لم تكن صدفه بل ساقتنا الاقدار

الحلقه الثانيه

اسم روايه:  لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الثانـ(2)ـيه.

رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.

•••••••••••••••••••••••

ادم(اتصل ع اسراء): اسراء
اسراء: نعم
ادم: تبي السوق صح
اسراء: اها بس بنقولك حاجه
ادم: كنك شن في احكي
اسراء: عادي انعدو ناخذو بنت خالتي من حوش باتها مستحيل يخليها تحضر و يضرب فيها
ادم: لا حول ولاقوة الابالله العلي العظيم باهي تحضر هيا عادي خالتي مالهش سنه متوفيه
اسراء: الله يرحمها تو نحاول معاها نفسيتها متدمره من مرات باتها الحقيرة
ادم: حسبي الله ونعم الوكيل تو نمشوا ونحاولو معاها
اسراء: تمام انت برا
ادم: اها هيا اطلعي

•••••••••••••••••••••••

(وصلوا قدام الحوش)
(ادم دق ع الباب)
ادم: سلام عليكم
ريان (مرات باتها): نعم شن تبوا
ادم(انصدم من اسلوبها): نبي ملاك وين
ريان: والله ملاك باتها قاعد يضرب فيها
ادم: نعم شن قلتي يا ابله
ريان: كيف ماسمعت عشان مره ثانيه تفكر ترفع صوتها علياء
ادم(دف الباب بكل قوه لين ريان طاحت): ترا حولي من قدامي
(خش ادم ويعيط)
ادم: ملاك مـــــــــــلاك ملاك وينك (خش لدارها لقى باته يضرب فيها)
ادم: ياولد الــ حول(كرها منه ملاك حضناته وتبكي)
ادم(يمسح ؏ شعرها): اهدي اهدي
ملاك (تبكي بالعبره)
ادم: عدي البسي اي حاجه واركبي في السيارة تراجي فيك اسراء
ملاك: حـ حاضر
خالد(باتها): ومن انت عشان تاخذها بدون اذني
(طلعت ملاك تجري)
ادم(مسكه من دبشه): عارف مازلت محترمك ومانبيش انمد يدي لاكن وعزة الله وجلاله اتفكر اتمد يدك مره ثانيه عليها نقطعها تسمع
خالد: بصفتك من تحكي
ادم(فك يده ودفه ع الساس): مش شورك بصفتي من (وطلع ومسك يد ملاك)
ملاك: ا ادم حي علياء لما نروح حـ يقتلني
ادم(حط يده ع ظهرها): اهدي انا معاك وربي مايقدر يلمسك
ملاك (تبكي)
ادم(حضنها وقعد يسكت فيها): خلاص اهدي وربي مايقدر يمد يده انا معاك اهدي بس
ريان (شافتهم قدام الباب): اهااااا قلبينها عشق وهذا عليش درت روحك بطل
ادم(ركب ملاك للسيارة): اركبي انتفاهم معاها وانجك
ادم(عدا لـ ريان)
ادم: عارفه وربي نمسحك من الارض انت والمريض اللي جوا خطيها احسنلك
ريان(رافعه حاجبها، خافت من اسلوبه)(سكرت الباب ع وجه)
ملاك(حاضنه اسراء وتبكي)
ادم(ركب للسيارة وبرم عليهن)
ادم: خلاص اهدي وربي ماعاد يقدرو يضايقوك
ملاك (تبكي)
ادم: كم مره مد يده عليك
ملاك: كـ كـ كل يوم
ادم: يلنعن&$$
اسراء: خلاص حبيبتي توه ماشيين للسوق بنشوا فساتين انا وانتي
ملاك: لالا شكرا مانبيش
ادم(كان يسوق لف عليها): لالا بتشري وبتحضري العرس وتغيري جو انسيهم
ملاك (تحشمت منه وخافت في نفس الوقت): حـ حاضر
(وصل بيهن ادم)
ادم: المحل هذا مشكور انزلن شوفنه وكان ماعجبكنش تو نشوفو محلات اخرى
اسراء: تم منور
ادم: نورك عاكس
(نزلت اسراء)
ادم: هيا انزلي
ملاك(متحشمه ومنزله راسها): من الفجعه طلعت بدون شوز
ادم: تم تو ننزل نجيبلك واحد كم رقمك
ملاك: 36
ادم(ضحك يبي يغير جوها): رقم سندريلا هضا
