الروايه: لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الـرابـعـــ(4)ـه.
رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••
في العشيه البنات ماشيات للسوق مع ادم
اسراء: هيا يا اسماء
اسماء: هيا هي
ملاك: عدن انتن ماعنديش نيه نمشي والله
ادم: احمم تم البنات انشيلهن اليوم وانتِ نشيلك بكرا
ملاك: لالا صحيت عندي
ادم: انا قلت كلمه اليوم هنا وبكرا انتي و اسماء
اسماء: لالا بكرا انا ماشيه للمزين بيشيلني عزو
ادم: معاك اسراء
اسماء: اها
ادم: تمام وانا ناخذ ملاك تكمل كسوه
ملاك: والله مش لازم
ادم(فنص فيها بس نظره كانت حنونه اكثر ما تخوف): ملاك
اسماء (تبحت في اسراء)
اسراء (غمزتلها)
اسماء (فهمهن ؏ خوهن)
اسماء: تـ تمام ؏ راحتك
ادم: تم هيا انراجي فيكن برا
اسماء و اسراء: تمام هي
•••••••••••••••••••••••
ادم (يسوق): وين تبن
اسماء: في محلات الجيه هذي يهبلن
ادم: تـم
ادم(وصلو المكان): هي تفضلن
(نزلت اسماء)
اسراء (بتنزل وبعدين ردت): شن صار
ادم: اعتذرت منها ومش عارف شن اندير
اسراء: تو نقعد نلقح قدامها انك تبيها
ادم: لالا انا حنحكيلها بس كل شي في وقته توه عرس ووجيج مش فاضي
اسراء: براحتك بس واضح را حتى هيا تبادلك نفس الشيء
ادم(تنهد): مش عارف والله ماني عارف
•••••••••••••••••••••••
تسريع الاحداث 🔥
كملن البنات وشرن الحاجات و تو هما كيف مروحين
ادم: سلام عليكم
فوزيه وملاك: وعليكم السلام
اسراء و اسماء: سلام عليكم
فوزيه و ملاك: وعليكم السلام
ادم(قعمز): كيف حالكن
فوزيه: بخير الحمدلله تعبت لوكا معايا اليوم
ملاك (ابتسمت): تعبك راحه أخويلتي
ادم(عيونه عليها ): ربي يعاونك
ملاك(نزلت راسها): سلمك
•••••••••••••••••••••••
••ادم في داره و اسماء في دارها و عزو و محمود طالعين مزالو ماروحو وفوزيه و صالح راقدين••
ادم(متكي ؏ سرير جاته رساله من اسراء)
اسراء: ادم ملاك لوطا تبي تشرب اميه لحق عليها قبل ماتطلع ومانوصيكش😉
ادم: تي منوووووووورة
اسراء (تضحك): هيا انزل
•••••••••••••••••••••••
(طلع ادم يجري يبي يوصل فيها قبل ماتطلع من المطبخ)
ادم(شافها عاطته بظراها وشعرها الاسود لعند نهاية ظهرها وسرح فيها بعدين قرب بدون ماتحس)
ادم(جاء وراها قدم اكتافه ع الحوض وداير روحه يعبي في اميه بس اي حد يشوفهم كأنه حاضنها)
ادم: سلام
ملاك (لفت بسرعه مصدومه): كـ كنك فجعتني
ادم(زاد قرب وحط يده ؏ شعرها): كنك نازله بلا وشاح
ملاك(زلقت في الدوه): خوتك مش قاعدين وباتك راقد
ادم(ضحك وزاد قرب): وانا
ملاك (تحشمت ونزلت راسها لما حست بنفس ادم): نـ نسيتك نحسابك معاهم
ادم(رفع راسها بيده): في حد قايلك انك تجنني فياء بجمالك هذا
ملاك(سرحت في عيونه ونست هيا وين وكل حاجه)
محمود: احمم
ادم: لف بسرعه وملاك وراه
محمود (غمزله): واخذ راحتك ونحنا مش قاعدين اها
ادم: اطلع برا
محمود (اتكي ؏ البار): مانيش كملو المشهد عادي را
ملاك (بتموت من الحشم وراه)
ادم: محمود وربي ماتمشي انتفاهم معاك بعدين البنت تبي تركب وهيا بلا وشاح
محمود: اصلا انت راجلها اللي زايط اتفرج ع شعرها
ادم: وربي ماتسمع الكلمه انجيك
محمود: طالع حتى انا
ادم(طلع محمود ورد لف ع ملاك)
ادم(مسكها من اكتافها): اهدي ماصار
ملاك (ترعش): كيف نهدي تو يفهمني غلط
ادم(حضنها): اهدي والله مش حـ يتكلم بس بلا خوف زايد
ملاك(الحضن الوحيد اللي حست فيه بالامان بعد حضن امها)
ادم: هدينا
ملاك: ان شاءلله
أنت تقرأ
لم تكن صدفه بل ساقتنا الاقدار
Romanceقصه تتكلم عن اخين كل شخص فيهم طاح في الحب بدون مقدمات واحد واقف ع كافي وجت بنت حضنته و تطلب منه الاستغاثه والثاني شاف بنت خالته بالفستان مغمى عليها اسعفها للمستشفي و اعترفلها بحبه لها وباقي الاحداث ح تعرفوهن مع الروايه
