط): كـ كيف
ادم(غمزلها): كل شيء في وقته حلو
ادم(فتح الباب): سلام عليكم
: وعليكم السلام
ادم(يحكي جنب ودنها): تدوري بروحك ولا حتى هذا تخافي
ملاك (ابتسمت وتحشمت): لالا ندور بروحي
ادم: تم انا واقف هنا(غمزلها) تبي راي معاك ماعنديش مشكله
ملاك (وجهها احمر): لالا صحيت اصلا والله مش ضروري عندي
ادم: تبي انردو لـ نفس الاسطوانه من جديد
ملاك(حطت يدها ؏ فمها): خلاص سكتت
ادم(بيموت ؏ حركاتها اللي تجنن): شاطرة
(عدت ملاك بعد شوي جت بنت تحكي مع ادم)
ملاك(تشوف في الفساتين انتبهت ان ادم واقف مع بنت؟!)
ادم: تفضلي
البنت(تدلع وتزعم الكبد): انت الباش مهندس ادم صالح (الفلاني)
ادم: اها تفضلي تبي حاجه
(جت ملاك وقفت قدامه بيناتهم وعاطيه ادم بظهرها والبنت مقابلتها)
ملاك: تفضلي؟
البنت(رفعت حاجبها): كنت نحكي مع الاستاذ
ادم(واقف ورا ملاك وعرفها غايره بس التزم الصمت ويبي يعرف شن تدير)
ملاك: احكي معايا انا وانا ونوصل الكلام لـ ادم
البنت: ممكن نعرف من انتي انا نعرف انه الاستاذ مش متزوج
ملاك (سكتت)
ادم(قدم خطوه): صح مش متزوج بس خاطب
ملاك (فلتت عيونها فيه)
ادم(مسك يدها ويهمس في اذنها): اهدي بلا فضايخ
ملاك (ابتسمت وتبحت في البنت)
البنت: اها الله مبروك وانتِ عيلتك فري هكِ اللي مخليتك تطلعي معاه برواحكم
ملاك (بحتت في ادم لان الكلام وجعها)
ادم: انتِ هي انا مانبيش نغلط مش مطريين انبررو لـ اشكالك ثانيا هيا بنت خالتي و عندنا مناسبه مطلعها عندك مانع
البنت(بدلع): لالا اسفه مش بقصدي
ادم: ولا يهمك اسقدي
ملاك (لفت عليه): اسفه خليتك تكذب وحطيتك في موقف محرج وانا اصلا مفروض ما اتدخلتش
ادم(بتمشي مسك يدها) لا موقف محرج لا شيء بعدين وين تندري مرات الكلام يكون صح
ملاك (لفت وهيا مضايقه من كلام البنت ان كيف تطلع معاه بروحهم): ادم معش نبي نشري ممكن تروح بياء
ادم: قصدك من جدك زعلتي ؏ شأن وحده ماتسوي ضفرك فوتي ياملاك وربي مانعرفها وربي ديما يجنِ شكيلات زي هذي
ملاك(الدمعه في عينها):ممكن نطلوا
ادم(تنهد):هيا
ملاك(تبي تركب لاورا)
ادم: لا عاد هكِ انا حـ نزعل بجد اركبي وين ماكنتي لو يهمك زعلي
ملاك(تبحت فيه)(ركبت قدام بدون اي رد فعل)
ادم(يسوق وبعدين درس ؏ يمين)
ادم: ملاك
ملاك (عيونها ؏ الروشن): انعم
ادم: ممڪن نعرف ڪنك؟!
ملاك: مافي شيء اضايقت بس
ادم(لفت وجهها بيده): نحكي معاك بحتي فياء
ملاك(ردت لفت وجهها وتمسح في الدموع)(بعدين ردت
لفت عليه)
ادم(عرفها مضايقه مابش يضغط عليها اكثر من هكِ)
ملاك (ردت لفت للروشن)
ادم(درس قدام الكرنيش)
ملاك: كنك جبتني هنا؟!