ملاك(ابتسمت): اها
(نزل ادم)
اسراء: وين ملاك
ادم: خشي للمحل تو انجيبلها كويش وانجيبها
اسراء: باهي
ادم(عدا المحل خذا واحد ابيض adidas)
ادم(فتح بابها): تفضلي
ملاك: شكرا تعبتك معايا
ادم: لا تعب لاشيء انتي كيف اسراء
ملاك: صحيت
ادم: سلمك
ملاك (لبست و نزلت): والله مش لازم نأخذ اساساً مش معايا فلوس
ادم(ابتسم): عيب عليك انت واسراء واحد معش تفكيري في الفلوس وخوذي احسن حاجه
ملاك: صحيت بارك الله فيك
ادم: سلمك مش بيناتنا
(خشت ملاك لحقت اسراء للمحل وقعد ادم برا واقف ويدخن)
اسراء (مسكت فستان): شوفي هذا ياملاك يجي عليك يجنن
ملاك: اها لالا واضح من شكله غالي مانبيش انكلف عليكم
اسراء: ملاك شن الحركات هذينا
(ملاك سيبتها وعدت للفساتين البسيطه)
(طلعت اسراء تكلم في ادم)
ادم: مستحيل اسراء كملت في ربع ساعه
اسراء: ههه تحلم مازلت ماشفت اصلا بس اسمع نبي انحرشك ع ملاك
ادم(ضحك): كنها سرقت قفطانك
اسراء: ههه حانط بس نحكي جد
ادم: وانا نحكي جد كنها
اسراء: عجبها فستان وشداته بعدين سيباته
ادم(رفع حاجبه باستغراب): عليش
اسراء: قالت مانبيش انكلف عليكم
ادم: شن الدوره هذي  وينها هيا
اسراء: جوه
ادم(خش المحل)
ادم: وين اللي كانت تبيه
اسراء: تو انجيبه
ادم: تمام وانا ماشيلها
(ملاك ماسكه فستان اتشوف فيه جاء وراها)
ادم(جاء وراء كتفها بصوت واطي): تو شن الطروح اللي تديري فيهن
ملاك(انصدمت ولفت بسرعه): اها شـ شن درت
ادم: ماتبيش تاخذي القفطان
ملاك (نزلت راسها): غالي واجد وانا مانحبش نكلف ع حد
ادم(رفع راسها بيده): مافيش شيء يغلى عليك ومش بيناتنا فكيني من الحركات هذينا خير مانزعل
اسراء(تسمع فيه وساكته وفهمت خوها): والله عشنا وشفنا ادم يحكي بصوت واطي😉
ادم(وخر ورفع حاجبه): ها امتى جيتي انتي
اسراء: من مايغلي عليك شيء
ادم(فنص فيها): حيوانه وربي احممم هيا ملاك عدي قيسي الفستان ؏ مقويلكن
ملاك: ادم بس
ادم: عدي قيسيه را مزال صوتي واطي احسن مانعصب وحتاخذيه ؏ الحالتين
اسراء (تضحك): شن الرومانسيه العنيفه هذي
ادم(فنص فيها): اسرااااااء
اسراء: خلاص نبصر وانت عيونك قريب يطلعن هيا ياملاك تعاليلي قيسي الفستان
ملاك (تحشمت): حـ حـ حاضر
ادم: انا قاعد برا نستني فيكن شوفيه ماعجبكش شوفي واحد ثاني وانت فكيني من السريب مش لازم نلف بنغازي كلها
اسراء: لا ان شاءلله بناخذ من هنا عجبني واحد بنشوفه
ادم(مبتسم): غريبه اسراء تشري من اول محل باهي والله
(عدت ملاك لـ حجزة القياس)
اسراء: مش انا الغريبه في عرب متغيرين
ادم(كان طالع رد لف عليها): كيف
اسراء: شي بس انت في السيارة مانزلتش عينك من عليها وانبكري تحكي بصوت واطي وتضحك وتبصر مش ع طبيعتك
ادم(رفع حاجبه): والمعني
اسراء: شيء بس ملاك بنوته اكويسه وتجنن مش شكل بس حتى اسلوب وحركات غير اتحشم بس
ادم: انا سالتك عليها؟!
اسراء: لا بس عيونك يحكن را بس ربي يتمملك ع خير (لفت بتمشي)(مسك يدها)
ادم: تعالي
اسراء: نعم
ادم: عارفه تطلع كلمه لـ اي حد في العيله نهارك اسود
اسراء: باهي يدي
(طلق يدها)
اسراء: مش هبلا انا مش ح نحكي لحد
ادم: تم(وطلع)