لم تكن صدفه بل ساقتنا الاقدار

المقدمه و الحلقه الاولى

اسم روايه:  لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الاولـ(1)ـي.

رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.

•••••••••••••••••••••••

اقتباس من داخل الروايه 🔥

ادم(في زفة اخته اسماء): هيا اسراء طولنا وين القاعه فضيت
اسراء: هيا هي مزلت انا وملاك بنت خالتي تو نجو
(خشت اسراء وقعدت تعيط)
ادم(خش للقاعه بصدمه): هي كنك ليل
اسراء(اشرت ع ملاك): شـ شوف
ادم(شاف ملاك بالفستان الاحمر يجنن مطرز بالاسود مكان الخصر وراسم جسمها عليها يجنن«سرح في جمالها ونسي انها مغمى عليها»)
ادم(بعد ماوعي لـ نفسه)(يعيط): عطيني عبايتها بسرعه
اسراء (تبكي): هـ هي حاضر
(جابت العبايه ومدتها له)
ادم(لبسها العبايه ورفعها في حضنه) (و؏ طول ع المستشفى)
ادم(يلف في نفس المكان وخايف)
(طلعت الدكتورة)
ادم: طمنيني عليها
الدكتورة: من حضرتك
ادم(خاف يقول بنت خالته ماتخليشي يشوفها): انا زوجها
اسراء(انصدمت)
ادم(فنص فيها عشان تسكت)
الدكتورة: تفضل ادخل لها هي عندها ضغوطات نفسيه محتاجه انك تكون جنبها
ادم: حاضرين
اسراء: عادي انخش حتى انا
الدكتورة: عادي  بس حاولوا انك ماتزعلوهش
ادم(خش عليها وجاء جنبها وهي راقدة)
ملاك(بدتت اتصحصح تدريجياً): انا و وين
ادم(مسك يدها): اش اهدي انا ادم ولد خالتك وانتي اغمى عليك
ملاك (ردت رخت روحها ع السرير)
ادم: اسراء اطلعي شويا
اسراء: حاضر
ملاك: عليش خليك يا سرو
ادم: لالا نبيك بروحنا اشويا
ملاك (استغربت): ان شاءلله خير
(طلعت اسراء)
ادم(مسك يدها): انا ولد خالتك ونعرفك ونعرف تربيتك واخلاقك وانتي حوش باتك معش فيء
ملاك (رفعت حاجبها): كـ كيف وين بنقعد كان نسيب حوشنا
ادم: اسمعي بس انا نبيك ونحبك ووعد مني انحطك في عيوني كلا حوش باتك اللي يمد في يده ويسب هذي مش عيشه اتوافقي ع اللي قتلك عليه باهي مش موافقه اتكوني في حوشنا زيك زي اسراء محد يقدر يقول كلمه ولا يزعلك وماتندريش مرات اتكوني اختى فتره وتحبي وباذن الله انكون لك زوج و اخ و اب و ام و اخت وحبيب وكل شي
ملاك (انصدمت من كلامه لان ديما عصبي وهو):(تعرفو رد ملاك مع الحلقات)