ادم(تنهد): انا كل مانضايق نجي هنا
ملاك: بس توه شتاء
ادم: عادي هيا ننزلو نتمشو شويا تغيري جو بعدين احسن حاجه انه فاضي نتمشوا ؏ راحتنا
ملاك (تنهدت): صحيت بجد اكثر حد نلقى فيه رغم كل اللي صار معايا بس والله مش ضروري
ادم: شن اللي مش ضروري هيا انزلي نغير جو حتى انا
ملاك: حاضر
ادم(لبس جاكته الجلد ونزل)
ملاك (نزلت وهيا لابسه عبايه وبيجامه خفيفه تحت العباسه بس تحشمت اتقوله لبستي خفيفه)
ادم(صكر السيارة و جاء جنب ملاك)
ادم(في الماده العاليه او المدرج اللي قبل ماتنزل للشط)
ادم(نط ويستني فيها)
ادم(ضحك): هيا
ملاك: ڪيف ناس
ادم(اشر بعيييد): باهي الفتحه غادي بكل
ملاك: شن بندير
ادم(قرب): تسمحيلي؟!
ملاك (بأستغراب): ڪيف
ادم: تو انقولك
(جاء قدامها و بيناتهم الماده)
ملاك (فهمت قصده)(تستعبط): شن بتدير
ادم(حط يديه ؏ خصرها و رفعها)
ملاك (مصدومه وحطت يدها ع اكتافه خافت اطيح)
ادم(نزلها): تمام
ملاك(وجهها احمر): شكرا
ادم(ضحك ؏ شكلها و في نفس الوقت فرحان انها يديها مزال ؏ اكتافه)
ملاك (حولت يديها): اسفه
ادم: شن الاسفه عادي بس قتلك كنك ريشه هكِ يافرخه خفيفه بكل شنو هذا
ملاك (رفعت حاجبها): مش فرخه نا را بيناتنا 8سنين
ادم: صاح والله نحساب بيناتنا اشويا بس هيا تنمشو بلا هل المناقرة
(قعدو يتمشو و في ناس بس مش واجد)
ادم(مسك يدها)
ملاك (استغربت بس عجبتها لانها كانت محتاجه سند و حنان معاها ولقت كل الحنان في ادم♥)
ادم(فرح انهت مش رافضته)
(جت مرا محتاجه و عطاها ادم اللي فيه النصيب)
المرا: ربي يحفظكم لبعضكم و تفرحو بعويلتكم و تكونو اسعد عيله ياااارب ربي يجبر بخواطركم و يحفظكم لبعضكم زي ما جبرت بخاطري
ادم: سلمك اللهم امين
(مسك يدها قدام المرا)
ادم: ردي ؏ المرا
ملاك (من الحشم بتموت): أمين امين ربي يفتح عليك و يفرج كربك
المرا: اللهم امين
(مشت المرا)
ادم: عارفه الله كان كلامها صح را انا اسعد رجل في الدنيا
ملاك(فكت يدها)(معرفتش ترد بس جمدت الجو مجمد و هي لابسه خفيف)
ادم: كنه وجهك
ملاك: لا شيء غير صقعت
ادم(سلح الجاكه الجلد و لبسها لها)
ملاك: لالا خليها لك انا لابسه عبايه انت بالتب
ادم: لالا ادفي انتي ماتدورينيش
ملاك(لبست الجاكه و ذاااابت في عطر ادم)
ملاك: صــ صحيت
ادم: سلمك
ملاك (تضحك): اكيد منظري يضحك قدام الناس عبايه عليها جاكه
ادم: مش مهم الناس المهم انا انشوف فيك جميله
(ملاك حست ان ادم تمادي في الكلام و هي خافت تحبه من كثر ماعندها هوس الفقد)
ادم: كنك سكتي
ملاك(تنهدت): مش عارفه بس انا كل حد
ادم: كل حد شنو
ملاك (نزلت رأسها): مش عارفه كل حد نقرب منه(كانت بتقول انحبه بس تحشمت) مش عارفه كل حد نقرب منه و نتعلق بيه يسيبني في نص الطريق
ادم: كيف من؟
ملاك: صاحبات وااااجد نتعلق بيهن و يختفين من حياتي امي اللي موتها كسرني
ادم: الله يرحمها
ملاك (اول مره اتجرا وحطت يدها ؏ ذراعه): صقع عليك هيا نروحو
ادم(قرب خطوة): خايفه عليا
ملاك: اا اڪيد
ادم(مسك يدها): هيا
أنت تقرأ
لم تكن صدفه بل ساقتنا الاقدار
Любовные романыقصه تتكلم عن اخين كل شخص فيهم طاح في الحب بدون مقدمات واحد واقف ع كافي وجت بنت حضنته و تطلب منه الاستغاثه والثاني شاف بنت خالته بالفستان مغمى عليها اسعفها للمستشفي و اعترفلها بحبه لها وباقي الاحداث ح تعرفوهن مع الروايه
