الروايه: لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الـرابــ(14)ــعه عشر ، ماقبل الاخيره.
رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••
ملاك(تبكي عدت لـ محمود): محمود محمود شن صار أحكي الله يربحك
محمود(تنهد): الدكتور قال ادعولها
ملاك(مالت ع الباب)
ادم(جاء ومسكها وقعمزها ع الكرسي)
ادم: اهدي حبيبتي بس مش حـ يصرلها شيء باذن الله
ملاك (قعمزت وهيا خايفه عليها)
ادم(واقف جنب ملاك ويشوف في عزو
(نص ساعه وطلعت الدكتورة)(عزو صبى يجري وجاها)
الدكتورة: الحمدلله تجاوزت مرحله الخطر درنالها عمليه تنظيف وتوه احسن الحمدلله
عزو(تنفس بعمق): الحمدلله ياربي
ادم و محمود (يحكو لـ عزو): الحمدلله على سلامتها
عزو: الله يسلمكم
ملاك: الحمدلله على سلامتها
عزو: الله يسلمك
عزو(يحكي الدكتوره): نقدر نشوفها
الدكتورة: اكيد بس واحد بس
ادم: تمام نحنا اطمنى عليها بنروحو الحمدلله على سلامتها
عزو: الله يسلمك تم مربوحه
ادم: ان شاءلله
(طلع ادم و محمود و ملاك روحو بسيارة ادم)
(عزو خش ؏ الاء لقاها راقده)
عزو(خذاء الكنبه وقدنها وجابها جنبها وقعمز) (يتامل فيها ويشوف ؏ اثار الضرب عليها) (مسك يدها اللي فيها الجهاز)
عزو(الدمعه في عينه ويده ترعش وهو ماسكها): انا الغلطان مفروض ماخليتكش بروحك
(عزو حط جبهته ؏ يدها وغمض عيونه)
(خشت الدكتورة)
الدكتورة: اسفه ماعليش
عزو(رفع راسه): ولا يهمك تفضلي
الدكتورة (جت اتشوف فيها وركبت تغذيه ثانيه)
عزو: كنها طولت معش ناضت
الدكتورة: طبيعي من البنج اشويا وتنوض
عزو: تمام بارك الله فيك
الدكتورة: فيك بارك الله واجبي
•••••••••••••••••••••••رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
(وصلو ادم و ملاك و محمود و رقدو بعد تعب وفجعه)
نرجعو لـ الاء و عزو
الاء(بدت تصحصح تدريجيا فتحت عيونها ببطئ الرؤية كان مغبشه بدت توضح تدريجياً)
عزو(كان ساند راسه ع السرير ومغمض عيونه بس واعي)
الاء(نست كان الالم وكل اللي صار بعد شافاته)
الاء(بصوت تاعب ويادوب يطلع): عزو
عزو(فتح عيونه بسرعه): عيونه
عزو(ساعدها تقعمز وجاء قعمز جنبها ع السرير ومش عارفه شن يديࢪ): ڪـ ڪيف حالك توه
الاء(عيونها تعبن دموع بتحضنه بعدين تحشمت تحكي والدمعه في عينها): مـ مـ مـعـش تسيبني معانم
عزو(معش قدر و حضنها)(تنهد):مستحيل وربي ماعاد نسيبك
الاء (بدون مبالغه ڪان حضنه وريحة عطره امان لها)
عزو(فكها ومسك اكتافها وعيونه مدمعات): معقوله تعذبيني هكِ لو صارتلك حاجه كنت حـ نلحقك وربي قريب متتت من الخوف عليك
الاء(ردت حضناته): كانو حـ يزوجوني من الحقير💔 الموت ارحم لياء من انِ نزوجه
عزو(ضحك وهوا حاضنها قرب يحكي في ودنها)
عزو(يهمس في ودنها): مافي حد يقدر ياخذك مني انتي لياء انا بس
الاء(جسمها قشعر من كلامه وبعدت من عليه متحشمه)
الاء: انا انا بنرقد
عزو(ضحك ع شكلها وهيا متحشمه ): ارقدي نوم العوافي (صبي وقعمز ؏ الكنبه)
الاء(يحاول ترقد بس ماقدرتش تبي حد يساعدها وتحشمت من عزو)
عزو(ضحك): قولي ساعدني عادي
الاء(منزله راسها ووجها احمر حطت يدها مكان العمليه): مش قادره انتحرك العمليه كتفتني
عزو(صبي وجاء قدامها حط يده تحت راسها والثانيه تحت خصرها رفعها وعدل رقدتها)
الاء(مصدومه من مرحله جرائته)
عزو(عدل المخده وغطاها)
عزو(يشوف فيها ماتبيش اتشوفه ، ضحك): ڪـنڪ متحشمه
الاء (تحكي بدون ما تشوفه من الحشم): مش هك كنت نبيك تمسك يدي مش ترفعني اوڨر
عزو(رفع حاجبه بـ أبستامه تجنن): لالا مش اوڨر حبيبتي فتره وتڪوني حلالي (وغمزلها)
الاء(جسمها رعش ونبضات قلبها تلخبطن، قال حبيبتي و فتره وتكوني حلالي غطت وجهها بالفوطه من الحشم)
عزو(يضحك وميت في شكلها وهيا متحشمه)
أنت تقرأ
لم تكن صدفه بل ساقتنا الاقدار
Romanceقصه تتكلم عن اخين كل شخص فيهم طاح في الحب بدون مقدمات واحد واقف ع كافي وجت بنت حضنته و تطلب منه الاستغاثه والثاني شاف بنت خالته بالفستان مغمى عليها اسعفها للمستشفي و اعترفلها بحبه لها وباقي الاحداث ح تعرفوهن مع الروايه