•••••••••••••••••••••••

ثاني يوم بعد زواج اخته عزو مقعمز ع الطاوله اللي برا الكافي ويدخن
(شاف سيارة خبطت سيارة ثانيه والطّريق فاضيه واضح ان مقصود)
عزو(قدم ووقف قدام السيارة)
(طلعت بنت ترعش وتبكي؛ البنت من الصدمه مش عارفه شن اتدير حضنت عزو)
عزو(تجمد في مكانه ومسك اكتافها): كنك شن في
الاء: ساعدني من الكلب هذا سألتك بالله
عزو: اركبي سيارتي
الاء: لالا مانقدرش
عزو: اركبي للسيارة بيجي هذا بيخبط السيارة اركبي بسرعه
(ركبت من الخلف وتبكي)
عزو(ركب السيارة ويسوق بأسرع ماعنده مش عارف هذي من ولا شن تبي منه ومش عارف من الي يلحق فيها وشن دايره عشان يلحقها)
عزو(درس ع يمين)(لف راسه ع البنت): احكيلي شن في ومن اللي يلحق فينل
الاء(ترعش): هذا هذا ولد عمي الكلب يبيني نركب معاه في السيارة وانا عارفه انه ــطوطــ وهوا اكيد مش واعي لان مدمن مخذرات وكنت مروحه من الجامعه حاول معايا كم مره اني نركب وهربت منه
عزو: مش راكبه معاه من قبل متاكده
الاء: وربي ماصارت مستحيل نركب معاه
عزو: باهي تمام اهدي الموضوع شوري
(جاء ولد عمها يلحق فيه)( عزو قطع الطريق بالعرض ونزله)
عزو(طلعه من السيارة وكره من دبشه واضح من شكله وريحته انه مش واعي): ياكلب ياالــــــــــــ والــ والـ(وطاح فيه ضرب لين قريب مات بين يديه)
(حزو الناس بيناتهم وركب السيارة لقى الاء تبكي بطريقه هستيريه)
عزو: كنك خذيت حقك منه ثالث ومثلث
الاء(تخبط ع وجهها): خوتي مش ح يصدقو هما يضربو وديما يقولو الينات يجيبن العار حيقتلوني حي علياء
(نزلت وفتح الباب وحضنها)
عزو: اششش اهدي انا معاك مافيش ولا واحد فيهم يقدر يمد يده عليك)
(هدت اشويا ومزال حاضنها)
عزو: اسف مش قصدي
الاء: ولا يـ يهمك
عزو: هدينا
الاء: ان شاءلله
(ركبت في مكانه وهيا توصف في حوش خوتها)
(نزل عزو وهيا جنبه)
عزو: السلام عليكم
الراجل: لف انت وهيا منين جيتو هذي مش اختي
الاء (تبكي وعدت لخوها): لا الله يربحك اكيد الحقير وصلك الكلام غلط
(دفها خوها منه لين خبط ضهرها ع اكتافه)
عزو: انتي اكويسه
(هزت براسها)
عزو: ياخي اكيد انت فاهم الموضوع غلط
الراجل: لافاهم صح ولو تبي اتموت خايتها تجي
عزو: كلامك هذا غلك
الراجل: اللي عندي قلته
(خذها وركب للسيارة)
باقي الاحداث حـ تشوفوهن مع الحلقات

•••••••••••••••••••••••

المقدمه:

تعريف بالابطال

ادم: (موليد 1995)متخرج من الهندسه في شركه ويشتغل عصبي من لا شيء بس حنون (عيونه و شعره سود ولحيته مرسومه و ملامحه تجنن) عنده اختين وحده واخين باته وامه عايشين

•••••••••••••••••••••••

عزو:  اسمه عز الدين بس الكل يقولوله عزو خو ادم الاصغر منه (موليد 1998)نفس الشي عصبي بس هادي وفـ حاله يعني ماتضايقش مستحيل يجي شورك متخرج من (تقنية معلومات) ويشتغل في شركه (نفس ملامح ادم عيونه وشعرره سود ولحيته مرسومه وملامحه رجوليه وتجنن)

•••••••••••••••••••••••

محمود: خوهم الصغير(موليد 2000) متخرج من القانون والمفروص انه محامي بس شخصيته كوميدي وبصار ويحب يستفز خوته نفس ملامحهم ونفس الجمال

•••••••••••••••••••••••

اسراء: اختهم اخر العنقود والدلوعه اللي تطلبه تلقاه (موليد2005)تقرا سنه اولي في الجامعه (تخصص: طب)

•••••••••••••••••••••••

ملاك :توفت امها قبل اقل من 8شهور وباته من ثاني اسبوع اجوز وزوجته تعذب فيها للاسف ان باته كات
مد💔من يجي يضرب ويعذب فيها ماعندهش لاخوتولاخوات (موليد 2003)بعد الحاح وتعب وافق انها تقرا جامعه تقرا سنه ثالثه (تخصص: اقتصاد) شعرها طويل وملامحها تجننن وكانها فعلا ملاك جمالها وطفولتها تخليك اتقول فعلا ملاك عكس المكان و البيئه اللي عايشه فيها صار حدث قلب حياتها في ثواني

•••••••••••••••••••••••

الاء: بنت عاشت بين ظلم خوتها بعد وافاة والديها في حادث تدمرت نفسيتها وكل يوم خوتها ضرب وسب وشتم فيها بدون سبب(موليد 2005)ملامحها تجنن بشرتها بيضه وعيونها وشعرها عسليات تجنن صار حدث قلب حياتها في ثواني

•••••••••••••••••••••••

رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.

•••••••••••••••••••••••
عارفتها قصيره لاكن ح نعوضكم مع الحلقات